Wha Ru Edo Oghọghọ!
“Uwoma re a so ile ujiro kẹ Ọghẹnẹ mai.”—OL. 147:1.
1. Eme ile-esuọ i re fiobọhọ kẹ omai ru?
ỌGBA ile-ikere jọ ọ ta nọ: “Eme e rẹ lẹliẹ ohwo roro kpahe oware. Ikporakporo i re duobọte ohwo. Rekọ ole ọ rẹ lẹliẹ oware nọ ohwo o bi roro kpahe duobọtei udu.” Nọ o rrọ ere na, eme u fo nọ o rẹ mai duobọte omai udu? Kọ ogbẹrọnọ eme ujiro gbe erọ uyoyou nọ ma wo kẹ Jihova, Ọsẹ obọ odhiwu mai na? Agbẹta nọ ile-esuọ e rọ rrọ abọjọ nọ o wuzou gaga evaọ egagọ uzẹme na, te ma be so kẹ omamai hayo kuomagbe ukoko na so.
2, 3. (a) Ẹvẹ ile nọ a rẹ so do via evaọ obọ Ọgwa Uvie o be hae jọ ahwo jọ oma? (b) Kọ enọ vẹ ma te ta ẹme kpahe?
2 Ẹvẹ ile nọ a rẹ so do via evaọ obọ Ọgwa Uvie o be hae jọ owhẹ oma? Kọ o be hae lẹliẹ oma vuọ owhẹ? Evaọ ekwotọ jọ, u re kiehọ ezae oma ha re a so ile evaọ ogbotu. Onana o rẹ sai kpomahọ ukoko soso, maero nọ ekpako ukoko a gbẹ be so ho hayo nọ a tẹ be hai ru eware efa nọ ile-esuọ i te muhọ no evaọ Ọgwa Uvie.—Ol. 30:12.
3 Ma te vuhumu nọ ile-esuọ yọ abọjọ nọ o wuzou gaga evaọ egagọ uzẹme, ma te gwọlọ kpama ruọ otafe hayo ru eware efa ha nọ a tẹ be so ile evaọ ewuhrẹ. Fikiere, u fo nọ ma rẹ nọ omamai nọ: ‘Ẹvẹ ile nọ a rẹ jọ Ọgwa Uvie so na e be hae jọ omẹ oma? Ẹvẹ mẹ sae rọ whaha oghẹrẹ ozodhẹ
kpobi nọ o rẹ sai ru nọ mẹ gbẹ rọ so ile avọ oghọghọ họ? Kọ eme me re ru re mẹ sae so ile no udu ze ziezi?’ILE-ESUỌ YỌ ABỌJỌ EGAGỌ UZẸME NỌ O WUZOU GAGA
4, 5. Ẹvẹ a jẹ hae so ile te evaọ oke emọ Izrẹl?
4 No anwae ze, idibo Ọghẹnẹ a be hae rọ ile-esuọ jiri Jihova evaọ egagọ rai. Okenọ emọ Izrẹl a je ru oreva Ọghẹnẹ ziezi, a jẹ hae so ile gaga evaọ iruẹru egagọ rai. Wọhọ oriruo, okenọ a je ru ọruẹrẹfihotọ kẹ iruẹru egagọ evaọ etẹmpol na, Devidi ọ salọ ahwo Livai idu ene (4,000) nọ e te hae so ile ujiro. A jọ usu rai salọ ahwo egba ivẹ gbe udhone gbe eree (288) nọ a “wuhrẹ rọ kẹ ilesuọ rọ kẹ ỌNOWO, . . . nọ e riẹ [ile] ziezi.”—1 Irv. 23:5; 25:7.
5 Okenọ a jẹ rọ etẹmpol na mudhe, a kporo ikporakporo jẹ so ile gaga. Ebaibol e ta nọ: “Nọ a kpare ole na avọ enhware, gbe ejẹjẹ, gbe ekuakua ikporakporo edekọ na kpobi eva ejiro kẹ ỌNOWO na, ‘keme o re wowoma, keme uyoyou owhawha riẹ o rẹ jọ bẹdẹ bẹdẹ,’ ẹgho ọ tẹ vọ uwou ỌNOWO na, . . . keme oruaro ỌNOWO na o vọ uwou Ọghẹnẹ na.” Avro ọ riẹ hẹ, ọruẹrẹfihotọ ile-esuọ nana o bọ ẹrọwọ idibo Ọghẹnẹ ga.—2 Irv. 5:13, 14; 7:6.
