Ma te bi se oria jọ evaọ Ebaibol, ma re rri ebe ukoko na re ma riẹ otọ oware nọ etẹe na ọ be ta. Rekọ orọnọ ma tẹ riẹ otọ oware nọ o be ta no, yọ u re no ho. Ma re roro kpahe iẹe, ma vẹ jariẹ wuhrẹ oware jọ nọ o te lẹliẹ omai riẹ Jihova vi epaọ anwẹdẹ. Ma ve ti you rie gaga. Ma rẹ nọ omamai nọ, ‘Eme mẹ jọ oria Ebaibol nana wuhrẹ kpahe Jihova?’

Ma re roro kpahe epanọ ẹme nọ ọ rrọ oria Ebaibol na o ro dhesẹ nọ Jihova o wo uyoyou, areghẹ, ogaga, yọ o re bru uvioziẹ. Rekọ emamọ eware efa e gbẹ vọ nọ ma rẹ sae riẹ kpahe Jihova, orọnọ eyena ọvo ho. Kọ ẹvẹ ma sae rọ riẹ eware yena?

Rri obe Watch Tower Publications Index, re who rri uzoẹme nọ o ta nọ “Jehovah.” Who ve rri uzoẹme osese jọ nọ o ta nọ “Qualities by Name.” A jariẹ fodẹ eware nọ i bu vi udhuvẹ-gbikpe nọ i dhesẹ nọ Jihova o wo emamọ uruemu. Jọ etẹe se enọ i kiekpahe oria Ebaibol nọ who se na. (Otẹrọnọ Obe Ekiakiẹ Rọkẹ Isẹri Jihova ọvo who wo, rri uzoẹme na “Jihova Ọghẹnẹ,” whọ te jọ otọ riẹ ruẹ uzoẹme nọ o ta nọ “Iruemu-Aghae Jihova.”)