Abọ 14

Ọghẹnẹ Ọ rọ Ẹkwoma Eruẹaro Riẹ Ta Ẹme

Jihova ọ rehọ eruẹaro mu re a whowho ovuẹ orọ ẹdhoguo, ẹwhaharo egagọ uzẹme, ẹruore kpahe Mesaya na

EVAỌ etoke nọ ivie sa-sa i je ro su Izrẹl gbe Juda, utu ahwo jọ a jariẹ nọ e viodẹ—eruẹaro na. A jọ ahwo nọ a wo ẹrọwọ gbe aruọwha gaga evaọ ewhowho ovuẹ Ọghẹnẹ. Roro kpahe eware ene jọ nọ i wuzou gaga nọ eruẹaro Ọghẹnẹ e ta ẹme kpahe.

1. Ọraha Jerusalẹm. Oke krẹkri taure o tẹ te via, eruẹaro Ọghẹnẹ—maero Aizaya avọ Jerimaya—a jẹ vẹvẹ unu inọ a te raha Jerusalẹm, o vẹ te jọ ufofe. A dhesẹ oware nọ o soriẹ nọ Ọghẹnẹ ọ jẹ be dheva kpahe okpẹwho na. Iruemu egagọ erue, ogbekuo gbe ozighi nọ e da orẹwho na fia u dhesẹ inọ igbenu gheghe a rọ jọ ahwo Jihova.—2 Ivie 21:10-15; Aizaya 3:1-8, 16-26; Jerimaya 2:1-3:13.

2. Ezihetha egagọ uzẹme. Nọ ahwo Ọghẹnẹ a tẹ jọ igbo Babilọn te ikpe udhosa gbe ikpe no, a ve ti siobọno ai kpo. A ve ti zihe kpohọ Jerusalẹm, okpẹwho rai nọ ọ raha muotọ na, jẹ wariẹ bọ etẹmpol Jihova. (Jerimaya 46:27; Emọs 9:13-15) Oware wọhọ ikpe egba ivẹ (200) taure o tẹ te via, Aizaya ọ fodẹ odẹ osu nọ o ti fi Babilọn kparobọ—Sairọs—ọnọ ọ te kẹ ahwo Ọghẹnẹ uvẹ kpo nyae wariẹ mu egagọ uzẹme họ. Aizaya ọ tubẹ robọ kotọ dhesẹ oghẹrẹ nọ Sairọs ọ te rọ ruọ okpẹwho na je fi ei kparobọ.—Aizaya 44:24–45:3.

3. Omarọvia Mesaya na gbe eware nọ e te via kẹe. Ẹwho Bẹtlẹhẹm a te jọ yẹ Mesaya na. (Maeka 5:2) Ọ te rọ oma kpotọ, jẹ dhẹ eketekete ruọ Jerusalẹm. (Zekaraya 9:9) Dede nọ ọ te jọ wolẹ avọ uyoyou, ọ te were ahwo ho, ibuobu e te siẹe. (Aizaya 42:1-3; 53:1, 3) O ti whu uwhu oja. Kọ ere uzuazọ riẹ kpobi u ti ro kuhọ? Ijo, keme idhe nọ ọ te rọ uzuazọ riẹ dhe na oye u ti ru nọ ibuobu a ti ro wo erọvrẹ izieraha. (Aizaya 53:4, 5, 9-12) Re oyena o sae lọhọ, a rẹ kpare iẹe ze hrọ.

4. Eghale nọ esuo Mesaya na ọ te wha ziọ otọakpọ. Ahwo-akpọ sebaẹgba a wo ogaga nọ a sai ro su omarai evaọ udhedhẹ hẹ, rekọ Mesaya na ọ te jọ Ovie Udhedhẹ. (Aizaya 9:6, 7; Jerimaya 10:23) Evaọ otọ esuo riẹ, ahwo-akpọ kpobi a te rria kugbe dhedhẹ, makọ te erao na dede. (Aizaya 11:3-7) Ẹyao ọ gbẹ te jọ họ. (Aizaya 33:24) A te lọ uwhu no bẹdẹ bẹdẹ. (Aizaya 25:8) Evaọ etoke esuo Mesaya na, a te kpare ahwo nọ a whu no ziọ uzuazọ.—Daniẹl 12:13.

—Wọhọ epanọ o rrọ obe Aizaya, Jerimaya, Daniẹl, Emọs, Maeka, gbe Zekaraya.

◼ Didi ovuẹ eruẹaro Ọghẹnẹ a je whowho?

◼ Ẹvẹ eruẹaro na a rọ ruẹaro kpahe ọraha Jerusalẹm gbe ọwariẹbọ riẹ?

◼ Eme eruẹaro Jihova a ta kpahe Mesaya na gbe eware nọ e te via kẹe?

◼ Ẹvẹ eruẹaro na i dhesẹ nọ otọakpọ na o te jọ evaọ oke esuo Mesaya na?

Omaa-iruo nọ e rrọ ẹwẹ-obe avọ 17]

Emuhọ

Ọnyano

Iruo-Izerẹ

Ikelakele

Iziewariẹ

Joshua

Ibruoziẹ

Rut

1 Samuẹle

2 Samuẹle

1 Ivie

2 Ivie

1 Iruẹru-Ivie

2 Iruẹru-Ivie

Ẹzra

Nehemaya

Ẹsta

Job

Ilezi

Itẹ

Ọtausiuwoma Na

Ole nọ O Vi Ile

Aizaya ●

Jerimaya ●

Enuobro ●

Izikiẹl ●

Daniẹl ●

Hosia ●

Joẹl ●

Emọs ●

Obedaya ●

Jona ●

Maeka ●

Nahum ●

Habakuk ●

Zefanaya ●

Hagai ●

Zekaraya ●

Malakae ●

Matiu

Mak

Luk

Jọn

Iruẹru Ikọ Na

Ahwo Rom

1 Ahwo Kọrint

2 Ahwo Kọrint

Ahwo Galesha

Ahwo Ẹfẹsọs

Ahwo Filipai

Ahwo Kọlọsi

1 Ahwo Tẹsalonika

2 Ahwo Tẹsalonika

1 Timoti

2 Timoti

Taitọs

Filimọn

Ahwo Hibru

Jemis

1 Pita

2 Pita

1 Jọn

2 Jọn

3 Jọn

Jud

Eviavia