Eme Ebaibol na Ọ Ta?
Kọ elẹ kpobi Ọghẹnẹ o re yo?
KỌ WHỌ TE TA NỌ O RE YO ELẸ . . .
Ahwo kpobi
Ahwo jọ ọvo
Ohwo ọvo ho
ẸME NỌ EBAIBOL NA Ọ TA
“ỌNOWO na ọ kẹle enọ i bo se ei kpobi evaọ uzẹme.”—Olezi 145:18.
EME ỌFA MA RẸ SAI WUHRẸ NO EBAIBOL NA ZE?
Ọghẹnẹ ọ rẹ gaviezọ kẹ elẹ ahwo nọ a be ghẹmeeyo kẹe he. (Aizaya 1:15) Ghele na, a sae “jẹ iroro” hayo ruẹrẹhọ kugbe Ọghẹnẹ ẹkwoma uruemu rai nọ a re nwene.—Aizaya 1:18.
Taure Ọghẹnẹ o te yo olẹ mai, o gwọlọ nọ ma rẹ lẹ rọwokugbe oreva riẹ evaọ Ebaibol na.—1 Jọn 5:14.
Kọ u wo oghẹrẹ jọ nọ ma re fi oma họ taure ma tẹ lẹ?
AHWO JỌ A RẸ TA NỌ o gbahọ re a kigwẹ, go uzou kpotọ, hayo ta abọ kugbe nọ a tẹ be lẹ. Ẹvẹ who roro?
ẸME NỌ EBAIBOL NA Ọ TA
Ebaibol na ọ ta kpahe ahwo buobu nọ Ọghẹnẹ o yo elẹ rai makinọ a “keria,” a “kparoma,” ahwo nọ a jẹ “rehọ oma fotọ,” hayo enọ i “kigwẹ.” (1 Iruẹru-Ivie 17:16; 2 Iruẹru-Ivie 30:27; Ẹzra 10:1; Iruẹru Ikọ 9:40) Fikiere o gbahọ nọ ma re fi oma họ oghẹrẹ jọ taure ma tẹ lẹ hẹ.
EME ỌFA MA RẸ SAI WUHRẸ NO EBAIBOL NA ZE?
Ọghẹnẹ o re yo elẹ ahwo nọ a wo omaurokpotọ.—Olezi 138:6.
Whọ sae rọ ẹvẹrẹ kpobi lẹ se Ọghẹnẹ, hayo lẹ họ eva dede.—2 Iruẹru-Ivie 6:32, 33; Nehemaya 2:1-6.