UZOẸME UKE NA | EBAIBOL NA—IKU EPANỌ Ọ SAE RỌ ZỌ
Epanọ Ebaibol na Ọ Sae rọ Zọ te Inẹnẹ
Fikinọ Ebaibol na ọ zọ te inẹnẹ, whọ rẹ sai wo ọrọ obọra nọ who re se. Nọ who te bi se Ebaibol nọ a riẹ fa ziezi, o rẹ sai mu owhẹ ẹro nọ who bi se eme nọ e jọ iko-ebe ọsosuọ kpobi na. * Rekọ ẹvẹ Ebaibol na ọ sae rọ zọ te inẹnẹ dede nọ eware nọ a kere eme riẹ fihọ evaọ oke ọsosuọ e rẹ kake raha, ahwo a jẹ wọso iẹe, gbe nọ a jẹ gwọlọ nwene eme riẹ? Eme ọ lẹliẹ Ebaibol na wo ohẹriẹ no ebe efa kpobi?
“Enẹna u mu omẹ ẹro no inọ Ebaibol na yọ okẹ nọ u no obọ Ọghẹnẹ ze”
Ahwo buobu nọ a bi se Ebaibol na a rọwokugbe ẹme Pọl ukọ na, ọnọ o kere nọ: “Ẹkwoma ẹzi Ọghẹnẹ a ro kere Ikereakere na kpobi.” (2 Timoti 3:16) U mu rai ẹro nọ oware nọ o lẹliẹ Ebaibol na sae zọ te inẹnẹ họ, fikinọ Ebaibol na yọ Ẹme Ọghẹnẹ, yọ Ọghẹnẹ họ ọnọ ọ sẹro riẹ te inẹnẹ. Re Faizal nọ ma ta ẹme te evaọ uzoẹme ọsosuọ na, ọ riẹ sọ a gine nwene eme Ebaibol na, o te ru ekiakiẹ kpahe Ebaibol na. Eware nọ ọ kiẹ ku i gbe rie unu. Ọ tẹ te ruẹ vuhumu nọ iwuhrẹ ichọche buobu i no Ebaibol ze he. Ofariẹ, eva e were riẹ gaga nọ o se kpahe ẹjiroro Ọghẹnẹ kẹ otọakpọ na.
Faizal ọ ta nọ, “Enẹna u mu omẹ ẹro no inọ Ebaibol na yọ okẹ nọ u no obọ Ọghẹnẹ ze. Keme otẹrọnọ Ọghẹnẹ ọ ma ehrugbakpọ na, kọ o gbe wo ogaga nọ ọ sae rọ kẹ omai obe, ọ vẹ jẹ sẹro riẹ? Ma te roro nọ ọ rẹ sai ru ere he, kiyọ ma bi rri ogaga Ọghẹnẹ vo! Ono họ omẹ nọ o re rri ogaga Ọghẹnẹ vo?”—Aizaya 40:8.
^ edhe-ẹme 3 Se uzoẹme na “How Can You Choose a Good Bible Translation?” nọ o rrọ emagazini amara Asoi 1, 2008 ọrọ Oyibo.
Enana E Sae jẹ Were Owhẹ
UWOU-ERORO NA
Fikieme Ma jẹ Daoma Wo Otoriẹ Ebaibol Na?
Ahwo buobu evaọ akpọ na a wo adhẹẹ kẹ Ebaibol na, dede nọ a riẹ epanọ ọ sai ro fiobọhọ kẹ ai hi.
IWUHRẸ EBAIBOL NỌ I WUZOU
Kọ Eme Ebaibol na Uzẹme?
Otẹrọnọ Ọghẹnẹ o wo Ebaibol na, kiyọ o re wo ohẹriẹ no ebe efa kpobi nọ a kere no.
IVIDIO NỌ A JỌ GBIKU EWARE NỌ A RU
