Kọ Bovẹ Ọghẹnẹ Ọ Rrọ?

KPORO

Kọ Bovẹ Ọghẹnẹ Ọ Rrọ?

Evaọ ohiohiẹ September 11, 2001, nọ oke o jọ 8:46 a.m., arupre jọ avọ ahwo nọ ọ wọ o te du uzou ruọ egediege ofẹ ẹkpẹlobọ ọrọ World Trade Center (Oria Eki Akpọ-Soso) evaọ New York City—onana o jọ emuhọ ọrọ ozighi otu ọkparesuọ nọ a maa te ziezi. Evaọ oware wọhọ euwa ivẹ nọ i lele i rie, ahwo nọ a whu a bu te idu esa (3,000).

December 26, 2004

Otọ-unuho ulogbo jọ nọ o romavia evaọ Abade India o wha ẹkporo ologbo ze nọ o wha ọraha ze evaọ erẹwho 11, te erẹwho Africa jọ—makọ enọ e rọ emaele idu esa (3,000) thabọ no ugogo oria nọ otọ-unuho na o jọ via. Evaọ ẹdẹ ọvo, ahwo nọ a whu gbe enọ a ruẹ viere he i bu te idu udhuhrẹ gbikpe (150,000), yọ ahwo nọ iwou rai e raha a bu vi ima ọvo.

Evaọ August 1, 2009, ọzae ikpe udhuvẹ gbivẹ jọ avọ ọmọzae ikpe isoi riẹ nọ a jọ ehru okọ-arozaha okpakpala nọ o rẹ wọ ohwo dhẹ evaọ ame, a te duruọ akwa ire nọ ekọ e rẹ kpahe. Ọsẹ na o te whu. Okiokiọ riẹ, ọmọ na o te whu re. Ọmọ oniọvo ọzae na jọ nọ uweri o doma fia ọ ta nọ: “Ma je rẹro nọ oware igbunu jọ o te via, inọ ọmọ na ọ te zọ.”

Nọ who te se kpahe ozighi ọkparesuọ hayo eware okpẹtu nọ a rọ obọ so ho, hayo nọ oware uyoma jọ o tẹ via kẹ owhẹ, kọ whọ rẹ nọ sọ Ọghẹnẹ ọ be ruẹ oware nọ o be via na? Kọ o rẹ jọ owhẹ oma inọ Ọghẹnẹ ọ kpairoro vrẹ omai ahwo-akpọ no? Wọhọ epanọ ma te ruẹ na, Ebaibol na e kẹ uyo nọ o rẹ kẹ omosasọ.

[Enọ i wo iwoho nọ o rrọ ẹwẹ-obe avọ 3]

PRAKASH SINGH/AFP/Getty Images

UWOU-ERORO NA