6. Dhesẹ ọruẹrẹfihotọ ile-esuọ nọ a ru evaọ okenọ Nehemaya o je su idibo Ọghẹnẹ nọ e jọ Jerusalẹm.
6 Evaọ okenọ Nehemaya o su ahwo Izrẹl nyae wariẹ bọ igbẹhẹ Jerusalẹm, o ru ọruẹrẹfihotọ nọ ahwo Livai a rọ so ile avọ ikporakporo re. Okenọ a jẹ rọ igbẹhẹ nọ a wariẹ bọ na mudhe, ikporakporo gbe ile nọ a so o wha oghọghọ ulogbo ze. Evaọ oke nana, “itu ivẹ” nọ e ruẹrẹ oma họ kẹ ile-esuọ e jariẹ. Itu ivẹ na e nya rri ọvuọ abọ riẹ, kẹsena a te kuomagbe evaọ abọ ugbẹhẹ nọ o kẹle oria etẹmpol na, onọ u ru nọ edo ole rai ọ rọ rua te epanọ a rọ jọ ugbo yoi. (Neh. 12:27, 28, 31, 38, 40, 43) Avro ọ riẹ hẹ, eva e were Jihova nọ o yo urru idibo riẹ nọ e be rọ ajọwha so ile ujiro kẹe.
7. Ẹvẹ Jesu o ro dhesẹvia nọ u wuzou re a so ile evaọ etoke egagọ Ileleikristi?
7 Nọ a rọ ukoko Ileleikristi na mu no, ile e gbẹ jọ abọjọ nọ o wuzou gaga evaọ egagọ uzẹme. Evaọ aso nọ ọ mai wuzou kẹ Ileleikristi nọ Jesu ọ to Emu Owọwọ Olori na họ, o ru ọruẹrẹfihotọ nọ a rọ so ile.—Se Matiu 26:30.
8. Ẹvẹ Ileleikristi ikpe-udhusoi ọsosuọ a ro fi oriruo ile-esuọ hotọ kẹ omai?
8 Ileleikristi ikpe-udhusoi ọsosuọ a jẹ hae so ile re nọ a te kuomagbe kẹ egagọ. Dede nọ iwou obọrai a jẹ hae jọ kuomagbe kẹ egagọ ẹsibuobu, a jẹ hae rọ ajọwha so ile ujiro kẹ Jihova ghele. Ẹzi Ọghẹnẹ ọ wọ Pọl ukọ na ta kẹ ibe Ileleikristi riẹ nọ: “Wha hai wuhrẹ jẹ tuduhọ ohwohwo awọ avọ ilezi, ile nọ a re ro jiri Ọghẹnẹ, ile uyere nọ a rẹ so rọ gọ Ọghẹnẹ, jẹ jọ udu rai so ile kẹ Jihova.” (Kọl. 3:16) Ile nọ e rrọ obe ile mai na yọ “ile uyere nọ a rẹ so rọ gọ Ọghẹnẹ.” E rrọ usu ewuhrẹ ẹme Ọghẹnẹ nọ “ọrigbo nọ a re fievahọ nọ o wo areghẹ na” ọ be rọ kuọ omai.—Mat. 24:45.
EPANỌ WHỌ SAE RỌ SO ILE ABABỌ OZỌ
9. (a) Eme ọ rẹ sai ru nọ inievo jọ a gbẹ rọ so ile do via evaọ obọ ewuhrẹ hayo okokohọ họ? (b) Ẹvẹ u fo nọ ma rẹ rọ so ile ujiro kẹ Jihova, kọ amono a rẹ kobaro evaọ onana? (Rri uwoho nọ o rrọ emuhọ uzoẹme na.)
