Ahwo Jọ A Zọ Okenọ Owhe Ologbo O Ku Akpọ Na
Abọ 3
Ahwo Jọ A Zọ Okenọ Owhe Ologbo O Ku Akpọ Na
Ọghẹnẹ ọ raha akpọ omuomu, rekọ o siwi Noa avọ uviuwou riẹ
NỌ AHWO-AKPỌ a bi vi na, emuemu gbe uzioraha i te je vi re evaọ otọakpọ. Ọruẹaro ọvo nọ ọ jariẹ oke yena, Enọk, ọ jẹ vẹvẹ ahwo unu inọ Ọghẹnẹ ọ te raha ahwo omuomu. Ghele na, emuemu o gbe je vihọ. Ikọ-odhiwu jọ a wọso Jihova, a no oria rai evaọ obọ odhiwu ziọ otọakpọ, a te zihe oma ruọ ahwo-akpọ jẹ rọ ọwhọ rehọ eyae kẹ oma rai. Nọ o rọnọ a ma ijẹle re a lele eyae wezẹ hẹ na, u ru nọ emọ nọ eyae na i yẹ kẹ ijẹle na i ro wo ẹgba thesiwa—egwara nọ a re se Nẹfilim, enọ i ru nọ ozighi gbe azẹ-okpe nọ ọ jọ otọ oke yena ọ rọ ga thesiwa. O da Ọghẹnẹ gaga nọ ọ ruẹ emama otọakpọ riẹ nọ e be raha kuotọ.
Nọ Enọk o whu no, ọzae jọ ọ jariẹ nọ o wo ohẹriẹ no ahwo omuomu oke yena. Odẹ riẹ họ Noa. Tei te uviuwou riẹ a jẹ daoma ru oware nọ u kiehọ evaọ aro Ọghẹnẹ. Nọ Ọghẹnẹ ọ jiroro nọ ọ rẹ raha ahwo omuomu na no otọakpọ na, ọ gwọlọ nọ ọ rẹ sẹro Noa gbe erao nọ ọ ma. Fikiere, ọ tẹ vuẹ Noa nọ o ku okọ—nọ o rẹ jọ ruaro gaga je wo ibienẹ ene. Noa avọ uviuwou riẹ gbe koghẹrẹ koghẹrẹ erao buobu a te zọ nọ a tẹ ruọ okọ na okenọ owhe ologbo o ti ku otọakpọ na soso. Noa o ru oware nọ Ọghẹnẹ ọ ta kẹe. Evaọ ikpe buobu nọ o je ro ku okọ na, Noa ọ jọ “ọvuẹovuẹ ẹrẹreokie” re. (2 Pita 2:5) Ọ jẹ vẹvẹ ahwo unu kpahe Owhe ologbo nọ ọ be tha, rekọ a jẹ ẹme riẹ fiẹ. Oke u te ti te nọ Noa avọ uviuwou riẹ gbe erao na a rọ ro okọ na. Ọghẹnẹ o te si ẹthẹ okọ na họ. Oso o te muhọ ẹrọ.
Oso na ọ rrọ gaga edẹ udhuvẹ gbe aso udhuvẹ bẹsenọ ame o ro le otọakpọ na kpobi. Ahwo omuomu na kpobi a te whu. Nọ emerae jọ e ruemu no, ame na ọ tẹ rọ ẹmẹrera kpọ bẹsenọ ọ rọ kpọ siọ okọ na ba ehru ugbehru. A jọ okọ na te ẹgbukpe soso taure a tẹ te ruọ otafe. Noa o te dheidhe rọ kẹ Jihova Ọghẹnẹ uyere. Ọghẹnẹ ọ tẹ ya eyaa kẹ Noa avọ uviuwou riẹ inọ ọ gbẹ te rọ ame raha akpọ na ofa ha. Jihova o te ru re usi-oso o roma via, wọhọ ekareghẹhọ orọ eyaa nana nọ e rẹ kẹ omosasọ na.
