Ẹtanigbo na —“Okẹ Ogbagba” nọ U No Obọ Ọsẹ na Ze
“Okẹ uwoma kpobi gbe okẹ ogbagba kpobi . . obọ Ọsẹ elo na u re no ze.”
ILE: 148, 109
1. Eghale vẹ ọruẹrẹfihotọ ẹtanigbo na u ru lọhọ?
IDHE ẹtanigbo Jesu u ru rie lọhọ nọ ma te rọ reawere eghale buobu. Ẹtanigbo na o rovie uvẹ fihọ nọ emọ Adamu nọ i you ẹrẹreokie a rẹ sae rọ wariẹ jọ uviuwou Ọghẹnẹ. Ẹtanigbo na o te je rovie uvẹ fihọ nọ ma sae rọ rria avọ evawere bẹdẹ bẹdẹ. Rekọ eware efa e riẹ nọ ẹtanigbo na o ru lọhọ re. Ẹgbakiete nọ Jesu o kru te urere o kuyo enọ sa-sa nọ i wuzou gaga kẹ ikọ-odhiwu gbe ahwo-akpọ kpobi.
2. (a) Eware jọ vẹ nọ i wuzou gaga Jesu ọ fodẹ evaọ olẹ oriruo riẹ? (Rri uwoho nọ o rrọ emuhọ uzoẹme na.) (b) Eme ma te ta kpahe evaọ uzoẹme nana?
2 Oware wọhọ ikpe ivẹ taure Jesu ọ tẹ te rọ uzuazọ riẹ dheidhe, o wuhrẹ ilele riẹ nọ a hae lẹ inọ: “Ọsẹ mai nọ ọ rrọ obọ odhiwu, jọ odẹ ra o jọ fuafo. Jọ Uvie ra o ze. Jọ a jọ otọakpọ na ru oreva ra wọhọ epanọ o rrọ obọ odhiwu.” (Mat. 6:
“JỌ ODẸ RA O JỌ FUAFO”
3. Eme odẹ Ọghẹnẹ o rẹ kareghẹhọ omai, kọ ẹvẹ Setan ọ rọ raha odẹ nana nọ o rrọ ọrẹri na?
3 Erufuọ odẹ Ọghẹnẹ họ oware ọsosuọ nọ Jesu ọ fodẹ evaọ olẹ oriruo na. Ma te yo odẹ na Jihova, o rẹ kareghẹhọ omai epanọ Ọghẹnẹ o woma te, epanọ ọ rro te, gbe epanọ ọ fo te. Evaọ olẹ ofa jọ, Jesu o se Jihova “Ọsẹ ọrẹri.” (Jọn 17:11) Nọ orọnọ Jihova ọ rrọ ọrẹri na, izi kpobi nọ i no obọ riẹ ze e rrọ ọrẹri re. Ghele na, Setan ọ wha ẹme avro jọ ze evaọ ọgbọ Idẹn kpahe udu nọ Ọghẹnẹ o wo nọ o re ro fi izi họ kẹ ahwo-akpọ. Setan o gu ọrue fihọ Ọghẹnẹ uzou, ọ tẹ rọ enẹ raha odẹ Ọghẹnẹ nọ o rrọ ọrẹri na.
4. Ẹvẹ Jesu o ro kuobọgbe ru odẹ Ọghẹnẹ fo?
4 Evaọ abọdekọ riẹ, Jesu o you odẹ Ọghẹnẹ gaga. (Jọn 17:
5. Ẹvẹ ma sai ro kuobọgbe ru odẹ Ọghẹnẹ fo?
5 Ẹvẹ ma sai ro dhesẹ nọ ma you odẹ Ọghẹnẹ? Uruemu ma re ro dhesẹ onana via. Jihova ọ gwọlọ nọ ma rẹ jọ ọrẹri hayo fuafo. (Se 1 Pita 1:
6. Ẹvẹ Jihova ọ sai ro rri omai nọ ma kiẹrẹe, dede nọ ma gba ha?
6 Jihova ọ rẹ rọ fiki idhe ẹtanigbo Jesu na rehọ izieraha ahwo nọ a ruthọ rọ vrẹ ae, nọ a te fi ẹrọwọ họ idhe ẹtanigbo na. Ọ rẹ jẹ ahwo nọ a roma mudhe kẹe rehọ. Jihova o se Ileleikristi nọ a rọ ẹzi wholo na emọ riẹ nọ i kiẹrẹe je se “igodẹ efa” na egbẹnyusu ikiẹrẹe riẹ. (Jọn 10:16; Rom 5:
“JỌ UVIE RA O ZE”
7. Eghale vẹ ẹtanigbo na o ru lọhọ evaọ otọ esuo Uvie Ọghẹnẹ?
7 Oware avivẹ nọ Jesu ọ yare Ọghẹnẹ evaọ olẹ oriruo na họ: “Jọ Uvie ra o ze.” Ẹvẹ ẹtanigbo na u ro wobọ kugbe Uvie Ọghẹnẹ? Ẹtanigbo na u ru rie lọhọ nọ a bi ro koko ahwo idu udhuhrẹ gbe ene (144,000) họ nọ i ti lele Jesu su evaọ obọ odhiwu, a te jọ ivie gbe izerẹ. (Evia. 5:
8. (a) Ẹvẹ Jesu o ro fiobọhọ kẹ ilele riẹ ruẹ epanọ Uvie Ọghẹnẹ u wuzou te? (b) Ẹvẹ ma sai ro dhesẹ nọ ma be tha Uvie na uke nẹnẹ?
