UWUHRẸ AVỌ 46
Fikieme Ohwo Ọ rẹ rọ Roma Riẹ Mudhe Ọ vẹ Họ Ame?
Oghẹrẹ nọ whọ rẹ rọ roma ra mudhe kẹ Jihova họ, whọ rẹ ya eyaa kẹe evaọ olẹ inọ ọye ọvo whọ rẹ gọ, yọ oreva riẹ whọ te rọ karo evaọ uzuazọ ra. (Olezi 40:8) Who te ru ere no, whọ vẹ họ-ame. Ere who re ro dhesẹ kẹ amọfa nọ whọ roma ra mudhe no. Oma nọ ohwo o re ro mudhe kẹ Jihova họ iroro nọ e mai wuzou kpaobọ nọ ọ rẹ jẹ. Eme ọ rẹ lẹliẹ ohwo jiroro ilogbo itieye na nọ i re nwene uzuazọ ohwo na?
1. Eme ọ rẹ wọ ohwo rehọ omariẹ mudhe?
Uyoyou o rẹ wọ omai roma mudhe kẹ Jihova. (1 Jọn 4:10, 19) Ebaibol na ọ tuduhọ omai awọ nọ: “Whọ rẹ rehọ udu ra kpobi gbe uzuazọ ra kpobi gbe iroro ra kpobi gbe ẹgba ra kpobi ro you Jihova Ọghẹnẹ ra hrọ.” (Mak 12:30) Orọnọ ẹmeunu mai ọvo ma re ro dhesẹ nọ ma you Ọghẹnẹ hẹ rekọ te oware nọ ma bi ru. Wọhọ epanọ ọzae avọ aye a rẹ ruọ orọo fikinọ a you ohwohwo na, ere uyoyou nọ ma wo kẹ Jihova o rẹ wọ omai roma mudhe kẹe jẹ họ-ame.
2. Didi eghale Jihova ọ rẹ kẹ Isẹri riẹ nọ e họ-ame no?
Nọ whọ tẹ họ-ame no, whọ te jọ uviuwou Jihova nọ evawere e dafia. O ti dhesẹ uyoyou kẹ owhẹ evaọ idhere buobu, yọ whọ te kẹle iẹe vi epanọ whọ kẹle riẹ enẹna. (Se Malakae 3:16-18.) U te no Ọsẹ nọ Jihova ọ te jọ kẹ owhẹ no, whọ te jọ akpọ na soso wo inievo-emezae gbe erọ emetẹ nọ i you Jihova je you owhẹ. (Se Mak 10:29, 30.) Rekọ u wo eware jọ nọ who re ru taure whọ tẹ te họ-ame. O gwọlọ nọ who re wuhrẹ kpahe Jihova, who re you rie, who ve je fi ẹrọwọ họ Ọmọ riẹ. Ukuhọ riẹ, whọ vẹ rehọ uzuazọ ra mudhe kẹ Jihova. Who te ru eware nana jẹ họ-ame, kiyọ uvẹ nọ whọ te rọ reawere uzuazọ bẹdẹ bẹdẹ u rovie fihọ kẹ owhẹ no. Ẹme Ọghẹnẹ ọ ta nọ: “Ame-ọhọ, u bi siwi owhai enẹna re.”—1 Pita 3:21.
GBE WUHRẸ EWARE EFA
Wuhrẹ oware nọ u ro wuzou re whọ roma ra mudhe kẹ Jihova jẹ họ-ame.
3. O gba omai kpobi họ nọ ma rẹ salọ ohwo nọ ma rẹ gọ
Evaọ Izrẹl oke anwae, ahwo jọ a je roro nọ a sae gọ Jihova jẹ gọ ẹdhọ nọ a re se Bale. Rekọ Jihova o te vi ọruẹaro nọ a re se Elaejah nyae kpọ iroro ethọthọ yena vi. Se 1 Ivie 18:21, kẹsena wha vẹ ta ẹme kpahe onọ nana:
-
Didi iroro o gba ahwo Izrẹl na họ nọ a rẹ jẹ?
Wọhọ ahwo Izrẹl na, o gba omai họ nọ ma rẹ salọ ohwo nọ ma rẹ gọ. Se Luk 16:13, kẹsena wha vẹ ta ẹme kpahe enọ nana:
-
Fikieme ma gbẹ sae gọ Jihova jẹ gọ ohwo ọfa jọ hayo oware ofa jọ kugbe he?
-
Ẹvẹ ma re ro dhesẹ kẹ Jihova nọ ọye ma salọ nọ ma rẹ gọ?
4. Roro didi kpahe uyoyou nọ Jihova o wo kẹ owhẹ
Jihova ọ kẹ omai emamọ ekẹ buobu no. Kọ eme whọ rẹ sae kẹe? Kporo IVIDIO na.
Idhere jọ vẹ Jihova o ro dhesẹ uyoyou riẹ kẹ owhẹ no? Se Olezi 104:14, 15 gbe 1 Jọn 4:9, 10, kẹsena wha vẹ ta ẹme kpahe enọ nana:
-
Evaọ usu ekẹ nọ Jihova ọ kẹ omai na, evẹ e mae were owhẹ?
