UWOU-ERORO NA—UVITHA UWUHRẸ Ava 2015
Izoẹme nọ a ti wuhrẹ no Ane 6 rite Asoi 3, 2015 e rrọ uvitha nana.
Obọdẹ Okẹ jọ nọ A Ruẹrẹhọ Kẹ Japan
A jọ Japan siobọno obe okpokpọ nọ uzoẹme riẹ o ta nọ, Ebaibol na
Rọ Aro Kele Omaurokpotọ gbe Uwowou Jesu
1 Pita 2:21 o hrẹ omai nọ ma lele ithihi Jesu kpekpekpe. Dede nọ ma gba ha, ẹvẹ ma sae rọ rehọ aro kele omaurokpotọ gbe uwowou Jesu?
Rọ Aro Kele Udu gbe Orimuo nọ Jesu O Wo
Ikuigbe Jesu nọ e rrọ Ebaibol na i re fiobọhọ kẹ omai riẹ oghẹrẹ ohwo nọ Jesu ọ jọ. Se kpahe epanọ ma sai ro wo udu gbe orimuo wọhọ Jesu jẹ rọ ere lele ithihi riẹ kpekpekpe.
Gbe Wo Ajọwha kẹ Usiuwoma Ota Na
Ma riẹ nọ iruo usiuwoma ota nọ ma bi ru na họ iruo nọ e mai wuzou nẹnẹ. Ẹvẹ ma sae rọ ruabọhọ iruo usiuwoma ota na avọ ajọwha?
A Ruẹrẹ Erẹwho na Họ re A Sai “Wuhrẹ Kpahe Jihova”
Ẹvẹ Ileleikristi ọsosuọ a ru iruo usiuwoma ota na te? Eme o rẹ sae jọnọ u ru iruo usiuwoma ota na lọhọ evaọ ikpe-udhusoi ọsosuọ vi oghẹrẹ nọ o hae te jọ evaọ oke ofa jọ kpobi?
Jihova Ọ be Kpọ Iruo Usiuwoma Ota Akpọ-Soso Mai Na
Eware vẹ jọ a ru no evaọ oke mai na nọ i fiobọhọ kẹ idibo Jihova ta usiuwoma Uvie na ziezi no evaọ akpọ-soso?
Enọ Ahwo nọ A s’Ebe
Eme ma rẹ sai ru ro fiobọhọ kẹ ibe Ileleikristi mai nọ ore isialẹ o rẹ kẹ uye? Oke vẹ o rọ gwọlọ nọ oniọvo-ọmọtẹ ọ rẹ fare uzou?
IRUẸRU MAI ERỌ OKE NỌ U KPEMU
“Etoke Obọdẹ”
Zion’s Watch Tower u se oke Ekareghẹhọ uwhu Kristi na “etoke obọdẹ,” o tẹ jẹ tuduhọ ahwo nọ a bi sei awọ inọ a hai ru Ekareghẹhọ na. Ẹvẹ a jẹ hai ru Ekareghẹhọ na evaọ okenọ u kpemu?
