Abọ 11

Ile nọ A rọ Ẹgba Ẹzi Ọghẹnẹ Kere, nọ E rẹ Kẹ Uwuhrẹ gbe Omosasọ

Devidi gbe amọfa jọ a ruẹrẹ ile họ nọ a rẹ so evaọ egagọ Ọghẹnẹ. A rẹ jọ obe Ilezi ruẹ eme nọ i ru ile udhuhrẹ gbikpe (150) evaọ usu ile itieye na via

OBE nọ a kere ile nọ a re ro jiri Ọghẹnẹ fihọ họ obe nọ o mai bu kpaobọ evaọ usu ebe nọ e rrọ Ebaibol na. Ekere eme-ile obe nana o rehọ oware wọhọ ikpe odu ọvo (1,000). A rẹ jọ obe Ilezi ruẹ eme ẹrọwọ nọ i re duobọte ohwo udu gaga. A jariẹ dhesẹ oghẹrẹ sa-sa nọ ohwo-akpọ o re ro dhesẹ epanọ oware o riẹe oma via, wọhọ oghọghọ, ajiri, uyere-okẹ, uweri, ọkora, gbe ekurẹriẹ. O rrọ vevẹ inọ ahwo nọ a kere ilezi na a wo usu okpekpe kugbe Ọghẹnẹ je fi eva họ iẹe. Muẹrohọ eware jọ nọ a ta ẹme te evaọ ile nana.

Jihova họ Osu Ehrugbakpọ, nọ o te ọnọ a rẹ gọ je jiri. “Whẹ, ọnọ odẹ riẹ o rrọ Jihova, whẹ ọvo họ Ọnọ Ọ Mai Kpehru vi otọakpọ na kpobi,” ere o rrọ Olezi 83:18, (NW). A jọ ilezi na buobu jiri Jihova fiki iruo emama riẹ wọhọ idedeghe na, eware nọ e rrọ otọakpọ, gbe ugboma ohwo-akpọ nọ u gbunu gaga na. (Ilezi 8, 19, 139, 148) A rọ ile efa kẹ Jihova oruaro wọhọ Ọghẹnẹ nọ ọ rẹ thọ je siwi ahwo nọ e be rọ eva kpobi gọe. (Ilezi 18, 97, 138) Ile efa e kẹ riẹ oruaro wọhọ Ọghẹnẹ ẹdhoguo-okiẹrẹe, ọnọ ọ rẹ rọ ufuoma kẹ enọ a bi kienyẹ jẹ kẹ irumuomu uye.—Ilezi 11, 68, 146.

Jihova o re fi obọ họ kẹ jẹ sasa ahwo nọ a you rie oma. Ẹsejọhọ olezi avọ 23 họ onọ a mae riẹ, onọ Devidi o jo dhesẹ Jihova wọhọ Othuru-Igodẹ oyoyou, ọnọ o re su, thọ, jẹ sẹro igodẹ riẹ. Olezi 65:2 o kareghẹhọ enọ e be gọ Ọghẹnẹ inọ Jihova Ọghẹnẹ họ “Ọnọ o re yo elẹ!” Ahwo buobu nọ a kie ruọ uzioraha ulogbo a ruẹ obọdẹ omosasọ no evaọ eme nọ e rrọ Olezi avọ 39 gbe ọrọ avọ 51, oria nọ Devidi o jo horie eva kere kpahe ekurẹriẹ riẹ rono izieraha ilogbo jẹ ta via inọ o fi eva họ erọvrẹ Jihova. Olezi 55:22 o ta udu họ omai awọ inọ ma rọ ẹro so Jihova je gbolo owha mai kpobi kẹe.

Jihova ọ te rọ ẹkwoma Uvie Mesaya na nwene uyero akpọ na. Eria buobu evaọ obe Ilezi e ta kpahe Mesaya na, Ovie nọ a ruẹaro riẹ kpahotọ na. Olezi avọ 2 o ta inọ Ovie nana ọ te raha erẹwho na gbe ahwo nọ e wọso iẹe. Olezi avọ 72 u dhesẹ nọ Ovie nana o ti si ohọo, ọriẹwẹ gbe okienyẹ no. Wọhọ epanọ Olezi 46:9 u dhesẹ, Ọghẹnẹ ọ te rọ ẹkwoma Uvie Mesaya na ru ẹmo serihọ jẹ tubẹ raha ekwakwa ẹmo no. Evaọ Olezi avọ 37, ma se inọ a te raha irumuomu no, rekọ ahwo okiẹrẹe a te rria otọakpọ na bẹdẹ bẹdẹ evaọ udhedhẹ gbe ufuoma.

—Wọhọ epanọ o rrọ obe Ilezi.

◼ Ẹvẹ obe Ilezi u ro dhesẹ nọ Jihova o te Osu Ehrugbakpọ na?

◼ Eria vẹ evaọ Ilezi na i dhesẹ oghẹrẹ nọ Ọghẹnẹ o re ro fi obọ họ kẹ jẹ sasa ahwo nọ a you rie oma?

◼ Wọhọ epanọ o rrọ obe Ilezi, oghẹrẹ vẹ Jihova o ti ro nwene uyero akpọ na?

[Etehe nọ e rrọ ẹwẹ-obe avọ 14]

OLE NỌ O VI ILE

Evaọ obe Ole nọ O Vi Ile na, Solomọn ovie na o dhesẹ inọ makọ efe ologbo dede o jọ imuẹro ho inọ ọ rẹ sai wo uyoyou aye kpobi nọ ọ gwọlọ tobọ. Ọ robọ kotọ kere kpahe eware sa-sa nọ o ru nọ ọ jẹ rọ gwọlọ wo uyoyou ọmọtẹ-kọkọ owoma jọ nọ othuru-igodẹ ọmoha jọ ọ sahotọ no. Ole nana nọ a rọ ẹgba ẹzi Ọghẹnẹ kere na u dhesẹ via inọ u fo re imava nọ i wo ọtamuo orọo a yọrọ oma, a rẹ kẹ uvẹ kẹ ọfariẹ hẹ. Emoha ivẹ nana a dhesẹ uvi omariẹsuo, ẹfuọ uruemu, jẹ yọrọ ọtamuo rai.

[Omaa-iruo nọ e rrọ ẹwẹ-obe avọ 14]

Emuhọ

Ọnyano

Iruo-Izerẹ

Ikelakele

Iziewariẹ

Joshua

Ibruoziẹ

Rut

1 Samuẹle

2 Samuẹle

1 Ivie

2 Ivie

1 Iruẹru-Ivie

2 Iruẹru-Ivie

Ẹzra

Nehemaya

Ẹsta

Job

● Ilezi

Itẹ

Ọtausiuwoma Na

● Ole nọ O Vi Ile

Aizaya

Jerimaya

Enuobro

Izikiẹl

Daniẹl

Hosia

Joẹl

Emọs

Obedaya

Jona

Maeka

Nahum

Habakuk

Zefanaya

Hagai

Zekaraya

Malakae

Matiu

Mak

Luk

Jọn

Iruẹru Ikọ Na

Ahwo Rom

1 Ahwo Kọrint

2 Ahwo Kọrint

Ahwo Galesha

Ahwo Ẹfẹsọs

Ahwo Filipai

Ahwo Kọlọsi

1 Ahwo Tẹsalonika

2 Ahwo Tẹsalonika

1 Timoti

2 Timoti

Taitọs

Filimọn

Ahwo Hibru

Jemis

1 Pita

2 Pita

1 Jọn

2 Jọn

3 Jọn

Jud

Eviavia