“Jọ Uvie Ra O Ze”—Olẹ nọ Ima Ahwo Buobu A be Lẹ
Kọ whọ lẹ nọ jọ Uvie Ọghẹnẹ o ze no ẹdẹ jọ? U kri akpọ no nọ ima ahwo buobu a be rọ lẹ nọ: “Jọ Uvie ra o ze.” Fikieme ahwo a be rọ lẹ olẹ nana? Keme Jesu ọ ta kẹ ilele riẹ nọ a lẹ re Uvie Ọghẹnẹ o ze.
Evaọ oke ọsosuọ, ilele Jesu a wo otoriẹ eware kpobi nọ Jesu ọ ta kpahe Uvie Ọghẹnẹ hẹ. Evaọ oke jọ, a nọ Jesu nọ: “Olori, kọ who bi zihe uvie na ziọ Izrẹl evaọ oke nana?” O sae jọnọ uyo nọ Jesu ọ kẹ rai u gbe rai unu keme ọ vuẹ rai okenọ Uvie na o te rọ ze dẹẹ hẹ. (Iruẹru Ikọ 1:6, 7) Kọ onana u dhesẹ nọ ma rẹ sae riẹ oware nọ Uvie Ọghẹnẹ o rrọ gbe okenọ o te rọ ze he? O rrọ ere vievie he!
Uvitha Uwou-Eroro nana u ti fiobọhọ kẹ owhẹ ruẹ iyo rọkẹ enọ nana:
Fikieme ma rọ gwọlọ Uvie Ọghẹnẹ?
Ono họ Ovie Uvie Ọghẹnẹ?
Oke vẹ Uvie Ọghẹnẹ u ti ro su otọakpọ na?
Eme Uvie Ọghẹnẹ u ti ru?
Fikieme ma rẹ rọ jọ abọ Uvie Ọghẹnẹ enẹna?
Eme họ Uvie Ọghẹnẹ?