8 Okenọ Jesu ọ jọ otọakpọ, o fiobọhọ kẹ ilele riẹ ruẹ epanọ Uvie Ọghẹnẹ u wuzou te. Nọ Jesu ọ nwane họ-ame no, o te je whowho “usi uwoma Uvie Ọghẹnẹ” evaọ eria sa-sa. (Luk 4:43) Evaọ eme urere nọ ọ ta kẹ ilele riẹ taure o te ti zihe kpobọ odhiwu, ọ vuẹ rae nọ jọ a se isẹri riẹ “rite oria nọ o mai thabọ evaọ otọakpọ na.” (Iruẹru 1:
“JỌ A RU OREVA RA”
9. Fikieme ma sai ro wo imuẹro nọ Jihova o ti ru ẹjiroro riẹ kẹ ahwo-akpọ gba?
9 Eme Jesu o wo họ iroro nọ ọ ta nọ: “Jọ a . . . ru oreva ra”? Jihova họ Ọnọ ọ ma eware kpobi. Nọ ọ tẹ ta nọ jọ oware jọ o via, o rẹ wọhọ ẹsenọ oware na u rugba no. (Aiz. 55:11) Ọ te kuvẹ re ọwọsuọ Setan ọ whaha ẹjiroro riẹ kẹ ahwo-akpọ họ. No emuhọ ze, ẹjiroro Jihova họ re emọ egbagba nọ Adamu avọ Ivi a ti yẹ e vọ akpọ na. (Emu. 1:28) O hae jọnọ Adamu avọ Ivi a whu ababọ emọ nọ a yẹ, ẹjiroro Ọghẹnẹ inọ emọ rai e vọ akpọ na o hai ti rugba ha. Fikiere, nọ Adamu avọ Ivi a make raha uzi no, Jihova ọ kẹ rai uvẹ nọ a ro yẹ emọ ghele. Fiki ẹtanigbo na, Jihova ọ kẹ ahwo kpobi nọ a wo ẹrọwọ uvẹ nọ a rẹ rọ wariẹ jọ gbagba jẹ rria bẹdẹ bẹdẹ. Jihova o you ahwo-akpọ gaga, yọ o rrọ oreva riẹ re ahwo nọ a yoẹme a rria uzuazọ wọhọ epanọ ọ jiroro riẹ evaọ oke emuhọ.
10. Ẹvẹ ẹtanigbo na ọ te rọ wha erere se ahwo nọ a whu no?
10 Kọ ẹvẹ kpahe ima ahwo buobu nọ i whu no, enọ i wo uvẹ nọ a ro wuhrẹ kpahe Ọghẹnẹ jẹ gọe he? Ẹtanigbo na u ru rie lọhọ nọ a te rọ kpare ahwo nọ a whu no ze. Ọsẹ obọ odhiwu oyoyou mai na ọ te kpare ae zihe ziọ uzuazọ, a ve ti wo uvẹ nọ a re ro wuhrẹ kpahe ẹjiroro riẹ je wo uzuazọ ebẹdẹ bẹdẹ. (Iruẹru 24:15) Jihova ọ gwọlọ nọ ahwo a rria uzuazọ, orọnikọ re a whu hu. Nọ orọnọ ọye ọ kẹ omai uzuazọ na, ọ te jọ Ọsẹ kẹ ahwo nọ a te kpare ze kpobi. (Ol. 36:9) U kiehọ gaga nọ Jesu o ro wuhrẹ omai inọ ma lẹ nọ: “Ọsẹ mai nọ ọ rrọ obọ odhiwu.” (Mat. 6:9) Jihova ọ kẹ Jesu abọ nọ o wuzou gaga evaọ iruo ẹkparomatha na. (Jọn 6:
11. Eme họ oreva Ọghẹnẹ kẹ “ogbotu obuobu” na?
11 Orọnikọ ibi ahwo jọ ọvo a ti wo erere no ọghọruo Jihova ze he, keme Jesu ọ ta nọ: “Ohwo kpobi nọ o bi ru Mak 3:35) O rrọ oreva Ọghẹnẹ re “ogbotu obuobu” nọ a rẹ sai kele mu hu nọ i no erẹwho gbe erua gbe erọunu kpobi ze a jọ idibo riẹ. Ahwo nọ a fi ẹrọwọ họ idhe ẹtanigbo Kristi gbe enọ i ru oreva Ọghẹnẹ a rẹ sae jọ usu ahwo nọ a bi bo nọ: “Obọ Ọghẹnẹ mai nọ ọ keria agbara-uvie na gbe Omogodẹ na esiwo mai o no ze.”