-
Ẹvẹ ekẹ yena i bi ru owhẹ rri Jihova?
Nọ a tẹ kẹ omai okẹ nọ o were omai gaga, ma rẹ daoma yere ohwo nọ ọ kẹ omai okẹ na. Se Iziewariẹ 16:17, kẹsena wha vẹ ta ẹme kpahe onọ nana:
-
Nọ who te roro kpahe eware kpobi nọ Jihova o ru kẹ owhẹ no, eme whọ gwọlọ kẹe ro yere iei?
5. Whọ tẹ roma ra mudhe who re wo eghale buobu
Ahwo buobu a roro nọ a tẹ riẹ ae odẹ, a te wo emamọ iruo, hayo wo ugho a re ro wo evawere. Kọ ere o ginẹ rrọ? Kporo IVIDIO na, kẹsena wha vẹ ta ẹme kpahe enọ nọ e rrọ obotọ na.
-
Dede nọ ebọro-efa e were ọzae nọ a dhesẹ evaọ ividio na gaga, fikieme ọ rọ nyasiọ iruo yena ba?
-
Ọ jiroro nọ ọ rẹ roma riẹ mudhe kẹ Jihova orọnọ ebọro-efa ha. Kọ who roro nọ emamọ iroro ọ jẹ na? Fikieme who ro roro ere?
Pọl ukọ na o wo okpiruo taure o te ti zihe ruọ Oleleikristi. Ọ jọ obọ owuhrẹ jọ nọ a riẹ gaga wuhrẹ uzi ahwo Ju. Rekọ ọ nyasiọ iruo yena ba re ọ sai zihe ruọ Oleleikristi. Kọ ọ vioja oware nọ o ru na? Se Ahwo Filipai 3:8, kẹsena wha vẹ ta ẹme kpahe enọ nana:
-
Fikieme Pọl o ro se eware nọ o je ru taure o te ti zihe ruọ Oleleikristi “eware ezuzu”?
-
Erere vẹ o wo?
-
Eme ọfa whọ sae rọ wawọ Jihova nọ whọ rẹ rehọ uzuazọ ra gọ?
Nọ Pọl o zihe ruọ Oleleikristi no, irere nọ i te rie i vi eware nọ o siobọno
AHWO JỌ A RẸ TA NỌ: “Whọ tẹ roma ra mudhe kẹ Jihova yọ whọ rọ ifi gba omara no.”
-
Fikieme who ro roro nọ u kiehọ re whọ roma ra mudhe kẹ Jihova?
EME WHO WUHRẸ NO?
Uyoyou o rẹ wọ omai roma mai mudhe kẹ Jihova jẹ họ-ame.
Ọkiẹkpemu
-
Fikieme Jihova o ro te ọnọ ma rẹ rehọ udu mai kpobi you jẹ gọ?
-
Eghale vẹ Jihova ọ rẹ kẹ Isẹri riẹ nọ e họ-ame no?
-
Kọ whọ gwọlọ nọ whọ rẹ roma ra mudhe kẹ Jihova?
KIẸ KPAHE EFA
Ruẹ oware nọ o lẹliẹ ọgba-ile jọ avọ ohwo nọ ọ rẹ fa ebọro salọ nọ a rẹ roma rai mudhe kẹ Jihova.
Enọ Izoge Na—Eme Mẹ te rọ Uzuazọ Mẹ Ru?—Uzuazọ Rai Vẹre (6:54)
Se kpahe ẹjiroro efa nọ ohwo ọ rẹ rọ roma riẹ mudhe kẹ Ọghẹnẹ.
“Fikieme U Je Fo Re Whọ Roma Mudhe Kẹ Jihova?” (Uwou-Eroro Na, Ọvo 15, 2010)
Jọ ividio ole nana rri oghọghọ nọ ahwo nọ a roma mudhe kẹ Jihova a re wo.
Jọ iku nọ uzoẹme riẹ o ta nọ “Evaọ Ikpe Buobu Mẹ Jẹ Hae Nọ Omamẹ nọ, ‘Eme Ma Ziọ Akpọ ti Ru?’” ruẹ oware nọ o lẹliẹ aye jọ roro kpahe eware nọ ọ rọ karo.
“Ebaibol O re Nwene Uzuazọ Ohwo” (Uwou-Eroro Na, Akpegbivẹ 1, 2012)
Enana E Sae jẹ Were Owhẹ
ENỌ NỌ AHWO A RẸ NỌ KẸSE KẸSE
Oghẹrẹ Vẹ Isẹri Jihova A re ro Wuhrẹ Ebaibol Kugbe Ahwo?
Isẹri Jihova a gwọlọ nọ a re wuhrẹ Ebaibol na kugbe owhẹ ọvọvẹ. Yọ nọ a te bi wuhrẹ kugbe owhẹ, whẹ sai se oghẹrẹ Ebaibol kpobi. Whọ sai zizie uviuwou ra soso hayo egbẹnyusu ra re a kuomagbe owhẹ.
