Ọmọtẹ Ọsese Nọ O Wo Ẹzi Ọghoruo
Ọmọtẹ Ọsese Nọ O Wo Ẹzi Ọghoruo
KẸLE na, ọmọtẹ jọ nọ ọ rrọ ikpe izii evaọ obọ Brazil ọ rehọ udu obọ riẹ ghale igho nọ o je kokohọ kpohọ abava—o fi igho nọ i bu te isiso 13 họ ofẹ jọ, o te fi isiso 18 họ ofẹ ọfa. O te fi isiso 13 na họ etehe unevaze evaọ obọ Ọgwa Uvie. O te vi isiso 18 na kpohọ uwou ogha ọrọ Isẹri Jihova, avọ ileta nọ o kere lele iei. O kere fihọ ileta na nọ: “Mẹ gwọlọ zọhọ ugho nana rọ kẹ iruo akpọ-soso na. Mẹ gwọlọ fi obọ họ kẹ inievo buobu nọ e rrọ akpọ na kpobi re a ta usiuwoma. Mẹ be zọhọ ugho nana fiki uyoyou mẹ kẹ Jihova.”
Ọsẹgboni ọmọtẹ nana a wuhrẹ i rie inọ u wuzou gaga re o wo obọ evaọ iruo usiuwoma ota na. A te je wuhrẹ iẹe inọ o roja re ọ ‘rehọ eyero riẹ kẹ ỌNOWO na adhẹẹ.’ (Itẹ 3:9) Wọhọ ọmọtẹ yena, jọ mai kpobi ma wo obọ ziezi evaọ ẹwhaharo iruo Uvie na, evaọ oria mai gbe evaọ akpọ na soso!