UWOU-ERORO NA—UVITHA UWUHRẸ Azie 2014
Izoẹme nọ a ti wuhrẹ no Akpe 27 rite Akpegbọvo 30, 2014 e rrọ uvitha nana.
Kọ Whọ be “Guọlọ” Uvẹ-Iruo Ọsẹro?
Ẹvẹ whọ sai ro ru ere evaọ edhere nọ o fo?
Kọ U Gine Mu Owhẹ Ẹro nọ Egagọ Uzẹme Whọ Rrọ Na? Fikieme?
Ma te jọ uzoẹme nana ta kpahe oware nọ ahwo buobu a rọ rọwo nọ ukoko Isẹri Jihova họ egagọ uzẹme. Ma te jẹ ta kpahe oware nọ Isẹri Jihova omarai a rọ rọwo nọ a rrọ egagọ uzẹme.
Ruabọhọ Egagọ Ọghẹnẹ Ghelọ “Ikpokpoma Buobu”
Ohwo kpobi ọ be rẹriẹ ovao dhe ikpokpoma fikinọ ma be rria akpọ Setan. Onaa sa-sa jọ vẹ Setan ọ be rọ wọso omai? Ẹvẹ ma sae rọ ruẹrẹ oma kpahe kẹ ọwọsuọ riẹ?
Esẹgbini—Wha Rẹrote Emọ Rai
Esẹgbini a wo owha-iruo nọ a re ro ru emọ rai “yo ẹme je wuhrẹ ai orọ Ọnowo na.” (Ahwo Ẹfẹsọs 6:4) Uzoẹme nana o ta kpahe idhere esa nọ esẹgbini a sae rọ sẹro emọ rai je fiobọhọ kẹ ai wo uyoyou kẹ Jihova.
Enọ Ahwo nọ A s’Ebe
Kọ oware nọ Ebaibol ọ ta evaọ Olezi 37:25 gbe Matiu 6:33 na u dhesẹ nọ Jihova ọ rẹ kuvẹ re emu ọ kare Oleleikristi vievie he?
A te Raha Uwhu, Ọwegrẹ Urere Na
Eware nọ e rẹ wha uwhu ze gbe uwhu omariẹ e be wha uye-oruẹ ze. Fikieme ahwo a je bi whu? Ẹvẹ a te rọ raha ‘ọwegrẹ urere na, uwhu’? (1 Ahwo Kọrint 15:26) Se epanọ iyo enọ yena i ro dhesẹ uvi-ẹdhoguo Jihova, areghẹ riẹ, maero kọ uyoyou riẹ via.
Kareghẹhọ Otu nọ Ọ Rrọ Iruo Odibọgba Oke-Kpobi
Isẹri Jihova buobu a be daoma gaga evaọ iruo odibọgba oke-kpobi. Eme ma rẹ sai ru rọ kareghẹhọ “iruo orọwọ” gbe “iruo uyoyou” rai?—1 Ahwo Tẹsalonika 1:2, 3.
