Abọ 4

Ọghẹnẹ Ọ Reọvọ Kugbe Abraham

Abraham o yoẹme kẹ Ọghẹnẹ avọ ẹrọwọ, Jihova Ọghẹnẹ ọ tẹ ya eyaa kẹe inọ ọ te ghale iẹe je ru emọ riẹ bu

OKE nana yọ oware wọhọ ikpe egba-esa gbe udhuvẹ gbe ikpe (350) e ruemu no anwẹnọ Owhe edẹ Noa o ro ku. Abraham ọ jẹ rria Ọr, okpẹwho nọ efe ọ dafia, nọ o jọ ẹkwotọ nọ a bi se Iraq enẹna. Abraham o wo ẹrọwọ gaga. Rekọ a be te dawo ẹrọwọ riẹ.

Jihova ọ ta kẹ Abraham inọ o no orẹwho riẹ je kpohọ orẹwho ofa, onọ o jọ Kenan. Abraham o ru epanọ Ọghẹnẹ ọ ta kẹe ababọ unoma. Ọ rehọ ahwo uwou riẹ lele oma, te aye riẹ Sera gbe Lọt ọmọ oniọvo riẹ, onya na o rehọ etoke lelehie taure a te ti te Kenan je mu iwou-udhu họ ẹria. Evaọ ọvọ nọ Jihova ọ re kugbe Abraham, ọ ya eyaa kẹe inọ orẹwho ulogbo u ti no omariẹ ze, jegbe nọ iviuwou akpọ na kpobi a ti wo eghale ẹkwoma riẹ, yọ emọ riẹ e te rehọ ẹkwotọ Kenan reuku.

Eware i kiehọ kẹ Abraham gbe Lọt ziezi, a te ti wo igodẹ gbe iruẹ buobu. Fikinọ Abraham ọ kare ẹzi oriobọ, ọ kẹ Lọt uvẹ inọ ọ kake salọ ofẹ ẹkwotọ na nọ o were riẹ. Lọt ọ salọ ofẹ Ethẹ Jọdan nọ otọ riẹ u re wou eware gaga, jẹ fa evuẹ kẹle ẹwho Sọdọm. Rekọ ezae Sọdọm a jọ ahwo ọfariẹ gaga—erahaizi ilogbo evaọ aro Jihova.

Jihova Ọghẹnẹ ọ tẹ wariẹ kẹ Abraham imuẹro inọ emọ riẹ i ti bu wọhọ isi obọ ehru. Abraham o fi ẹrọwọ họ eyaa yena. Dedena, Sera aye Abraham nọ o you gaga na o ri yẹ ọmọ họ. Kẹsena nọ Abraham ọ jọ ikpe udhone gbe ikpegbizii yọ Sera o bi te ikpe udhone gbe ikpe no, Ọghẹnẹ ọ tẹ vuẹ Abraham nọ avọ Sera a ti wo ọmọ. Wọhọ epanọ Ọghẹnẹ ọ ginẹ ta, Sera o te ti yẹ Aiziki. Abraham o wo emọ efa, rekọ oma Aiziki Osiwi nọ a ya eyaa riẹ evaọ Idẹn na o ti no ze.

Evaọ oke nana yọ Lọt avọ uviuwou riẹ a be rria Sọdọm, rekọ Lọt ọzae okiẹrẹe na ọ rọ aro kele ahwo okpẹwho na ha enọ i je gbe-ọfariẹ na. Nọ Jihova ọ gbaemu nọ ọ rẹ raha Sọdọm, ọ tẹ kaki vi ikọ-odhiwu ivẹ re a nyae vuẹ Lọt kpahe ọraha nọ ọ be tha na. Ikọ-odhiwu na e ta kẹ Lọt avọ uviuwou riẹ inọ a dhẹ no Sọdọm yọ a re rri emu hu. Ọghẹnẹ o te vi erae gbe oso-itho ziọ Sọdọm gbe ekpehre ẹwho Gomora nọ ọ kẹle etẹe, raha ahwo na kpobi. Lọt avọ emetẹ ivẹ riẹ a zọ. Rekọ aye Lọt o rri emu, ẹsejọhọ avọ isiuru kẹ eware nọ ọ dhẹ seba na. Fiki aghẹmeeyo riẹ, o te whu.

—Wọhọ epanọ o rrọ obe Emuhọ 11:10–19:38.

◼ Fikieme Abraham ọ rọ kwa kpobọ Kenan?

◼ Didi ọvọ Jihova ọ re kugbe Abraham?

◼ Fikieme Jihova ọ rọ raha Sọdọm gbe Gomora?

[Etehe nọ e rrọ ẹwẹ-obe avọ 7]

ỌGHẸNẸ NỌ Ọ RẸ REỌVỌ

Evaọ etoke ikuigbe Ebaibol na, ọvọ ọ jọ ọtamuo hayo agrimeti nọ ahwo a re ru. Jihova ọ rọ ẹkwoma evọ sa-sa, nọ e jọ eyaa nọ a rẹ rẹriẹ hẹ rọ ẹmẹrera dhesẹ oghẹrẹ nọ ẹjiroro riẹ kpahe Osiwi nọ ọ ya eyaa riẹ evaọ Idẹn na o ti ro rugba. Ọvọ nọ ọ re kugbe Abraham o dhesẹ via inọ uyẹ Abraham Osiwi nọ a ya eyaa riẹ na o ti no ze. Evọ efa nọ ọ re kugbe amọfa e fere eware efa via kpahe epanọ a ti ro vuhu Ubi na.

[Omaa-iruo nọ e rrọ ẹwẹ-obe avọ 7]

Emuhọ ●

Ọnyano

Iruo-Izerẹ

Ikelakele

Iziewariẹ

Joshua

Ibruoziẹ

Rut

1 Samuẹle

2 Samuẹle

1 Ivie

2 Ivie

1 Iruẹru-Ivie

2 Iruẹru-Ivie

Ẹzra

Nehemaya

Ẹsta

Job

Ilezi

Itẹ

Ọtausiuwoma Na

Ole nọ O Vi Ile

Aizaya

Jerimaya

Enuobro

Izikiẹl

Daniẹl

Hosia

Joẹl

Emọs

Obedaya

Jona

Maeka

Nahum

Habakuk

Zefanaya

Hagai

Zekaraya

Malakae

Matiu

Mak

Luk

Jọn

Iruẹru Ikọ Na

Ahwo Rom

1 Ahwo Kọrint

2 Ahwo Kọrint

Ahwo Galesha

Ahwo Ẹfẹsọs

Ahwo Filipai

Ahwo Kọlọsi

1 Ahwo Tẹsalonika

2 Ahwo Tẹsalonika

1 Timoti

2 Timoti

Taitọs

Filimọn

Ahwo Hibru

Jemis

1 Pita

2 Pita

1 Jọn

2 Jọn

3 Jọn

Jud

Eviavia