Abọ 22

Ikọ na A Ta Usiuwoma Ababọ Ozọ

Ukoko Ileleikristi na o rro haro ghelọ ukpokpoma

NỌ Jesu o muvrẹ kpohọ odhiwu no, edẹ ikpe nọ i lele i rie oware wọhọ ilele udhozeza (120) riẹ a te kokohọ uwou jọ evaọ Jerusalẹm evaọ etoke ehaa ahwo Ju nọ a re se Pẹntikọst, orọ 33 C.E. Ẹsiẹvo na, edo jọ nọ ọ wọhọ ofou ologbo ọ tẹ vọ uwou na soso. Avọ igbunu, ilele na a te mu evẹrẹ nọ a riẹ vẹre he họ ẹjẹ. Kọ eme o ru onana lọhọ? Ọghẹnẹ ọ kẹ ilele na ẹzi ọfuafo riẹ.

Whaọ okpẹwho na ọ vọ ẹdẹ yena keme ahwo a no eghagha avọ eghagha ze fiki ehaa na. U gbe rai unu gaga nọ a yo evẹrẹ obọrai nọ ilele Jesu a be ta gbagba. Nọ Pita ọ jẹ ta kpahe oware nọ o be via na, ọ fodẹ eruẹaruẹ Joẹl ọruẹaro na inọ Ọghẹnẹ o ti “ku” ẹzi riẹ ku ahwo, onọ u ti ru ai wo eghẹrẹ ekẹ igbunu sa-sa. (Joẹl 2:28, 29) Imuẹro ivevẹ nana nọ ẹzi ọfuafo na ọ kẹ ẹdẹ yena u ru rie vẹ inọ enwene ologbo jọ ọ romavia no: aruoriwo Ọghẹnẹ ọ gbẹ rrọ kugbe orẹwho Izrẹl he rekọ ukoko Ileleikristi okpokpọ na. Ahwo nọ e gwọlọ gọ Ọghẹnẹ avọ ọjẹrehọ no umuo oke yena vrẹ a re zihe ruọ ilele Jesu.

Dede na, ukpokpoma u je dhe ẹgẹga, ewegrẹ a fi ikọ na họ uwou-odi. Rekọ evaọ udevie aso, ukọ-odhiwu Jihova o te rovie ethẹ uwou-odi na jẹ vuẹ ikọ na inọ a ruabọhọ ẹta usiuwoma na. Nọ oke u rie no, a te ru epanọ a vuẹ rai na. A rueva etẹmpol na je mu ahwo họ ewuhrẹ kpahe Jesu. Ofu o mu isu-egagọ na, a tẹ kpokpa họ ilele na obọ inọ a siọ usiuwoma na ba ẹta. Ikọ na a ta ababọ ozodhẹ inọ: “Ma re yo ẹme Ọghẹnẹ vi o rọ ahwo.”—Iruẹru Ikọ Na 5:28, 29.

Ukpokpoma u gbe je dhe ẹgẹga. Ahwo Ju jọ a bọwo Stivin olele na ota inọ ọ ta eme aghọ, a tẹ rehọ itho fi ei kpe. Upelẹ ọzae jọ—Sọl obọ Tasọs—o dikihẹ je rri nọ a bi fi Stivin kpe na, yọ ọ jẹ onana rehọ. Kẹsena Sọl ọ tẹ ruọ edhere bi kpohọ Damaskọs re o fi ohwo kpobi nọ ọ rrọ olele Jesu họ uwou-odi. Evaọ edhere, elo jọ o te lo no obọ odhiwu ze wariẹe họ, urru jọ o tẹ ta nọ: “Sọl, Sọl, fikieme whọ jẹ rọ omẹ ekpokpo?” Avọ elo na nọ o tu rie aro no, Sọl ọ tẹ nọ inọ: “Whẹ ono?” Urru na u te yo nọ: “Mẹ Jesu.”—Iruẹru Ikọ Na 9:3-5.

Evaọ ẹdẹ avesa, Jesu o te vi olele jọ nọ a re se Ananias re ọ nyai rovie aro Sọl. A tẹ họ Sọl ame, o te mu usiuwoma họ ẹta kpahe Jesu ududu. A tẹ te riẹ Sọl wọhọ Pọl ukọ na, o te je zihe ruọ ohwo nọ o wo ajọwha gaga evaọ ukoko Ileleikristi na.

Evaọ oke nana, ahwo Ju gbe ahwo Sameria ọvo ilele Jesu a jẹ ta usiuwoma Uvie Ọghẹnẹ kẹ. Ukọ-odhiwu ọ tẹ roma via kẹ Kọniliọs, oletu-ẹmo Rom nọ o wo ozodhẹ Ọghẹnẹ, ọ tẹ vuẹe re o vi ahwo nyai se Pita ukọ na. Avọ amọfa nọ e jọ usu kugbei, Pita ọ tẹ ta usiuwoma kẹ Kọniliọs avọ uviuwou riẹ. Epanọ Pita ọ jẹ rọ ta ẹme na, ẹzi ẹri ọ tẹ ruọ Kọniliọs avọ uviuwou riẹ soso oma, Pita ukọ na ọ tẹ ta nọ a họ aikpobi ame evaọ odẹ Jesu. No umuo oyena vrẹ, uvẹ uzuazọ ebẹdẹ bẹdẹ u te rovie kẹ ahwo erẹwho kpobi. Ukoko na o ruẹrẹ oma kpahe no re o rọ emamọ usi na te eghagha avọ eghagha.

—Wọhọ epanọ o rrọ obe Iruẹru Ikọ Na 1:1-11:21.

◼ Eme ọ via evaọ Ehaa Pẹntikọst?

◼ Didi owọ ewegrẹ a jẹ fiki usiuwoma nọ ilele Jesu a jẹ ta?

◼ Ẹvẹ uvẹ uzuazọ ebẹdẹ bẹdẹ u ro rovie kẹ ahwo erẹwho kpobi?

Omaa-iruo nọ e rrọ ẹwẹ-obe avọ 25]

Emuhọ

Ọnyano

Iruo-Izerẹ

Ikelakele

Iziewariẹ

Joshua

Ibruoziẹ

Rut

1 Samuẹle

2 Samuẹle

1 Ivie

2 Ivie

1 Iruẹru-Ivie

2 Iruẹru-Ivie

Ẹzra

Nehemaya

Ẹsta

Job

Ilezi

Itẹ

Ọtausiuwoma Na

Ole nọ O Vi Ile

Aizaya

Jerimaya

Enuobro

Izikiẹl

Daniẹl

Hosia

Joẹl

Emọs

Obedaya

Jona

Maeka

Nahum

Habakuk

Zefanaya

Hagai

Zekaraya

Malakae

Matiu

Mak

Luk

Jọn

Iruẹru Ikọ Na ●

Ahwo Rom

1 Ahwo Kọrint

2 Ahwo Kọrint

Ahwo Galesha

Ahwo Ẹfẹsọs

Ahwo Filipai

Ahwo Kọlọsi

1 Ahwo Tẹsalonika

2 Ahwo Tẹsalonika

1 Timoti

2 Timoti

Taitọs

Filimọn

Ahwo Hibru

Jemis

1 Pita

2 Pita

1 Jọn

2 Jọn

3 Jọn

Jud

Eviavia