12. Ẹvẹ ẹjiroro Jihova kẹ ahwo-akpọ nọ a yoẹme u ro dhesẹ oma via evaọ olẹ oriruo na?
12 Ẹjiroro Jihova rọkẹ ahwo-akpọ u dhesẹ oma via evaọ eware nọ Jesu ọ jọ olẹ oriruo riẹ yare na. Rọwokugbe olẹ nana, ma gwọlọ dao ẹgba mai kpobi re ma ru odẹ Ọghẹnẹ fo hayo ru ei jọ ọrẹri. (Aiz. 8:13) Otofa odẹ Jesu họ “Jihova Họ Esiwo,” yọ esiwo nọ ma ti wo fiki ẹtanigbo na o te wha ọghọ gbe orro se odẹ Jihova. Ahwo-akpọ nọ a yoẹme a ti wo erere no ẹtanigbo na ze vọvọ evaọ otọ Uvie Ọghẹnẹ. Ginọ uzẹme, olẹ oriruo Jesu na o kẹ omai imuẹro nọ oware ovo o rẹ sae whaha oreva Ọghẹnẹ hẹ nọ u gbe ro rugba ha.
DHESẸ EDẸRO RA KẸ ẸTANIGBO NA
13. Eme ame-ọhọ mai u re dhesẹ?
13 Obọdẹ edhere jọ nọ ma sai ro dhesẹ edẹro mai kẹ ẹtanigbo na họ, oma nọ ma re ro mudhe kẹ Jihova fiki ẹrọwọ nọ ma fihọ ẹtanigbo na jẹ họ-ame. Ame-ọhọ mai u re dhesẹ nọ “Jihova o wo omai.” (Rom 14:8) Enẹ ma rẹ rọ yare Ọghẹnẹ re ọ kẹ omai emamọ obruoziẹ-iroro. (1 Pita 3:21) Jihova ọ be kuyo ayare yena fiki idhe ẹtanigbo Jesu nọ ọ jẹrehọ. Ma wo imuẹro nọ o ti ru eware kpobi nọ ọ ya eyaa rai gba kẹ omai.
Idhere vẹ ma re ro dhesẹ nọ ma wo edẹro kẹ ẹtanigbo na? (Rri edhe-ẹme avọ 13, 14)
14. Fikieme ma re ro you erivẹ mai?
14 Edhere ọfa vẹ ma re ro dhesẹ edẹro mai kẹ ẹtanigbo na? Nọ orọnọ uyoyou o rẹ wọ Jihova ru oware kpobi na, o rrọ oreva riẹ inọ idibo riẹ kpobi a hai dhesẹ uyoyou ẹsikpobi. (1 Jọn 4:
ẸTANIGBO NA O RU OMAI WO “EZI OMOSASỌ” NO OBỌ JIHOVA ZE
15. (a) Eghale vẹ ma bi wo mi Jihova enẹna? (b) Eghale vẹ ma ti wo evaọ obaro?
15 Ma te fi ẹrọwọ họ idhe ẹtanigbo na, u re rovie uvẹ nọ ma re ro wo erọvrẹ izieraha mai. Ebaibol na ọ kẹ omai imuẹro inọ a rẹ sae rọ izieraha mai “rọvrẹ” omai. (Se Iruẹru Ikọ 3:
16. Ẹvẹ ẹtanigbo na u ro fiobọhọ si omai no igbo?
16 Oware ovuọvo nọ Setan ọ rẹ sai ru o rrọ họ, nọ ọ rẹ rọ whaha ohwo kpobi nọ o kurẹriẹ nọ ọ gbẹ rọ jọ usu uviuwou Ọghẹnẹ hẹ. Jesu ọ ziọ otọakpọ je whu “ẹsiẹvo rọkẹ oke kpobi.” Enẹ ọ rọ hwosa ẹtanigbo na bẹdẹ bẹdẹ. (Hib. 9:
17. Eme uyoyou Ọghẹnẹ u ti ru kẹ owhẹ?
17 Eyaa Ọghẹnẹ i re rugba ẹsikpobi. Wọhọ epanọ izi nọ Ọghẹnẹ o fihọ kẹ emama riẹ i re rugba ẹsikpobi na, ere ọvona Jihova o re ru eyaa riẹ gba kẹ omai re. O re nwene he. (Mal. 3:6) Orọnikọ uzuazọ ọvo Jihova ọ kẹ omai hi. O bi ru omai reawere uyoyou riẹ re. “Ma riẹ jẹ rọwo nọ Ọghẹnẹ o you omai. Ọghẹnẹ họ uyoyou.” (1 Jọn 4:16) A ti zihe otọakpọ na soso ruọ aparadase nọ evawere e te dafia, yọ ohwo kpobi nọ ọ te jariẹ o ti dhesẹ uyoyou Ọghẹnẹ. Ajọ ma ku unu kugbe ikọ-odhiwu ta nọ: “Jọ ujiro, oruaro, ọghọ gbe uyere u te Ọghẹnẹ mai nọ o wo areghẹ, ogaga, gbe ẹgba kpobi na bẹdẹ bẹdẹ. Ami.”