Enọ Ahwo nọ A s’Ebe
Fikieme Jesu ọ rọ ta ẹme Devidi nọ ọ rrọ Olezi 22:1 taure o te ti whu?
Taure Jesu o te ti whu, u wo ẹme jọ nọ ọ ta nọ a kere fihọ obe Matiu 27:46. Ọ ta nọ: “Ọghẹnẹ mẹ, Ọghẹnẹ mẹ, fikieme whọ rọ siọ omẹ ba?” Eruẹaruẹ jọ Jesu o rugba na, keme ẹme Devidi nọ ọ rrọ Olezi 22:1 ọ wariẹ na. (Mak 15:34) Orọnọ fikinọ Jesu o gbe fievahọ Ọghẹnẹ hẹ ọ rọ ta ẹme yena ha, yọ orọnọ fikinọ ẹrọwọ riẹ o whrehe no oke yena gbe he. Jesu ọ riẹ oware nọ o soriẹ nọ o bi ti ro whu na vevẹ, yọ u no rie eva ze nọ o re whu. (Mat. 16:21; 20:28) Ọ tẹ jẹ riẹ nọ evaọ oke nọ o ti ro whu na, Jihova ọ te rọ oghẹrẹ jọ “di ogba wariẹe” he wọhọ odẹme, o ti fiobọhọ kẹe he. (Job 1:10) Jihova ọ rọ ere kẹ Jesu uvẹ re o dhesẹ vevẹ nọ o re gbe yoẹme kẹe ghelọ oghẹrẹ kpobi nọ o ti ro whu kẹhẹ.—Mak 14:35, 36.
O tẹ rrọ ere, kọ fikieme Jesu ọ rọ ta ẹme olezi yena? Ma sae nwane ta oware nọ o wha riẹ ze gbiae he, rekọ joma ta eware jọ nọ o sae jọ nọ o wha riẹ ze. *
O sae jọ nọ Jesu ọ rọ ẹme yena dhesẹ nọ Jihova o ti gine fiobọhọ kẹe he evaọ oke uwhu riẹ. O gwọlọ nọ Jihova o re fiobọhọ kẹ Jesu hu evaọ oke nọ o ti ro whu re ọ ta omai no igbo na. Ohwo-akpọ Jesu ọ jọ, yọ o gwọlọ nọ o re “whu rọkẹ ahwo kpobi.”—Hib. 2:9.
O sae jẹ jọ nọ Jesu ọ ta ẹme nọ ọ rrọ owọ olezi yena re u fiobọhọ kẹ ahwo roro kpahe oma olezi yena soso. Ahwo Ju oke Ol. 22:7, 8, 15, 16, 18, 24) U te no ere no, a jọ obọ ekuhọ olezi yena jiri Jihova jẹ ta nọ esuo riẹ ọ nya akpọ na soso duwu.—Ol. 22:27-31.
yena a jẹ hai fi eme ilezi buobu fihọ uzou. Fikiere nọ ohwo ọ tẹ ta ẹme nọ ọ rrọ owọ olezi jọ, iroro ahwo e rẹ nwani kpohọ eme nọ e rrọ olezi yena soso. Otẹrọnọ fiki ere Jesu ọ rọ ta ẹme olezi na, kiyọ ọ rọ ere fiobọhọ kẹ ilele riẹ nọ e jọ ahwo Ju kareghẹhọ eruẹaruẹ sa-sa nọ e rrọ olezi yena, enọ e ta kpahe eware nọ e te via evaọ oke uwhu riẹ. (O sae jẹ jọ nọ Jesu ọ wariẹ ẹme Devidi yena bi ro dhesẹ nọ o ru oware ovo thọ họ. Taure a te ti kpe Jesu, ogbẹgwae Sanhẹdrin o kienyẹe je bruoziẹ kpei inọ ọ ta eme-aghọ. (Mat. 26:65, 66) Ugidi a ro kokohọ je guẹdhọ na evaọ udevie aso, dede nọ uzi rai o ta nọ a rẹ rehọ oghẹrẹ utioye guẹdhọ ohwo ho. (Mat. 26:59; Mak 14:56-59) Fikiere nọ Jesu ọ ta nọ, “Ọghẹnẹ mẹ, fikieme whọ rọ siọ omẹ ba?” o sae jọ nọ ọ be rọ ẹme na dhesẹ nọ o ru oware ovo thọ nọ a re ro bruoziẹ uwhu kpei hi.