Nọ Owhe ologbo na o ku vrẹ no, Ọghẹnẹ ọ tẹ kẹ ahwo-akpọ izi ekpokpọ jọ. Ọ kẹ rai uvẹ inọ a rẹ sae re arao. Rekọ o jie uzi kẹ ai inọ a re azẹ hẹ. Ọ tẹ jẹ ta kẹ emọ Noa inọ a vi jẹ vaha ruọ akpọ na soso, rekọ otu rai jọ a ghẹmeeyo. Evaọ otọ Nimrọd wọhọ osu rai, a te mu uwou ulogbo jọ họ ẹbọ evaọ ẹwho nọ a re se Bebẹl, onọ a se Babilọn uwhremu na. Ẹjiroro rai họ re a jọ oria ovo viukpenọ a rẹ vaha ruọ otọakpọ na soso wọhọ epanọ Ọghẹnẹ ọ ta. Rekọ Ọghẹnẹ ọ raha ẹjiroro utu ọwọsuọ yena ẹkwoma ẹvẹrẹ rai nọ o fi ozighi họ, onọ u ru nọ a jẹ rọ jẹ evẹrẹ sa-sa. Nọ a ruẹ nọ a gbẹ be sai wo otoriẹ ẹme ohwohwo ho, a tẹ siọ iruo ebabọ na ba jẹ vahabọ kpo ọvuọ oboriẹ.
—Wọhọ epanọ o rrọ obe Emuhọ uzou avọ 6 rite orọ avọ 11; Jud 14, 15.
◼ Ẹvẹ emuemu ọ rọ vaha ruọ otọakpọ na?
◼ Ẹvẹ Noa o ro dhesẹ nọ o wo ẹrọwọ?
◼ Awhaha vẹ Ọghẹnẹ o fihọ kẹ ahwo-akpọ nọ Owhe ologbo na o ku vrẹ no?
[Etehe nọ e rrọ ẹwẹ-obe avọ 6]
USU ONYAKUGBE ỌGHẸNẸ
Emọ Adamu avọ Ivi buobu a siọ esuo Jihova. Rekọ ejọ e jariẹ nọ i wo ohẹriẹ, ọrọ ọsosuọ evaọ usu enana họ Ebẹle. Uwhremu na Ebaibol na e vuẹ omai nọ Enọk avọ Noa a lele Ọghẹnẹ nya, onọ u dhesẹ nọ a yeri uzuazọ nọ o were Jihova. (Emuhọ 5:22; 6:9) Ikuigbe Ebaibol na buobu e ta kpahe ezae gbe eyae nọ e salọ Ọghẹnẹ wọhọ Osu rai re.
[Omaa-iruo nọ e rrọ ẹwẹ-obe avọ 6]
● Emuhọ
Ọnyano
Iruo-Izerẹ
Ikelakele
Iziewariẹ
Joshua
Ibruoziẹ
Rut
1 Samuẹle
2 Samuẹle
1 Ivie
2 Ivie
1 Iruẹru-Ivie
2 Iruẹru-Ivie
Ẹzra
Nehemaya
Ẹsta
Job
Ilezi
Itẹ
Ọtausiuwoma Na
Ole nọ O Vi Ile
Aizaya
Jerimaya
Enuobro
Izikiẹl
Daniẹl
Hosia
Joẹl
Emọs
Obedaya
Jona
Maeka
Nahum
Habakuk
Zefanaya
Hagai
Zekaraya
Malakae
Matiu
Mak
Luk
Jọn
Iruẹru Ikọ Na
Ahwo Rom
1 Ahwo Kọrint
2 Ahwo Kọrint
Ahwo Galesha
Ahwo Ẹfẹsọs
Ahwo Filipai
Ahwo Kọlọsi
1 AhwoTẹsalonika
2 Ahwo Tẹsalonika
1 Timoti