Ovuẹ Ebaibol Na

ỌDHẸDUWU

1 Jihova ọ ma Adamu avọ Ivi avọ ẹjiroro ẹria uzuazọ ebẹdẹ bẹdẹ evaọ Aparadase. Setan ọ raha odẹ Ọghẹnẹ jẹ ta ẹme nọ o fi avro họ udu esuo Riẹ. Adamu avọ Ivi a te kuomagbe Setan wọso Ọghẹnẹ, onọ o wha uzioraha gbe uwhu se ai gbe emọ rai

2 Jihova ọ tẹ kẹ otu ọwọsuọ na uye, jẹ ya eyaa inọ Osiwi hayo Ubi jọ o te romavia nọ o te whọlọ Setan, jẹ ruẹrẹ eware kpobi nọ ọwọsuọ gbe uzioraha o wha ze

3 Jihova ọ ya eyaa kẹ Abraham gbe Devidi inọ a rẹ te jọ esẹ-ode Ubi hayo Mesaya na, ọnọ ọ te jọ Ovie bẹdẹ bẹdẹ

4 Jihova ọ rọ ẹzi riẹ kẹ eruẹaro na ta inọ Mesaya na o ti si uzioraha gbe uwhu notọ. Tei te ibe isu riẹ a te jọ isu erọ Uvie Ọghẹnẹ nọ u ti ku ẹmo gbe ẹyao họ, je si uwhu notọ

5 Jihova o vi Ọmọ riẹ ziọ otọakpọ je dhesẹ iẹe nọ ọye họ Mesaya na. Jesu ọ ta usiuwoma Uvie Ọghẹnẹ jẹ rọ uzuazọ riẹ dheidhe. Jihova ọ tẹ kpare iẹe ze wọhọ omama ẹzi

6 Jihova ọ rọ Ọmọ riẹ mu Ovie evaọ obọ odhiwu, onọ o rrọ oka emuhọ edẹ urere eyero nana. Jesu ọ be kpọ ilele riẹ nọ e rrọ otọakpọ, enọ e be ta usiuwoma Uvie Ọghẹnẹ wariẹ akpọ-soso họ na

7 Jihova ọ te kpọ Ọmọ riẹ ru esuo Uvie na kẹre te otọakpọ. Uvie na o te whọlọ egọmeti imuomu kpobi no, rehọ Aparadase tha, je ru ahwo-akpọ nọ a wo ẹrọwọ jọ gbagba. Obokparọ Jihova u ve ti dhesẹ oma via evaọ ẹme avro udu esuo na, a ve ti ru odẹ riẹ fo bẹdẹ bẹdẹ