9 Kọ otẹrọnọ ahwo uviuwou ra, ẹwho ra, hayo oria nọ who no ze a riẹ kpahe ile-esuọ tere he? Itanẹte, ifonu, gbe Ẹzra 3:11; se Olezi 147:1.) Evaọ ikoko buobu, a be hai dhesẹ eme ole na evaọ etehe-ughe enẹna, onọ u bi fiobọhọ kẹ omai so ile na do via ziezi. Yọ u woma gaga inọ a ru re ile-esuọ e jọ abọjọ omaa Isukulu Odibọgba Uvie nọ a ruẹrẹhọ kẹ ekpako ukoko. Onana u dhesẹ nọ ekpako ukoko a rẹ kobaro evaọ ile-esuọ ukoko na.
eware efa itieye e da oria kpobi fia nẹnẹ, fikiere o sae jọnọ o rẹ were owhẹ gaga nọ whọ tẹ be rọ eware nana gaviezọ kẹ egba-ile. Rekọ oma o rẹ sae vuọ owhẹ nọ whọ tẹ rọ uvo ra wawo orọ egba-ile itiena. Dede na, whọ jọ oyena o whaha owhẹ ile nọ whọ rẹ so ro jiri Jihova ha. Ukpoye, hae kpare obe ole ra kpehru ziezi, jẹ kpare ovao, re whọ so ole no udu ze. (10. Eme ma rẹ kareghẹhọ nọ ozọ o tẹ be gwọlọ whaha omai ile-esuọ?
10 Ozọ u re ru nọ inievo buobu a gbẹ rọ so ile do via ziezi hi. O sae jọ ozọ inọ uvo rai u ti kpehru vi orọ amọfa, hayo uvo rai o were he. Dede na, u fo re ma kareghẹhọ nọ “mai kpobi ma re zoruẹ ẹsibuobu” evaọ ẹmeọta. (Jem. 3:2) O make rrọ ere na, ma rẹ siọ ẹme ba ẹta ha. Kọ fikieme ma jẹ siọ ile ujiro ba ẹso kẹ Jihova fikinọ uvo mai u woma tere he?
11, 12. Eware jọ vẹ e rẹ sai fiobọhọ kẹ omai so ole ziezi?
11 O sae jọnọ ozọ ile u re mu omai fikinọ ma nwane riẹ oghẹrẹ nọ a rẹ so ile he. Dede na, ma rẹ sai wuhrẹ oghẹrẹ nọ a rẹ so ile nọ ma te fi iroro-ejẹ jọ hiruo. *
12 Whọ rẹ sae riẹ epanọ a rẹ so ile do via avọ ẹgba nọ whọ tẹ be hai s’ẹwẹ rehọ ziezi. Wọhọ epanọ ogaga ẹlẹtriki o rẹ lẹliẹ ukpẹ lo na, ere ẹwẹ o re fiobọhọ kẹ uvo ohwo do via ziezi nọ ọ tẹ be Ol. 33:1-3.
ta ẹme hayo so ole. U fo nọ ole mai o re do ga te hayo tube do vi ẹmeọta mai. (Rri iroro-ejẹ nọ e rrọ obe na, Wo Erere no Ewuhrẹ ọ Isukulu Odibọgba Esuo-Ọghẹnẹ Ze, ẹwẹ-obe avọ 181 rite 184 evaọ otọ uzoẹme osese na “S’Ẹwẹ Totọ Ziezi.”) Evaọ ẹme ile ujiro nọ a rẹ so, Ikereakere na e tuduhọ idibo Jihova awọ nọ a hai ru ‘edo oghọghọ.’—13. Ta oware nọ o rẹ sai fiobọhọ kẹ omai so ole ududu.
13 Evaọ etoke egagọ uviuwou hayo evaọ oke gheghe, whọ rẹ sai ru eware nana: Jọ obe ole mai na salọ ole jọ nọ ọ rẹ were owhẹ gaga. Rehọ obọdẹ uvo se ibieme ole na do via ududu. Kẹsena whọ vẹ rọ ofu ọvo se uhie eme ole na ovuovo avọ uvo ovona. Who je ru ere no, whọ vẹ rọ uvo ojaja ovona so uhie eme ole na. (Aiz. 24:14) Onana o te hai fiobọhọ kẹ owhẹ ku ole ziezi. Whọ jọ oma o vuọ owhẹ hẹ!
