ẸME-OFIBA AVỌ 3
Epanọ A rẹ rọ Rehọ Obe Reawere Uzuazọ Bẹdẹ Bẹdẹ! na Wuhrẹ Ebaibol Kugbe Ohwo
Inievo na a lẹ gaga je roro ziezi okenọ a je kere obe Reawere Uzuazọ Bẹdẹ Bẹdẹ! na. Re whọ sae rọ obe nana wuhrẹ ohwo Ebaibol na ziezi wọhọ epanọ u fo, lele ehrẹ nọ e rrọ obotọ na.
Taure wha te ti wuhrẹ ẹsikpobi
-
1. Ruẹrẹ oma kpahe ziezi. Nọ whọ be ruẹrẹ oma kpahe na, roro kpahe ohwo na, oghẹrẹ nọ eware e rrọ kẹe, gbe eware nọ ọ rọwo. Roro kpahe eware nọ ọ te kaki wo otoriẹ rai hi, hayo nọ e te bẹe eruo. Roro kpahe epanọ eware nọ e rrọ oria “Kiẹ Kpahe Efa” na e sai ro fiobọhọ kẹe, jẹ rehọ ẹme hayo eware jọ no etẹe ze nọ wha bi wuhrẹ na nọ o tẹ gwọlọ ere.
Evaọ okenọ wha bi wuhrẹ na
-
2. Rọ olẹ mu uwuhrẹ na họ je kuhọ, ajokpanọ ohwo na ọ rọwo ho.
-
3. Yọroma re whọ gbẹ ta ẹme ga hrọ họ. Tẹrovi oria nọ wha bi wuhrẹ na, whọ vẹ jẹ kẹ ohwo na uvẹ ta oware nọ o riẹe eva.
-
4. Wha te bi mu abọ ọkpokpọ họ, se oria oware nọ abọ nana o ta kpahe na, jẹ fodẹ izoẹme jọ nọ e rrọ abọ yena.
-
5. Wha te wuhrẹ abọ jọ soso re no, nọ enọ nọ e rrọ oria ọkiẹkpemu abọ yena ro fiobọhọ kẹ ohwo na kareghẹhọ eware nọ o wuhrẹ no na.
-
6. Nọ wha te bi wuhrẹ uwuhrẹ kpobi:
-
Wha se eme na kpobi.
-
Wha se eria Ebaibol kpobi nọ a kere fihọ nọ “Se.”
-
Wha se eria Ebaibol efa nọ a fodẹ nọ o tẹ gwọlọ ere.
-
Wha rri ividio kpobi nọ a kere fihọ nọ “Kporo” (otẹrọnọ who wo rie).
-
Nọ ohwo na enọ na kpobi.
-
Ta kẹ ohwo na nọ o rri iwoho nọ e rrọ oria “Gbe Wuhrẹ Eware Efa” na re ọ ta ẹme kpahe iẹe.
-
Rọ oria “Utee nọ whọ rẹ sai fihọ” na fiobọhọ kẹ ohwo na riẹ epanọ ọ be nyaharo te evaọ usu riẹ kugbe Ọghẹnẹ. Whọ sae vuẹe nọ ọ daoma ru oware nọ a fodẹ evaọ oria “Utee nọ whọ rẹ sai fihọ” na, hayo re o fi utee ọfa họ kẹ omariẹ, hayo o ve ru ivẹ na.
-
Nọ ohwo na re ọ fodẹ uzoẹme hayo ividio nọ ọ mae were iẹe evaọ oria “Kiẹ Kpahe Efa” na, evaọ okenọ ọ jẹ ruẹrẹ oma kpahe kẹ uwuhrẹ na.
-
Daoma wuhrẹ uwuhrẹ soso re evaọ ẹkeriotọ ọvo.
-
Nọ wha te wuhrẹ no
-
7. Gbẹ hai roro kpahe ohwo nọ who bi wuhrẹ na. Lẹ se Jihova inọ o fiobọhọ kẹ ohwo nọ who bi wuhrẹ na nyaharo, re ọ jẹ kẹ owhẹ areghẹ nọ whọ rẹ rọ riẹ epanọ who re ro fiobọhọ kẹe.