UWOU-ERORO NA—UVITHA UWUHRẸ Akpe 2015
Izoẹme nọ a ti wuhrẹ no Akpegbọvo 30 rite Akpegbivẹ 27, 2015 e rrọ uvitha nana.
“Wha Hai Rri Inievo Itieye na Ghaghae”
Amono họ ifiobọhọ rọkẹ egbẹgwae Utu Ẹruorote na? Eme ifiobọhọ na a re ru?
Kọ Whọ be Ruẹ Obọ Ọghẹnẹ Evaọ Uzuazọ Ra?
Eme u dhesẹ nọ Ebaibol na ọ tẹ fodẹ “obọ” Ọghẹnẹ?
“Tua Ẹrọwọ Mai”
Kọ ma sae rọ ẹgba obọmai wo ẹrọwọ?
IKU UZUAZỌ AHWO
Ọ Vioja Iroro nọ Ọ Jẹ Evaọ Oke Uzoge Riẹ Vievie He
Nikolai Dubovinsky, nọ ọ gọ Jihova avọ ẹrọwọ evaọ okenọ a fi awhaha họ iruẹru Isẹri Jihova evaọ Soviet Union o je ru iruo nọ e ga vi ẹbẹbẹ uwou-odi.
Gọ Jihova Ababọ Eware Efa nọ E rẹ Rehọ Iroro Ra
Enwenọ ikpe 60 nọ i kpemu, emagazini Uwou-Eroro Na o ta kpahe oware jọ nọ u bi rugba enẹna.
Hai Roro Didi Kpahe Eware nọ I re Ru Usu Ra Kugbe Ọghẹnẹ Ga
Whọ tẹ rrọ uyero jọ nọ whọ jọ wo Ebaibol ho, kọ whọ sai gbe wo erere no iwuhrẹ Ọghẹnẹ ze?
IKU UZUAZỌ AHWO
U Woma Kẹ Omẹ Inọ Me Sikẹle Ọghẹnẹ
Okenọ Sarah Maiga ọ kpako te ikpe izii no, ọ gbẹ rro vi ere he, rekọ onana o whaha e riẹ hẹ nọ o gbe ro wo ẹnyaharo ho evaọ egagọ Ọghẹnẹ.
‘Ohwo Ogheghẹ Ọ rẹ Rọwo Oware Kpobi’
Ẹvẹ whọ sai ro vuhu evuẹ nọ e rrọ erọ eviẹhọ, erọ atanọ atanọ, erọ iwhayo, gbe evuẹ erue efa nọ amọfa a vi se owhẹ?