14. (a) Ẹvẹ unu nọ ma re rovie ziezi o sai ro fiobọhọ kẹ omai nọ ma tẹ be so ole? (Rri ẹkpẹti na, “ Epanọ Whọ Sae rọ So Ole Ziezi.”) (b) Iroro-ejẹ vẹ whọ ruẹ nọ i fiobọhọ kẹ owhẹ no evaọ ile-esuọ?
14 Whọ tẹ be so ole, uvo ra o rẹ sai do via ha nọ who gbe bi rovie unu ziezi hi. Fikiere, iroro-ejẹ efa jọ họ, whọ rẹ daoma rovie unu vi ẹsenọ whọ be ta ẹme. Eme whọ rẹ sai ru nọ whọ tẹ ruẹ nọ who wo uvo olọlọhọ nọ u re do tere he hayo uvo nọ u re do ghaghagha? Whọ rẹ sae ruẹ iroro-ejẹ nọ i re fiobọhọ evaọ ẹkpẹti na, “Efikparobọ Igogo Ebẹbẹ Jọ” nọ ọ rrọ ẹwẹ-obe avọ 184, ọrọ obe na, Wo Erere no Ewuhrẹ ọ Isukulu Odibọgba Esuo-Ọghẹnẹ Ze.
SO ILE UJIRO NO UDU ZE
15. (a) Owhowhovia vẹ a ru evaọ ẹgwa ẹgbukpe 2016? (b) Fodẹ ẹjiroro jọ nọ ma ro wo obe ile okpokpọ na.
15 Evaọ ẹgwa ẹgbukpe 2016, o jọ oware evawere gaga nọ Brọda Stephen Lett nọ ọ rrọ omọvo Utu Ẹruorote na o ru ‘So Ile avọ Oghọghọ’ kẹ Jihova. Brọda Lett ọ ta nọ ẹjiroro jọ nọ a ro ru obe ile okpokpọ na họ, re eme ile na e rọwokugbe eme ọ Ebaibol New World Translation of the Holy Scriptures nọ a wariẹ fa na. Onana u ru nọ a ro si eme jọ no hayo wariẹ ruẹrẹ eme jọ họ, eme nọ e gbẹ rrọ Ebaibol nọ a siobọno evaọ 2013 na ha. U te no ere no, a fi ile ekpokpọ efa bae, enọ e ta kpahe iruo usiuwoma ota mai gbe edẹro nọ ma wo kẹ ẹtanigbo na. Ofariẹ, fikinọ ile-esuọ yọ abọjọ nọ o wuzou gaga evaọ egagọ mai, Utu Ẹruorote na o gwọlọ nọ ma wo obọdẹ obe ile nọ u wo emamọ uke wọhọ Ebaibol ọkpokpọ New World Translation of the Holy Scriptures nọ a siobọno na.
owhowhovia inọ, ma bi ti wo obe ile okpokpọ nọ a se,16, 17. Inwene vẹ a ru fihọ obe ile okpokpọ mai na?
16 Re obe ile ‘So Ile avọ Oghọghọ’ kẹ Jihova na o lọhọ kẹ omai ziezi evaọ ile-esuọ, a ruẹrẹ ile na hotọ izoẹme sa-sa. Wọhọ oriruo, ile ikpegbivẹ ọsosuọ na e ta kpahe Jihova, eree nọ i lele i rie e ta kpahe Jesu gbe ẹtanigbo na. Oghẹrẹ utioye a ruẹrẹ e rai họ. U te je wo oria ọruẹrẹhọ izoẹme, onọ u re fiobọhọ gaga nọ ohwo ọ tẹ gwọlọ salọ ole rọkẹ ovuẹ ogbotu.
