Kọ Whọ Kareghẹhọ?

Kọ whọ reawere ese Uwou-Eroro nọ i kpozi kẹle na? Dai rri sọ whọ sae kẹ iyo enọ nọ e rrọ obotọ na:

• Fikieme o jẹ roja re ma kru ẹgbakiete mai?

Ẹgbakiete nọ ma re kru u re fi obọ họ kẹ omai jọ abọ esuo Jihova fikinọ ma you rie, ma vẹ jẹ rehọ ere dhesẹ Setan fihọ ọtọrue. Ẹgbakiete mai Ọghẹnẹ o ti ro bruoziẹ mai, fikiere re ma sai wo ẹruore, ma re kru ẹgbakiete mai.—12/15, ẹwẹ-obe avọ 4-6.

• Eme họ edẹ-ova jọ nọ i dhesẹ obọdẹ ọkwa Jesu evaọ erugba ẹjiroro Ọghẹnẹ?

Ọmọvo Ọghẹnẹ. Ẹme na. Ọnọ a se Ami. Obruthe ọvọ ọkpokpọ na. Ozerẹ Okpehru na. Ubi nọ a ruẹaro riẹ na.—12/15, ẹwẹ-obe avọ 15.

• Ẹvẹ ma rẹ sai ro wo evawere ziezi no iruo usiuwoma ota na ze?

Ma rẹ sae ruẹrẹ oma kpahe, tẹrovi epanọ ma rẹ sai ro fi obọ họ kẹ amọfa. Ma rẹ ta usiuwoma na avọ iroro ọ emuhọ iwuhrẹ Ebaibol. Ahwo a gbe bi dhesẹ isiuru hu, ma rẹ sai nwene ona usiuwoma ota mai kiehọ eware nọ e rọ ọdawẹ kẹ enọ e rrọ ẹkwotọ mai.—1/15, ẹwẹ-obe avọ 8-10.

• Ẹvẹ iwuhrẹ Ebaibol i re kpomahọ oghẹrẹ nọ Oleleikristi o re ru uwhori?

Dede nọ Oleleikristi o re weri ohwo nọ o whu, ọ riẹ inọ iwhuowhu e riẹ onahona ha. Enọ e rrọ ukoko na ha a tẹ be make ta ẹme kẹe, ọ rẹ whaha uruemu kpobi nọ u re dhesẹ inọ enọ i whu no a rẹ sai fi obọ họ kẹ enọ e rrọ uzuazọ hayo nwae oma. Re a siọ eware nọ ma gwọlọ họ ba eru, Ileleikristi jọ a re kere fihotọ epanọ a gwọlọ nnọ a re ro kie ai.—2/15, ẹwẹ-obe avọ 29-31.

• Kọ “obe Jasha” gbe “obe ẹmo ỌNOWO na” yọ ebe Ebaibol nọ i vru no? (Jos. 10:13; Ik. 21:14)

Ijo. O wọhọ nnọ ebe nana yọ ebe anwae nọ Ọghẹnẹ o gie ẹwolo ku hu, nọ enọ i kere Ebaibol a dhunu te.—3/15, ẹwẹ-obe avọ 32.