UWOU-ERORO NA—UVITHA UWUHRẸ Ava 2014
Uvitha nana o ta kpahe eware isiuru jọ nọ e rrọ obe Olezi avọ 45. U ti je fi obọ họ kẹ omai wo ovuhumuo kẹ Jihova nọ ọ rrọ Ọkokẹ, Osiwi gbe Ogbẹnyusu ezi mai.
Wha Jiri Kristi—Ovie nọ O Wo Oruaro Na.
Otofa vẹ eme nọ e rrọ Olezi avọ 45 i wo kẹ omai nẹnẹ?
Ghọghọ Fiki Orọo Omogodẹ Na
Ono họ ọmọtibobo Ọva na? Ẹvẹ Ọva na Jesu Kristi ọ be rọ ruẹrẹ iẹe kpahe kẹ ehaa orọo na anwẹdẹ? Amono a ti kuomagbe ikọ-odhiwu gbe ikpodhiwu na ghọghọ fiki orọo Omogodẹ na?
Ayeuku obọ Zarẹfat O Wo Oghale Fiki Ẹrọwọ Riẹ
Ọmọ ayeuku nọ a kpare no uwhu ze na yọ oware jọ nọ o bọ ẹrọwọ riẹ ga. Eme ma rẹ sai wuhrẹ mi iei?
Jihova—Ọkokẹ gbe Osiwi Mai
Riẹ nọ Jihova Ọghẹnẹ họ Ọsẹ obọ odhiwu mai. Wuhrẹ kpahe epanọ whọ sai ro ru usu ra ga kugbe Ọghẹnẹ nọ ọ rrọ Ọkokẹ Ologbo gbe Osiwi mai na.
Jihova—Ogbẹnyusu Ezi Mai
Roro kpahe oriruo Abraham avọ Gidiọn nọ e jọ egbẹnyusu ekpekpe Jihova Ọghẹnẹ. Eme o gwọlọ nọ ma re ru re ma sae jọ egbẹnyusu Jihova?
Enọ Ahwo nọ A s’Ebe
Eme ọ soriẹ nọ ahwo Ju ikpe-udhusoi ọsosuọ a je ro “re ẹro” Mesaya na?
‘Riwi Erru ỌNOWO Na’
Devidi nọ ọ jọ ovie Izrẹl oke anwae o wo evawere kpahe eruẹrẹfihotọ nọ Ọghẹnẹ o ru kẹ egagọ uzẹme. Kọ ẹvẹ ma sai ro wo evawere kpahe egagọ uzẹme nẹnẹ?
IRUẸRU MAI ERỌ OKE NỌ U KPEMU
Oware nọ O Bọ Ẹrọwọ Ahwo Ga nọ U Kri te Ikpe 100 No
Enukpe nana o gba ikpe udhusoi (100) nọ a ro dhesẹ ifimu ọ “Photo-Drama of Creation” na evaọ orọ ọsosuọ riẹ, o jọ ifimu nọ a ru re ahwo a ruẹsi fi ẹrọwọ họ Ẹme Ọghẹnẹ, Ebaibol na.
