UWOU-ERORO NA—UVITHA UWUHRẸ Azeza 2020
Ma jọ uvitha nana wo izoẹme nọ a ti wuhrẹ evaọ Aria 3-30, 2020.
“Jọ Odẹ Ra O Jọ Fuafo”
Uzoẹme uwuhrẹ 23: Aria 3-9, 2020. Okpẹme vẹ ọ rrọ otọ kẹ ikọ-odhiwu gbe ahwo-akpọ? Fikieme ẹme nana ọ rọ roja gaga, kọ ẹvẹ u ro te omai? Ma tẹ riẹ uyo enọ nana gbe enọ efa nọ i kiekpahe ẹme nana, ma te daoma ru eware nọ usu mai avọ Jihova o rẹ rọ kpekpe ziezi.
“Ru re Mẹ Rehọ Udu Mẹ Kpobi Dhozọ Odẹ Ra”
Uzoẹme uwuhrẹ 24: Aria 10-16, 2020. Ma te jọ uzoẹme nana ta kpahe oware nọ Devidi ovie na ọ yare Ọghẹnẹ evaọ olẹ riẹ, onọ a kere fihọ Olezi 86:11, 12. Re a dhozọ odẹ Jihova, eme u dhesẹ? Fikieme ma rẹ rọ dhozọ odẹ ulogbo yena? Kọ ẹvẹ ozodhẹ Ọghẹnẹ o sai ro fiobọhọ kẹ omai nọ ma gbe kie kẹ odawọ họ?
Enọ Ahwo nọ A s’Ebe
Kọ iruemu nọ a jọ Ahwo Galesha 5:22, 23 fodẹ na ọvo họ “ubi ẹzi na”?
“Mẹ Omamẹ Mẹ te Gwọlọ Igodẹ Mẹ”
Uzoẹme uwuhrẹ 25: Aria 17-23, 2020. Fikieme ahwo jọ nọ a gọ Jihova ikpe buobu no a re ro siomano ukoko na? Ẹvẹ onana o rrọ Ọghẹnẹ oma? Ma te jọ uzoẹme nana kuyo enọ yena. Ma te jẹ ta kpahe oghẹrẹ nọ Jihova o ro fiobọhọ kẹ idibo riẹ jọ evaọ oke anwae nọ i si oma kpemu evaọ egagọ riẹ.
“Zihe Bru Omẹ Ze”
Uzoẹme uwuhrẹ 26: Aria 24-30, 2020. Jihova ọ gwọlọ nọ idibo riẹ nọ e siọ ewuhrẹ gbe usi uwoma ota ba no a zihe bru ei ze. Ọ be tubẹ ta kẹ ae nọ: “Wha zihe bru omẹ ze,” yọ ma rẹ sai fiobọhọ kẹ ai ru onana. Ma te jọ uzoẹme nana ta kpahe oghẹrẹ nọ ma sai ro fiobọhọ kẹ ai zihe ze.
