UWUHRẸ AVỌ 37
Oware nọ Ebaibol na Ọ Ta Kpahe Iruo gbe Ugho
Kọ iruo gbe ugho e wha awaọruọ se owhẹ no ẹdẹ jọ? O sae jọ bẹbẹ re ma rẹrote omamai jẹ sae gọ Jihova epanọ ọ gwọlọ. Ebaibol na ọ kẹ ehrẹ nọ e rẹ sai fiobọhọ kẹ omai.
1. Eme Ebaibol na ọ ta kpahe iruo?
Ọghẹnẹ ọ gwọlọ nọ ma reawere iruo mai. Ebaibol na ọ ta nọ “oware ovo o rrọ họ nọ u woma kẹ ohwo-akpọ vi . . . omaweromẹ [nọ o re wo] evaọ iruo egaga riẹ.” (Ọtausiuwoma Na 2:24) Jihova yọ ọgba-iruo. Ma tẹ be rọ aro kele iei bi ru iruo gaga, eva e rẹ were iẹe, yọ eva e rẹ were omai re.
Iruo yọ oware nọ u wuzou. Rekọ ma rẹ kuvẹ hẹ re u wuzou vi egagọ Jihova. (Jọn 6:27) Ọ ya eyaa kẹ omai nọ, ma tẹ rehọ ọyomariẹ karo, ọ te rẹrote omai.
2. Ẹvẹ u fo nọ ma re rri ugho?
Dede nọ Ebaibol na ọ ta nọ “ugho o rẹ thọ ohwo,” ọ vẹvẹ omai unu re nọ, ugho ọvo o sai ru omai wo evawere he. (Ọtausiuwoma Na 7:12) Fikiere, Ebaibol na ọ tuduhọ omai awọ nọ ma you ugho ho, ukpoye, jọ eware nọ ma wo obọnana ‘e da omai ẹro.’ (Se Ahwo Hibru 13:5.) Nọ oware nọ ma wo o tẹ da omai ẹro, ma rẹ dhẹ ogbalegbo efa nọ ma re wo kugbe he. Ma ti mu re esa vọ uzou hu. (Itẹ 22:7) Iye nọ i re te ahwo nọ a re fiedhọ hayo ru eware nọ a re ro fe vẹrẹ vẹrẹ i ti te omai gbe he.
3. Oghẹrẹ vẹ u fo nọ ma re ru ugho nọ ma wo?
Jihova yọ Ọghẹnẹ nọ o re ru ọghọ, yọ otẹrọnọ ma re “ru ọghọ [je] siobọno kẹ amọfa” kiyọ ma be rọ aro kele iei. (1 Timoti 6:18) Ma sae rọ ugho mai fiobọhọ evaọ ukoko na jẹ rehọ iẹe fiobọhọ kẹ amọfa nọ eware e rrọ gaga kẹ, maero kọ ibe eg’Ọghẹnẹ mai. Orọnikọ unuigho nọ ma rọ kẹ okẹ o mae rọ Jihova oja ha, rekọ ẹjiroro nọ ma rọ kẹ okẹ na. Nọ ma tẹ kẹ okẹ no udu mai ze, eva e te were omai, yọ ma ti ru eva were Jihova re.—Se Iruẹru Ikọ 20:35.
GBE WUHRẸ EWARE EFA
Ruẹ irere nọ ohwo o re wo nọ o te rri iruo epanọ u fo, gbe okenọ o te wo edẹro.
4. Rọ oghẹrẹ nọ who bi ro ru iruo wha orro se Jihova
U fo nọ usu nọ ma wo kugbe Jihova u re kpomahọ oghẹrẹ nọ ma rri iruo. Kporo IVIDIO na, kẹsena wha vẹ ta ẹme kpahe enọ nọ e rrọ obotọ na.
-
Evaọ ividio na, oghẹrẹ iruemu vẹ Jason o je dhesẹ evaọ obọ iruo riẹ? Kọ e were owhẹ?
-
Eme o ru re ọ gbẹ rọ oke eware efa nọ i wuzou ru iruo ho?
Se Ahwo Kọlọsi 3:23, 24, kẹsena wha vẹ ta ẹme kpahe onọ nana:
-
Fikieme oghẹrẹ nọ ma rehọ iruo u ro wuzou?
Iruo yọ oware nọ u wuzou. Rekọ ma rẹ kuvẹ hẹ re u wuzou vi egagọ Jihova
5. Ma te wo edẹro ma re wo evawere
Ahwo buobu a be rufe tufe he fikinọ a be gwọlọ koko igho buobu họ. Rekọ ohrẹ nọ Ebaibol na ọ kẹ u wo ohẹriẹ. Se 1 Timoti 6:6-8, kẹsena wha vẹ ta ẹme kpahe onọ nana:
-
Eme Ebaibol na ọ ta kẹ omai nọ ma ru?
