Kọ Whọ Kareghẹhọ?
Kọ Whọ Kareghẹhọ?
Kọ whọ reawere ese Uwou-Eroro nọ i kpozi kẹle na? Dai rri sọ whọ sae kẹ iyo enọ nọ e rrọ obotọ na:
• Ukọ-odhiwu vẹ Ọghẹnẹ o vi karo kẹ emọ Izrẹl okenọ a je no igbo Ijipti kpo? (Ọny. 23:20, 21)
O rẹ sai mu omai ẹro inọ ukọ-odhiwu nọ ‘odẹ Jihova o rrọ uzou na’ họ Ọmọ otuyẹ Ọghẹnẹ, ọnọ a se Jesu evaọ uwhremu na.—9/15, ẹwẹ-obe avọ 21.
• Rọ kpahe egagọ uzẹme, inoma vẹ Ọghẹnẹ ọ rẹ jẹrehọ họ?
‘O rrọ bẹbẹ. O be ruọ omẹ hẹ. Me wo uvẹ hẹ. Me te kẹ iruo na ha. Ohwo jọ o ru eva dha omẹ.’ Inoma yena e rrọ eware nọ e rẹ whaha ohwo eruo oware nọ Ọghẹnẹ ọ ta nọ ma ru hu.—10/15, ẹwẹ-obe avọ 12-15.
• Idhere jọ vẹ whọ sai ro ru re iwuhrẹ Ileleikristi mai e jọ ọbọga kẹ oma ra gbe amọfa?
Ruẹrẹ oma kpahe. Hai kpohọ iwuhrẹ ẹsikpobi. Hai kpohọ iwuhrẹ ẹruoke. Wha ebe kpobi nọ a ti ro ru iwuhrẹ na lele oma. Whaha eware nọ e rẹ kpọ iroro ra. Hai w’obọ. Jọ iyo ra e jọ kpẹkpẹe. Ru ẹme nọ a kẹ owhẹ. Jiri enọ i w’obọ kpobi evaọ iwuhrẹ na. Yere ahwo.—10/15, ẹwẹ-obe avọ 22.
• Eme ma rẹ sai wuhrẹ no ekie nọ Erọn o kie kẹ otunyẹ ọhwa ze?
Okejọ nọ Mosis ọ jariẹ hẹ, emọ Izrẹl a kpokpo Erọn re ọ ma ẹmema kẹ ae. Erọn o te gine ru ere. Onana u dhesẹ inọ otunyẹ ọhwa orọnikọ izoge na ọvo u kiekpahe he. O rẹ sai kpomahọ makọ enọ e kpako no nọ e gwọlọ ru oware uwoma. O gwọlọ nọ ma rẹ whaha ekpehre otunyẹ ọhwa.—11/15, ẹwẹ-obe avọ 8.