O sae jẹ jọ nọ Jesu ọ jẹ rọ ẹme na dhesẹ nọ, dede nọ a kuvẹ re Devidi nọ o kere ẹme yena ọ ruẹ uye, orọnikọ u dhesẹ nọ Ọghẹnẹ ọ se riẹ hẹ. Ẹme yena nọ Devidi ọ ta na u dhesẹ hẹ inọ o wo ẹrọwọ họ. Keme ọ jọ obotọ olezi ọvona ta nọ o fievahọ Jihova inọ ọ rẹ sai siwi idibo riẹ. U te no ere no, Jihova ọ gbẹ jẹ ghale iẹe. (Ol. 22:23, 24, 27) Epọvo na re, dede nọ Jesu nọ ọ rrọ “Ọmọzae Devidi” ọ jẹ ruẹ uye evaọ ure-oja na, orọnikọ u dhesẹ nọ Jihova ọ se riẹ no ho.—Mat. 21:9.
O sae jẹ jọ nọ Jesu ọ jẹ rọ ẹme yena dhesẹ nọ o kẹ riẹ uye gaga inọ Jihova o re fiobọhọ kẹe he, re ọyomariẹ ọ sai dhesẹ nọ ọ sai kru ẹrọwọ riẹ te urere. Jihova ọ jiroro no emuhọ ze he inọ Ọmọ riẹ na ọ te ruẹ uye kẹsena o ve ti whu. Aghẹmeeyo Adamu avọ Ivi o wha riẹ ze. Orọnikọ Jesu o ru oware jọ thọ jabọ nọ o ro whu na ha. Rekọ o whu re ahwo kpobi a sae ruẹ nọ ẹme Setan na ọrue, inọ ohwo ọvo ọ sai kru ẹrọwọ riẹ hẹ nọ odawọ o tẹ ze. U te no ere no, Jesu o whu re ọ hwosa ẹtanigbo na re ma sai wo uzuazọ nọ Adamu o kufiẹ. (Mak 8:31; 1 Pita 2:21-24) Rekọ re onana o sae lọhọ, o gwọlọ nọ Jihova o re fiobọhọ kẹ Jesu vievie he evaọ omoke jọ. Whaọ, ona họ orọ ọsosuọ nọ Jihova ọ rọ siọ obọ ba efihọ kẹ Jesu.
O sae jẹ jọ nọ Jesu ọ jẹ rọ eme yena fiobọhọ kẹ ilele riẹ tẹrovi oware nọ Jihova ọ rọ kuvẹ re ọyomariẹ o whu oghẹrẹ uwhu utioye. * Jesu ọ riẹ inọ, nọ ọyomariẹ o ti whu wọhọ ogbulegbu evaọ ure-oja na, u ti ru ahwo buobu zoruẹ. (1 Kọr. 1:23) Rekọ ilele Jesu a tẹ tẹrovi oware nọ o ginẹ whae ze nọ o bi ti ro whu na, ẹsiẹe a te rọ riẹ epanọ uwhu riẹ na u wuzou te. (Gal. 3:13, 14) A ve ti rri rie inọ Osiwi rai ọ rrọ, orọnikọ ogbulegbu hu.
Ghelọ oware kpobi nọ o wha riẹ ze nọ Jesu ọ rọ ta eme yena kẹhẹ, ọ riẹ vevẹ nọ oware nọ o via kẹe na yọ oreva Jihova. Nọ Jesu ọ nwane ta eme Olezi na no, ọ tẹ ta nọ: “U rugba no!” (Jọn 19:30; Luk 22:37) Uzẹme riẹ họ, Jesu ọ rọ umutho oke nọ Jihova o ro fiobọhọ kẹe he na ru eware kpobi nọ ọ rọ fiki riẹ ziọ otọakpọ gba tọkọ toni. U te je ru nọ o ro ru eware nọ a kere kpahe iẹe evaọ “Uzi Mosis gbe evaọ eme Eruẹaro na gbe evaọ Ilezi na” kpobi gba.—Luk 24:44.
^ edhe-ẹme 2 Rri edhe-ẹme avọ 9 gbe ọrọ avọ 10 evaọ uzoẹme na, “Oware nọ Ma rẹ Sai Wuhrẹ No Eme Urere Jesu Ze” evaọ Uwou-Eroro nana.
^ edhe-ẹme 4 Evaọ oke nọ Jesu ọ jọ otọakpọ, ọ jẹ hae fake nọ enọ jọ hayo ta oghẹrẹ ẹme jọ fihotọ. Ọ jẹ hai ru ere re ilele riẹ a ruẹse ta oware nọ o rrọ ae eva kpahe ẹme na.—Mak 7:24-27; Jọn 6:1-5; rri Uwou-Eroro Akpe 15, 2010, ẹwẹ. 4-5.