Kọ whọ te ta nọ

• Ee

• Ijo

• Hayo ẹsejọhọ?

Ẹme nọ Ebaibol na ọ ta

“Wha gbolo awaọruọ rai kpobi [kẹ Ọghẹnẹ], keme ọ be daezọ rai.” (1 Pita 5:7) Ebaibol na ọ kẹ omai imuẹro inọ Ọghẹnẹ ọ sai fiobọhọ kẹ owhẹ nọ whọ tẹ be ruawa.

Eme ọfa ma rẹ sai wuhrẹ no Ebaibol na ze?

• Nọ whọ tẹ be hae lẹ, who ti wo “udhedhẹ Ọghẹnẹ,” nọ u re ru awaọruọ ra kpotọ.​—Ahwo Filipai 4:​6, 7.

• Ofariẹ, Ẹme Ọghẹnẹ nọ who re se ẹsikpobi o sai fiobọhọ kẹ owhẹ wo omosasọ. ​—Matiu 11:​28-30.

Ahwo jọ a roro nọ . . . awaọruọ yọ abọjọ uzuazọ, yọ amọfa jọ a roro nọ ohwo ọ sae whaha awaọruọ họ kiyọ o whu no. Ẹvẹ who roro?

Ẹme nọ Ebaibol na ọ ta

Ọghẹnẹ o ti si eware nọ e be wha awaọruọ ze kpobi no otọ. “Uwhu o gbẹ te jọ ofa ha, yọ uweri hayo oviẹ hayo edada e gbẹ te jọ ofa ha.”​—Eviavia 21:4.

Eme ọfa ma rẹ sai wuhrẹ no Ebaibol na ze?

• Evaọ otọ Uvie Ọghẹnẹ, ahwo kpobi a te rria dhedhẹ avọ omofọwẹ.​—Aizaya 32:18.

• Ahwo a gbẹ te kareghẹhọ nọ oware jọ yọ awaọruọ vievie he.​—Aizaya 65:17.