Kọ Whọ Kareghẹhọ?

Kọ whọ reawere ese Uwou-Eroro nọ i kpozi kẹle na? Dai rri sọ whọ sae kẹ iyo enọ nọ e rrọ obotọ na:

• Evaọ edhere vẹ Ọghẹnẹ o re ro ru ohwo fe?

Evaọ oke nọ u kpemu, Jihova ọ rọ efe ekwakwa-iwo ghale ahwo jọ, wọhọ Abraham gbe Solomọn. Rekọ usu efe nọ ọ mae roja kẹ Ileleikristi, onọ Ọghẹnẹ ọ rẹ sai fi obọ họ kẹ ohwo wo họ ẹrọwọ, udhedhẹ, edẹro, gbe evawere.—10/1, ẹwẹ-obe avọ 3-7

• Eme ma rẹ sai wuhrẹ evaọ oghẹrẹ nọ Jesu o ro siwi Pita okenọ o je kiediwi evaọ abade na? (Mat. 14:28-31)

Otẹrọnọ ma muẹrohọ nọ oniọvo jọ ọ kare ẹrọwọ, kọ ma sae riobọ kẹe, evaọ odẹme, re ma fi obọ họ kẹe wo ẹrọwọ ziezi?—9/15, ẹwẹ-obe avọ 8.

• Didi uye Jihova Ọ rọ bẹ Omariẹ re Ma Ruẹse Zọ?

Jihova o thihakọ okenọ a jẹ lahiẹ Ọmọ riẹ gbe okenọ a je sei ẹkoko. Yọ wọhọ epanọ u no Abraham eva ze re ọ rehọ ọmọ riẹ dheidhe na, Jihova o thihakọ okenọ a kpe Ọmọ riẹ wọhọ ogbulegbu.—9/15, ẹwẹ-obe avọ 28-29.

• Eme Itẹ 24:27 o wuhrẹ omai kpahe ‘ebabọ uviuwou’?

Ọzae nọ ọ gwọlọ wo aye ọ rẹ ruẹrẹ oma kpahe ziezi kẹ owha-iruo nana. Onana o gwọlọ inọ ọ rẹ ko uviuwou riẹ o ve je fi obọ họ kẹ ae gọ Ọghẹnẹ.—10/15, ẹwẹ-obe avọ 12.

• Ẹvẹ Jihova avọ Jesu A rọ Rrọ Iriruo Uruemu Ezi kẹ Omai?

Dede nọ Jihova họ Osu ehrugbakpọ na, ọ be rọ ẹwo gbe adhẹẹ yerikugbe ahwo-akpọ. Nọ ọ jẹ ta ẹme kẹ Abraham gbe Mosis, ọ rehọ ẹme Hibru nọ otofa riẹ o rrọ “iviena” ba ẹme riẹ ta. Ọghẹnẹ ọ rẹ jẹ gaviezọ kẹ ahwo-akpọ. Jesu o ru epọvo na, u no rie eva ze re o fi obọ họ kẹ amọfa, yọ ọ jẹ hae rọ edẹ ahwo ro se ai.—11/15, ẹwẹ-obe avọ 25.