Kọ Whọ Kareghẹhọ?
Kọ Whọ Kareghẹhọ?
Kọ whọ reawere ese Uwou-Eroro nọ i kpozi kẹle na? Dai rri sọ whọ sae kẹ iyo enọ nọ e rrọ obotọ na:
• Eware esa vẹ e rẹ sai fi obọ họ k’omai whaha uruemu ewhariọ?
Eware esa na họ: (1) Wo uvi ozodhẹ kẹ Ọghẹnẹ. (1 Pita 3:12) (2) Wo emamọ obruoziẹ-iroro. (3) Daoma wo edẹro.—4/15, ẹwẹ-obe avọ 6-7.
• Ẹvẹ ma rọ riẹ inọ re ma se egagọ mai gboja orọnikọ u dhesẹ nọ ma re mu ovao họ ẹsikpobi hayo whaha omaweromẹ hẹ?
Joma ta kpahe oriruo Jesu. O je wo oke nọ o re ro lele amọfa re emu. Ma riẹ nọ Jesu o je mu ovao họ họ. Amọfa, makọ emaha na dede, a jẹ roma wholo iei.—4/15, ẹwẹ-obe avọ 10.
• Eme imava-orọo a rẹ sai ru nọ o tẹ wọhọ nọ usu rai imava u bi whrehe nọ a yẹ emọ no?
O gwọlọ nọ a re dhesẹ kẹ ohwohwo ẹsikpobi inọ a gbe you ohwohwo. Ọzae ọ rẹ sae daoma kpe avro kpobi nọ ọ rẹ sae jọ udu aye riẹ no kpahe uyoyou nọ ọyomariẹ o wo kẹe. Yọ o gwọlọ nọ aimava a rẹ daoma ta ẹme kugbe ẹsikpobi kpahe ọdawẹ gbe ẹgwọlọ rai.—7/1, ẹwẹ-obe avọ 29-30.
• Eme a rọ ure olivi nọ a fodẹ evaọ obe Ahwo Rom uzou avọ 11 na dhesẹ?
Ure olivi na u dikihẹ kẹ abọ avivẹ ọrọ ubi Abraham na, koyehọ Izrẹl abọ-ẹzi. Jihova họ awọ ure olivi ẹwoho na yọ Jesu họ ete riẹ. Nọ ahwo Ju buobu a siọ Jesu, a tẹ rehọ ahwo nọ i kurẹriẹ no orẹwho Egedhọ ze rọ zuẹ ure na re unu abọ avivẹ ọrọ ubi Abraham na o sae gba.—5/15, ẹwẹ-obe avọ 22-25.
• Obọdẹ emamọ usi vẹ ma rẹ sai whowho kẹ iyogbere?
Emamọ usi na họ: Ọghẹnẹ ọ rọ Jesu mu no wọhọ Ovie. Ọye họ Osu nọ o te nọ o ti si uvuhu n’otọ. Fikieme? Fikinọ o ti su ahwo-akpọ kpobi yọ o wo ogaga nọ o re ro ru oware nọ ọ gwọlọ ru; ọ rẹ re-ohrọ iyogbere yọ ọ rẹ sai si oware nọ o be wha uvuhu ze n’otọ, ẹzi oriobọ nọ mai ahwo-akpọ ma reuku riẹ na.—7/1, ẹwẹ-obe avọ 7.
• Kọ emọ nọ Jesu ọ hai yẹ a hae jọ abọjọ ẹtanigbo na?
Ijo. Dede nọ Jesu ọ hai yẹ emọ egbagba nọ i bu te ima-idu buobu, a hae jọ abọjọ ẹtanigbo na ha. Uzuazọ ogbagba Jesu ọvo o rrọ ẹrẹrẹe kugbe orọ Adamu. (1 Tim. 2:6)—6/15, ẹwẹ-obe avọ 13.
• Ẹvẹ Ileleikristi a rẹ sai ro dhesẹ nọ a bi ru lele unuovẹvẹ nọ o rrọ Iruẹru Ikọ Na 20:29, 30 kpahe enọ i bi wuhrẹ iwuhrẹ erue?
A rẹ kuvẹ re a ruọ uwou rai hi yọ a re yere ai hi. (Rom 16:17; 2 Jọn 9-11) A re se ebe nọ a kere he, a rẹ gaviezọ kẹ ae evaọ etẹlivisiọno ho, yọ a re rovie kpohọ evie evuẹ rai evaọ Itanẹte gbe he.—7/15, ẹwẹ-obe avọ 15-16.
