Kọ Whọ Kareghẹhọ?

Kọ whọ romatotọ se Uwou-Eroro nọ i kpozi kẹle na? Dai rri sọ whọ sae kẹ iyo enọ nọ e rrọ obotọ na:

Kọ eto Samsin ogaga riẹ u je no ze?

Orọnikọ eto Samsin ogaga riẹ u je no ze he. Eto na i dikihẹ kẹ obọdẹ usu nọ Samsin o wo kugbe Jihova, ọ jọ Nazarat. Obọdẹ usu nọ o wo kugbe Ọghẹnẹ na o raha nọ Dilala o bru eto riẹ.—4/15, ẹwẹ-obe avọ 9.

Wọhọ epanọ udu o gwọlọ ẹruorote na, eware esa vẹ e rẹ thọ udu mai evaọ usu mai kugbe Ọghẹnẹ?

(1) Emuore. Re ẹyao ọ siọ udu mai ba ekie, ma rẹ re emamọ emu. Epọvo na re, ma rẹ rọ ẹme Ọghẹnẹ ko omamai ziezi. (2) Oma uru-jaja. Nọ ma tẹ be rọ ajọwha ta usiuwoma na, u re ru nọ udu mai o rẹ rọ jọ jajaja evaọ egagọ Ọghẹnẹ. (3) Okegbe. Ma rẹ sae whaha ebẹbẹ buobu nọ ma tẹ be hai kuomagbe ibe eg’Ọghẹnẹ mai, enọ i wo ọdawẹ kẹ omai.—4/15, ẹwẹ-obe avọ 16.

Nọ ọrivẹ-orọo jọ o te bru-ẹnwae, ẹvẹ aimava na a sae rọ wariẹ fievahọ ohwohwo?

U fo re (1) a ta uzẹme kẹ ohwohwo; (2) a wo iroro evo; (3) a siobọno iruemu anwae; gbe re (4) a riẹ oke nọ a sae rọ vrẹ no eva ze, re ẹbẹbẹ na o sai kuhọ.—7/1, ẹwẹ-obe avọ 18-21.

Nọ oniọvo o te bi ru ẹme uwhori, fikieme u gbe ro fo ho re ọ ta nọ eme nọ e rrọ obe Olezi 116:15 na i kie kpahe oniọvo nọ o whu na?

Oria ikere na o ta nọ: “Uwhu erezi na o rọ ghaghae eva aro ỌNOWO” na. Onana u dhesẹ nọ Ọghẹnẹ o rri idibo riẹ kpobi ghare te epanọ ọ gbẹ rọ kuvẹ re aikpobi a whu hu. Ọ te kuvẹ hẹ re idibo riẹ kpobi i whu no akpọ na no.—5/15, ẹwẹ-obe avọ 22.

Amono a je se egbaẹmo-aro?

Taure ukpe 1931 u te ti te, egbaẹmo-aro a je se ahwo nọ a bi se ekobaro oke-kpobi enẹna.—5/15, ẹwẹ-obe avọ 31.

Amono họ “ivie na kpobi” nọ a fodẹ evaọ obe Daniẹl 2:44 na?

Eruẹaruẹ yena e ta kpahe ivie hayo egọmeti nọ a rehọ abọ sa-sa ẹmema nọ Daniẹl ọ fotọ riẹ na dhesẹ.—6/15, ẹwẹ-obe avọ 17.

Oke vẹ esuo Britain gbe America u ro zihe ruọ ogaga-esuo avọ ihrẹ orọ eruẹaruẹ Ebaibol?

Ogaga-esuo nana u muhọ evaọ okenọ Britain avọ America a mu usu okpekpe nọ a jẹ họre ewegrẹ rai evaọ etoke Ẹmo Akpọ I.—6/15, ẹwẹ-obe avọ 19.