Ọkiẹkpemu Abọ 1
Jọ owhẹ avọ owuhrẹ ra wha ta kpahe enọ nana kugbe:
Eme ọ jọ eyaa nọ Ebaibol na ọ ya kpahe obaro na were owhẹ?
(Rri Uwuhrẹ avọ 02.)
Fikieme whọ rọ rọwo nọ Ebaibol na yọ Ẹme Ọghẹnẹ?
(Rri Uwuhrẹ avọ 03 gbe 05.)
Fikieme u ro wuzou re ma se odẹ Jihova?
(Rri Uwuhrẹ avọ 04.)
Ebaibol na ọ ta nọ “obọ [Ọghẹnẹ] uzuazọ u no ze.” (Olezi 36:9) Kọ whọ rọwo ẹme yena?
(Rri Uwuhrẹ avọ 06.)
Se Itẹ 3:32.
Fikieme Jihova ọ rọ rrọ ogbẹnyusu nọ ọ mai woma nọ ma re wo?
Eme Jihova ọ gwọlọ nọ egbẹnyusu riẹ a ru? Kọ who roro nọ eware na e ga hrọ?
(Rri Uwuhrẹ avọ 07 gbe 08.)
Se Olezi 62:8.
Eware jọ vẹ whọ lẹ se Jihova kpahe no? Eme ọfa whọ rẹ sae lẹ kpahe?
Oghẹrẹ vẹ Jihova ọ rẹ rọ kuyo elẹ?
(Rri Uwuhrẹ avọ 09.)
-
Ẹvẹ iwuhrẹ Isẹri Jihova e sai ro fiobọhọ kẹ owhẹ?
Kọ who roro nọ u gine fo re whọ daoma kpohọ iwuhrẹ na?
(Rri Uwuhrẹ avọ 10.)
Fikieme u ro woma re ma se Ebaibol na ẹsikpobi? Omaa vẹ who bi lele ro se Ebaibol na kẹdẹ kẹdẹ?
(Rri Uwuhrẹ avọ 11.)
Eme ọ be mae were owhẹ evaọ uwuhrẹ Ebaibol ra na?
Ebẹbẹ vẹ who wo no anwẹnọ who ro mu Ebaibol na họ ewuhrẹ na? Eme ọ rẹ sai fiobọhọ kẹ owhẹ gbe wuhrẹ?
(Rri Uwuhrẹ avọ 12.)
Enana E Sae jẹ Were Owhẹ
ENỌ NỌ AHWO A RẸ NỌ KẸSE KẸSE
Oghẹrẹ Vẹ Isẹri Jihova A re ro Wuhrẹ Ebaibol Kugbe Ahwo?
Isẹri Jihova a gwọlọ nọ a re wuhrẹ Ebaibol na kugbe owhẹ ọvọvẹ. Yọ nọ a te bi wuhrẹ kugbe owhẹ, whẹ sai se oghẹrẹ Ebaibol kpobi. Whọ sai zizie uviuwou ra soso hayo egbẹnyusu ra re a kuomagbe owhẹ.
