UWUHRẸ AVỌ 26
Fikieme Eyoma gbe Uye-Oruẹ E rọ Rrọ Akpọ Na?
Nọ oware uyoma o tẹ via, ahwo a rẹ nọ inọ “fikieme oware na o rọ via?” Eva e be were omai gaga inọ Ebaibol na ọ kẹ uyo onọ yena!
1. Eme Setan o ru nọ o lẹliẹ eware iyoma be via evaọ akpọ na?
Setan Ẹdhọ na ọ wọso Ọghẹnẹ. Setan ọ jẹ gwọlọ nọ o re su amọfa, fikiere ọ tẹ viẹ Adamu avọ Ivi họ re a kuomagbei wọso Ọghẹnẹ. Setan o gu ọrue kẹ Ivi re ọ sai ru onana. (Emuhọ 3:1-5) O ru rie roro nọ Jihova o bi si oware uwoma jọ noi. Ọ tẹ rọ ẹme nọ ọ ta dhesẹ nọ eva e te mae were ahwo-akpọ nọ a gbe bi yoẹme kẹ Ọghẹnẹ hẹ. Setan họ ọnọ o gu ọrue ọsosuọ kpobi okenọ ọ ta kẹ Ivi nọ o ti whu hu. Oyejabọ nọ Ebaibol o ro se Setan “ọtọrue . . . gbe ọsẹ ọrue.”—Jọn 8:44.
2. Eme Adamu avọ Ivi a salọ nọ a re ru?
Jihova ọ kẹ Adamu avọ Ivi eware kpobi nọ a re ro yeri uzuazọ. Ọ vuẹ rai nọ a sae re ibi-ire ọgbọ Idẹn na kpobi, u te no ọvo jọ no. (Emuhọ 2:15-17) Rekọ a re ubi-ure nọ Ọghẹnẹ ọ ta nọ a re he na. Ivi “o te mu ubi riẹ họ ẹkọrọ je mu ei họ ẹre.” Uwhremu na, Adamu “o te muhọ ẹre.” (Emuhọ 3:6) Aimava na a yoẹme kẹ Ọghẹnẹ hẹ. Nọ orọnọ Adamu avọ Ivi a jọ gbagba na, o jọ lọlọhọ kẹ ae re a ru oware nọ u kiehọ. Rekọ a keke aro fihọ ghẹmeeyo kẹ Ọghẹnẹ, a thọ uzi, yọ a rọwo nọ Ọghẹnẹ o su ai hi. Iroro nọ a jẹ na o wha uye-oruẹ ulogbo se ai.—Emuhọ 3:16-19.
3. Eme iroro nọ Adamu avọ Ivi a jẹ na o wha se omai?
Nọ Adamu avọ Ivi a thọ uzi no, a gbẹ jọ gbagba ha, fikiere emọ nọ a yẹ kpobi a gba gbe he. Ebaibol na ọ ta kpahe Adamu nọ: “Wọhọ epanọ uzioraha o rọ ẹkwoma omọvo ruọ akpọ na, uwhu u je no uzioraha ze na, ere uwhu u ro te ahwo kpobi oma.”—Ahwo Rom 5:12.
Eware sa-sa e be lẹliẹ omai ruẹ uye. Ẹsejọ ma rẹ ruẹ uye fiki ekpehre iroro nọ ma jẹ. Ẹsejọ fiki ekpehre iroro nọ amọfa a jẹ. Yọ ẹsejọ oware uyoma o sae via kẹ ohwo evaọ oke gbe oria nọ o rẹro riẹ hẹ.—Se Ọtausiuwoma Na 9:11.
GBE WUHRẸ EWARE EFA
Wuhrẹ kpahe oware nọ Ọghẹnẹ ọ gbẹ rrọ Ọnọ ọ be wha uye-oruẹ gbe eware iyoma nọ e be via na ze he, gbe epanọ o rẹ kẹe uye te nọ ma tẹ be ruẹ uye.
4. Ohwo nọ ọ be wha uye-oruẹ mai ze
Ahwo buobu a rọwo nọ Ọghẹnẹ họ Ọnọ o bi su akpọ na. Kọ ginọ uzẹme? Kporo IVIDIO na.
Se Jemis 1:13 gbe 1 Jọn 5:19, kẹsena wha vẹ ta ẹme kpahe onọ nana:
-
Kọ Ọghẹnẹ ọ be wha uye-oruẹ gbe eware iyoma ze?
5. Eme esuo Setan ọ wha ze no?
Se Emuhọ 3:1-6, kẹsena wha vẹ ta ẹme kpahe enọ nana:
-
Ọrue vẹ Setan o gu?—Rri owọ avọ 4 gbe 5.
-
Eme Setan ọ ta ro dhesẹ nọ Jihova o bi si oware uwoma jọ no họ ahwo-akpọ?