Ma sai wo evawere ghele nọ ma gbẹ maki wo bu tere he. Kporo IVIDIO na, kẹsena wha vẹ ta ẹme kpahe onọ nọ ọ rrọ obotọ na.
-
Dede nọ iviuwou nana a wo ugho tere he, eme ọ be lẹliẹ eva were ae?
Kọ otẹrọnọ ma wo buobu no yọ ma gbẹ be gwọlọ efa kugbe ghele? Jesu o gbiku jọ nọ u dhesẹ uye nọ u re noi ze. Se Luk 12:15-21, kẹsena wha vẹ ta ẹme kpahe onọ nana:
-
Eme who wuhrẹ evaọ iku nọ Jesu o gbe na? —Rri owọ avọ 15.
Se Itẹ 10:22 gbe 1 Timoti 6:10 re whọ rehọ ae wawo ohwohwo. Kẹsena wha vẹ ta ẹme kpahe enọ nana:
-
Eme who roro nọ o mai wuzou? Usu nọ a re wo kugbe Jihova manikọ ugho buobu nọ a re wo? Fikieme?
-
Didi ebẹbẹ i re noi ze nọ ohwo o te bi le ugho?
6. Jihova ọ te rẹrote omai
Ebẹbẹ iruo gbe ugho e sae dawo ẹrọwọ nọ ma fihọ Jihova. Kporo IVIDIO na re whọ ruẹ oware nọ ma rẹ sai ru nọ ma te wo ebẹbẹ nana, kẹsena wha vẹ ta ẹme kpahe enọ nọ e rrọ obotọ na.
-
Evaọ ividio na, ebẹbẹ vẹ oniọvo na o wo?
-
Eme o ru nọ ọ sai ro thihakọ ebẹbẹ na?
Se Matiu 6:25-34, kẹsena wha vẹ ta ẹme kpahe onọ nana:
-
Eme Jihova ọ ya eyaa nọ o re ru kẹ ahwo nọ a fi rie họ oria ọsosuọ?
AHWO JỌ A RẸ TA NỌ: “O gwọlọ nọ me re ru iruo ziezi re mẹ sae kuọ uviuwou mẹ. Mẹ sai kpohọ iwuhrẹ ukoko koka koka ha.”
-
Eria Ebaibol vẹ e kẹ owhẹ imuẹro inọ egagọ Jihova nọ whọ rẹ rọ karo họ oware nọ o mai woma kpaobọ?
EME WHO WUHRẸ NO?
Iruo hayo okọ gbe ugho i wuzou, rekọ ma rẹ kuvẹ vievie he re i ru omai gbabọkẹ egagọ Jihova.
Ọkiẹkpemu
-
Eme ọ rẹ sai fiobọhọ kẹ owhẹ rri iruo epanọ u fo?
-
Eme edẹro o re fiobọhọ kẹ owhẹ wo?
-
Ẹvẹ whọ sai ro dhesẹ nọ who fievahọ eyaa nọ Jihova ọ ya inọ ọ rẹ rẹrote ahwo riẹ?
KIẸ KPAHE EFA
Se re whọ riẹ sọ Ebaibol na ọ ta nọ ugho u yoma.
Wuhrẹ kpahe oghẹrẹ okẹ nọ o rẹ were Ọghẹnẹ.
“Eme Ebaibol na Ọ ta Kpahe Okẹ nọ A rẹ Kẹ?” (Uzoẹme nọ o rrọ itanẹte)
Kọ edhọ-ifio yọ oware erozaha gheghe?
Ruẹ oware nọ o wọ ohwo jọ nọ o je fi edhọ, nọ ọ jẹ kpare ethẹ ruọ iwou ahwo nwene uzuazọ riẹ.
“Enyenya nọ A rẹ rọ Dhohrẹ E Jẹ Hae Were Omẹ Gaga” (Uwou-Eroro Na, Ọvo 1, 2012)
Enana E Sae jẹ Were Owhẹ
ENỌ NỌ AHWO A RẸ NỌ KẸSE KẸSE
Oghẹrẹ Vẹ Isẹri Jihova A re ro Wuhrẹ Ebaibol Kugbe Ahwo?
Isẹri Jihova a gwọlọ nọ a re wuhrẹ Ebaibol na kugbe owhẹ ọvọvẹ. Yọ nọ a te bi wuhrẹ kugbe owhẹ, whẹ sai se oghẹrẹ Ebaibol kpobi. Whọ sai zizie uviuwou ra soso hayo egbẹnyusu ra re a kuomagbe owhẹ.
