Abọ 20

A Kpe Jesu Kristi

Jesu ọ to ekareghẹhọ ọkpokpọ jọ họ; a vivi rie jẹ kare iẹe veghe

NỌ Jesu ọ ta usiuwoma je wuhrẹ ahwo te ikpe esa gbe ubro no, ọ riẹ nọ oke riẹ evaọ otọakpọ u bi te ekuhọ no. Isu egagọ ahwo Ju a jẹ gwọlọ epanọ a re ro kpei, rekọ ozọ u je mu ai inọ ẹsejọhọ onana o te lẹliẹ ogbotu na ru ozighi, keme a rehọ Jesu wọhọ ọruẹaro. Evaọ oke ovona, Setan ọ tẹ ruọ udu Judas Iskariọt, omọvo ilele ikpegbivẹ na—re o vivie Jesu. Isu egagọ na a kẹ Judas ewẹ isiliva ọgba re o vivie Jesu kẹ ae.

Evaọ aso urere taure Jesu o te ti whu, o koko ilele riẹ họ re a ru ehaa Ọnyavrẹ na. Nọ Judas ọ nya vrẹ no, Jesu ọ tẹ to ekareghẹhọ ọkpokpọ jọ họ, Emu Owọwọ Olori na. Ọ rehọ ukulu ebrẹdi, nọ ọ lẹ no, ọ tẹ ghale iẹe kẹ ikọ ikpegbọvo nọ i kiọkọ na. Ọ ta kẹ ae nọ: “Onana họ oma mẹ [nọ] a rehọ kẹ fiki rai. Wha ru onana roro omẹ.” O ru epọvo na kpahe egho udi na, jẹ ta nọ: “Egho ọnana họ ọvọ ọkpokpọ azẹ mẹ.”—Luk 22:19, 20.

Jesu o wo eware buobu nọ ọ gwọlọ vuẹ ilele riẹ aso yena. Ọ kẹ rai uzi okpokpọ jọ—inọ a re wo uyoyou nọ o kare oriobọ kẹ ohwohwo. Ọ ta nọ: “Fiki onana ahwo kpobi a jẹ riẹ nọ whai ilele mẹ re whai ohwo o te you ohwo.” (Jọn 13:34, 35) Ọ ta udu họ ae awọ inọ ajọ udu u bru rai hi fiki eware okpẹtu nọ a be te rọ ẹro ruẹ. Jesu ọ lẹ kẹ ilele na gaga. Nọ a so ile kugbe no, a tẹ ruọ otafe aso yena nya vrẹ.

Nọ a te ọgbọ Getsemane, Jesu o te kiguẹ je horie eva riẹ kpobi kẹ Ọghẹnẹ evaọ olẹ. U kri hi, elakpa, izerẹ, gbe amọfa a tẹ nya ze ti mu ei. Judas o te go kẹle Jesu jẹ viọlọ iẹe unu, rọ ere dhesẹ iẹe kẹ ahwo na. Nọ elakpa na a kru Jesu no, ikọ na a tẹ dhẹ.

Evaọ aro okọto ukpehru ahwo Ju, Jesu ọ ta nọ ọye họ Ọmọ Ọghẹnẹ na. Fiki onana, okọto na u te bruoziẹ inọ Jesu ọ ta ẹme aghọ gbe inọ o fo uwhu. A tẹ rehọ Jesu bru Ọba Rom nọ a re se Pọntiọs Pailet. Dede nọ ọ ruẹ oware ovo nọ Jesu o ro ruthọ họ, o si obọ no Jesu kẹ ahwo nọ i je bo nọ a rehọ iẹe ze re a kpe.

A te su Jesu kpohọ oria nọ a re se Golgota, etẹe elakpa Rom a jọ kare iẹe họ ehru ure. Evaọ udevie uvo kokoko, idudhe na otọ u te muebi. Nọ euwa jọ e vrẹ no, Jesu o te whu, otọ u te nuhu gaga. A tẹ wọ ugboma riẹ nyai ki fihọ uki nọ a bru fihọ utho. Evaọ okiokiọ riẹ, izerẹ na a tẹ nyai wuhu uki na di ziezi je fi iroroke họ re a rroro uki na. Kọ onana u ti ru nọ Jesu ọ gbẹ te sae kparoma ha? Vievie. Oware igbunu nọ o mae rro kpaobọ o be te via.

—Wọhọ epanọ o rrọ obe Matiu uzou avọ 26 gbe 27; Mak uzou avọ 14 gbe 15; Luk uzou avọ 22 gbe 23; Jọn uzou avọ 12 rite 19.

◼ Ekareghẹhọ ọkpokpọ vẹ Jesu ọ to họ?

◼ Eware vẹ e via taure Jesu o te ti whu?

[Etehe nọ e rrọ ẹwẹ-obe avọ 23]

ỌKWA OBỌDẸ JESU

Uwhu Jesu u wo abọ ologbo evaọ erugba ẹjiroro Jihova. Fikinọ ẹkwoma ẹzi ọfuafo oni Jesu o ro di eva riẹ họ, Jesu ọ jọ gbagba, ọ reuku uwhu hu. Dede na, o si obọ no uzuazọ riẹ re ahwo-akpọ a ruẹsi wo uzuazọ ebẹdẹ bẹdẹ jẹ reawere oghẹrẹ uzuazọ nọ Adamu o kufiẹ na. *—Matiu 20:28; Luk 1:34, 35; Jọn 3:16, 36; 2 Pita 3:13.

[Oruvẹ-obotọ]

Omaa-iruo nọ e rrọ ẹwẹ-obe avọ 23]

Emuhọ

Ọnyano

Iruo-Izerẹ

Ikelakele

Iziewariẹ

Joshua

Ibruoziẹ

Rut

1 Samuẹle

2 Samuẹle

1 Ivie

2 Ivie

1 Iruẹru-Ivie

2 Iruẹru-Ivie

Ẹzra

Nehemaya

Ẹsta

Job

Ilezi

Itẹ

Ọtausiuwoma Na

Ole nọ O Vi Ile

Aizaya

Jerimaya

Enuobro

Izikiẹl

Daniẹl

Hosia

Joẹl

Emọs

Obedaya

Jona

Maeka

Nahum

Habakuk

Zefanaya

Hagai

Zekaraya

Malakae

Matiu ●

Mak ●

Luk ●

Jọn ●

Iruẹru Ikọ Na

Ahwo Rom

1 Ahwo Kọrint

2 Ahwo Kọrint

Ahwo Galesha

Ahwo Ẹfẹsọs