Ọghẹnẹ Ọ be Daezọ Ra
EHRẸ nọ e rrọ Ebaibol na obọ Ọghẹnẹ i no ze, yọ eye e mai woma kpaobọ. Ebaibol na yọ obe imu hu, rekọ ehrẹ nọ e rrọ eva riẹ e sai fiobọhọ kẹ omai thihakọ ebẹbẹ, whaha iroro egaga, thihakọ eware nọ e be kẹ omai uye, jẹ riẹ oware nọ ma re ru nọ oware jọ o tẹ be thọ evaọ oma mai hayo nọ ma tẹ be mọ ẹyao iroro.
Ebaibol na o dhesẹ nọ Jihova Ọghẹnẹ a nọ ọ ma omai na, ọ riẹ eware nọ e be kẹ omai uye vi omọfa kpobi. Ọ gwọlọ nọ o re fiobọhọ kẹ omai nọ ma te wo ẹbẹbẹ. Wọhọ oriruo, ẹme nọ Ebaibol na ọ ta evaọ eria ikere ivẹ nana e rẹ sasa ohwo oma:
“Jihova ọ kẹle enọ e rrọ ọkora; o re siwi enọ e rrọ uweri.”—OLEZI 34:18.
“Mẹ Jihova Ọghẹnẹ ra, me bi kru obọze ra kekeke, ọnọ ọ be ta kẹ owhẹ nọ, ‘Jọ ozọ u mu owhẹ hẹ. Me ti fiobọhọ kẹ owhẹ.’”—AIZAYA 41:13.
Oghẹrẹ vẹ Jihova o re ro fiobọhọ kẹ omai thihakọ ẹbẹbẹ ẹyao iroro? Wọhọ epanọ whọ te ruẹ evaọ izoeme nọ e rrọ aro na, whọ te ruẹ idhere sa-sa nọ Jihova o ro dhesẹ no inọ ọ be ginẹ daezọ mai.
a Jihova họ odẹ Ọghẹnẹ.—Olezi 83:18.