-
Wọhọ epanọ Setan ọ ta, kọ u du gwọlọ nọ Jihova o re su ahwo-akpọ re a tẹ wereva?
Se Ọtausiuwoma Na 8:9, kẹsena wha vẹ ta ẹme kpahe onọ nana:
-
Anwẹnọ Jihova o gbe bi su akpọ na ha na, eme ọ via no?
-
Rekọ a gaviezọ kẹ Setan, a tẹ wọso Jihova
-
Nọ Adamu avọ Ivi a ghẹmeeyo no, uzioraha, uye-oruẹ, gbe uwhu e tẹ rrọ akpọ na
-
Jihova o ti si uzioraha, uye-oruẹ, gbe uwhu notọ. Ahwo-akpọ a vẹ te wariẹ jọ gbagba je mu Aparadase họ ẹrria
6. O rẹ kẹ Jihova uye nọ ma tẹ be ruẹ uye
Kọ Ọghẹnẹ ọ be daezọ uye nọ ma be ruẹ? Rri ẹme nọ Devidi ovie na avọ Pita ukọ na a kere. Se Olezi 31:7 gbe 1 Pita 5:7, kẹsena wha vẹ ta ẹme kpahe onọ nana:
-
Kọ o were owhẹ nọ whọ rọ riẹ nọ Jihova ọ be ruẹ omai jẹ be daezọ uye nọ ma be ruẹ? Fikieme whọ rọ ta ere?
7. Ọghẹnẹ o ti si uye kpobi nọ ahwo-akpọ a be ruẹ na notọ
Se Aizaya 65:17 gbe Eviavia 21:3, 4, kẹsena wha vẹ ta ẹme kpahe onọ nana:
-
Fikieme u ro woma gaga inọ Jihova o ti si eware kpobi nọ ahwo-akpọ a be ruẹ uye rai na notọ?
Kọ whọ riẹ?
Setan ọ raha odẹ Jihova evaọ okenọ ọ rọ ta ọrue ọsosuọ na. Ọ ta eware nọ i re ru ahwo roro nọ Jihova yọ Osu ọgeva. Rekọ Jihova o ti ru odẹ riẹ fo evaọ okenọ o ti si uye-oruẹ ahwo kpobi notọ evaọ obaro. Koyehọ o ti dhesẹ via nọ esuo riẹ họ onọ o mai gine woma. Oware jọ nọ o mai wuzou evaọ ehrugbakpọ na họ epanọ odẹ Jihova o rẹ rọ jọ fuafo.—Matiu 6:9, 10.
AHWO JỌ A RẸ TA NỌ: “Ọghẹnẹ ọ ma omai re ma ruẹ uye.”
-
Eme whọ te ta?
EME WHO WUHRẸ NO?
Setan Ẹdhọ na gbe Adamu avọ Ivi họ enọ e wha eyoma nọ ọ rrọ akpọ na ze. Uye nọ ma be ruẹ na o be were Jihova vievie he, yọ kẹle na o ti si uye na notọ.
Ọkiẹkpemu
-
Didi ọrue Setan o gu kẹ Ivi?
-
Eme ọwọsuọ Adamu avọ Ivi na o wha se omai kpobi?
-
Ẹvẹ ma rọ riẹ nọ Jihova ọ be daezọ uye nọ ma be ruẹ?
KIẸ KPAHE EFA
Wuhrẹ oghẹrẹ nọ Ebaibol na o dhesẹ uzioraha.
Se eware efa kpahe avro nọ Setan Ẹdhọ na ọ wha ze evaọ ọgbọ Idẹn.
“Fikieme Ọghẹnẹ Ọ rọ Kuvẹ kẹ Uye-Oruẹ?” (Uwou-Eroro Na, Asa 1, 2014)
Se kpahe uyo onọ ogaga jọ. Uyo na o te were owhẹ.
“Fikieme Ọghẹnẹ Ọ rọ Kuvẹ kẹ Okpemuotọ Na?” (Uzoẹme nọ o rrọ itanẹte)
Rri oware nọ ọzae jọ o wuhrẹ kpahe uye nọ ọyomariẹ avọ ahwo nọ a kẹle riẹ a be ruẹ.
Enana E Sae jẹ Were Owhẹ
ENỌ NỌ AHWO A RẸ NỌ KẸSE KẸSE
Oghẹrẹ Vẹ Isẹri Jihova A re ro Wuhrẹ Ebaibol Kugbe Ahwo?
Isẹri Jihova a gwọlọ nọ a re wuhrẹ Ebaibol na kugbe owhẹ ọvọvẹ. Yọ nọ a te bi wuhrẹ kugbe owhẹ, whẹ sai se oghẹrẹ Ebaibol kpobi. Whọ sai zizie uviuwou ra soso hayo egbẹnyusu ra re a kuomagbe owhẹ.