17 Re ohwo kpobi ọ ruẹse so ole no udu ze, a nwene eme ile na jọ re e ruẹse jọ vevẹ, a te je si eme jọ nọ a gbẹ be ta tere he no. Wọhọ oriruo, ma nwene uzoẹme ole na “Uye-Oruẹ Krẹkri” kpohọ “Wo Odiri” jẹ ruẹrẹ eme ole na họ lele onana. Ma te je nwene uzoẹme na “Sẹro Udu Ra” kpohọ “Ma rẹ Kpọ Udu Mai,” yọ onana u gine fo. Fikieme ma rọ tere? Ahwo nọ a họ-ame obọ, enọ ma gbe bi wuhrẹ obe kugbe, emaha, gbe inievo-emetẹ a be jọ ewuhrẹ gbe ikokohọ nọ ma tẹ be so ole yena. Oma o rẹ sae jarae oghẹrẹ jọ keme o rẹ wọhọ ẹsenọ a be vuẹ amọfa oware nọ a re ru. Onana u ru nọ a ro nwene uzoẹme gbe eme ole yena.
Wuhrẹ ile na evaọ etoke egagọ uviuwou (Rri edhe-ẹme avọ 18)
18. Fikieme u ro fo re ma riẹ ile nọ e rrọ obe ile okpokpọ mai na ziezi? (Rri oruvẹ obotọ na.)
18 Ile buobu nọ e rrọ ‘So Ile avọ Oghọghọ’ kẹ Jihova na e wọhọ olẹ. Ohwo ọ rẹ sae rehọ ile nana ta eva riẹ kẹ Jihova. Ile efa e riẹ nọ i re fiobọhọ kẹ owhẹ tuduhọ ‘ibe Ileleikristi ra awọ dhesẹ uyoyou je ru iruo iwoma.’ (Hib. 10:24) Avro ọ riẹ hẹ, ma te daoma riẹ ikporakporo gbe eme ile mai na ziezi. U ti fiobọhọ kẹ owhẹ nọ whọ tẹ be hae gaviezọ kẹ ile nọ a rọ unu so via evaọ oria evuẹ jw.org. mai na. Whọ tẹ be hai wuhrẹ ile na evaọ obọ uwou, whọ te hae so ae no udu ze ziezi. *
19. Eme mai inievo nọ e rrọ ukoko na kpobi ma re ru hrọ?
19 Kareghẹhọ nọ ile-esuọ yọ abọjọ nọ o wuzou gaga evaọ egagọ mai. Onana yọ obọdẹ edhere nọ ma re ro dhesẹ uyoyou gbe edẹro mai kẹ Jihova. (Se Aizaya 12:5.) Whọ tẹ be hae so ile avọ oghọghọ, u ti ru nọ amọfa a te rọ so ile via ududu re. O rrọ vevẹ, inievo nọ e rrọ ukoko na kpobi, te emaha te ekpako gbe ahwo nọ a wo isiuru kẹ uzẹme na nọ e ziọ ewuhrẹ, a rẹ sai kuomagbe omai so ile kẹ Jihova. Fikiere, whọ jọ oware ovo o whaha owhẹ ile-esuọ họ. Ukpoye, ru lele uthubro ẹme ọso-ilezi nana nọ ọ ta nọ: ‘Suole kẹ ỌNOWO na.’ Ru edo oghọghọ!—Ol. 96:1.
^ edhe-ẹme 11 Whọ tẹ gbẹ gwọlọ riẹ eware efa kpahe epanọ whọ sai ro wuhrẹ uvo ra kẹ ile-esuọ, iviena rri JW Broadcasting ọ Akpegbivẹ 2014 (ọrọ Oyibo).
^ edhe-ẹme 18 Re ma sae ruẹrẹ oma kpahe kẹ ile-esuọ, ukoko u ru ọruẹrẹfihotọ nọ ma rẹ rọ rehọ iminiti ikpe gaviezọ kẹ ile taure okokohọ kpobi o te ti muhọ. A ruẹrẹ ikporakporo nana fihọ evaọ oghẹrẹ nọ e rẹ rọ ruẹrẹ udu gbe iroro mai kpahe kẹ eware nọ ma ti wuhrẹ evaọ okokohọ na. Fikiere, a tuduhọ omai awọ nọ ma hae keria oria mai re ma nabe gaviezọ kẹ ikporakporo na.