Rọkẹ Izoge Na

Epanọ A re ro Mugba kẹ Odawọ

JOSẸF​—ABỌ ỌSOSUỌ

Epanọ who re ro ru ei: Jọ oria nọ o fọ oma ru onana. Nọ who bi se ikere na, rehọ iẹe nọ whọ rrọ usu ahwo nọ who bi se kpahe na. Jọ iroro ra ruẹ eware nọ e via na. Rehọ iẹe nọ who bi yo urru ahwo na. Jọ iroro ra ruẹ epanọ oma o jọ ahwo na.

Ahwo nọ e viodẹ evaọ ikuigbe na: Josẹf, aye Pọtifa

Orukpẹre ikuigbe na: Josẹf o mugba kẹ odawọ okenọ aye Pọtifa ọ gwọlọ nọ o re lele iei wezẹ.

1 MUẸROHỌ JẸ KIẸ EWARE NỌ E VIA NA RIWI ZIEZI.—SE EMUHỌ 39:1-12.

Dhesẹ epanọ uwou Pọtifa o rro je woma te, wọhọ epanọ who roro nọ o rẹ jọ.

․․․․․

Ẹvẹ who roro nọ Josẹf ọ jọ evaọ oma? (Re u fi obọ họ kẹ owhẹ: Wariẹ se owọ avọ 6.)

․․․․․

Eme who roro nọ u je dhesẹ oma via evaọ uvou Josẹf nọ ọ jẹ ta ẹme kẹ aye Pọtifa evaọ owọ avọ 8 gbe 9 na?

․․․․․

2 GBẸ KIẸ HARO.

Eme o wọhọ nọ o hẹ sai ru ei jọ lọlọhọ kẹ Josẹf re o gbabọkẹ utee ẹfuọ-uruemu riẹ? (Re u fi obọ họ kẹ owhẹ: Se Ahwo Filipai 2:12, je roro kpahe uyero Josẹf. Wọhọ oriruo, diẹse ahwo uviuwou Josẹf gbe amọfa nọ a gbẹ jẹ gọ Jihova a jọ oke yena?)

․․․․․

Eme who roro nọ o lẹliẹ Josẹf wo eriwo na inọ ẹnwae-obro o wọso uzi Ọghẹnẹ kpakiyọ oke yena uzi Ọghẹnẹ nọ o ta nọ ẹnwae-obro ọ thọ o jariẹ hẹ? (Re u fi obọ họ kẹ owhẹ: Se je roro kpahe ikereakere nana: Emuhọ 2:24; 12:17, 18; Ahwo Rom 2:14, 15; gbe Ahwo Hibru 5:14.)

․․․․․

  3 FI EWARE NỌ WHO WUHRẸ HỌ IRUO. KERE EWARE NỌ WHO WUHRẸ HỌ OTỌ KPAHE  . . .

Oghẹrẹ nọ oma-oriẹsuo gbe adhẹẹ nọ ọ rẹ jọ ohwo oma e rọ jẹhọ ohwohwo.

․․․․․

Irere nọ i re te ahwo nọ a be yọrọ utee Ọghẹnẹ orọ ẹfuọ-uruemu.

․․․․․

Oware nọ u ro fo re who wuhrẹ omara epanọ whọ sae rọ “hẹriẹ uwoma no uyoma.” (Ahwo Hibru 5:14)

․․․․․

IDHERE EFA NỌ WHỌ SAI RO FI EI HỌ IRUO.

Abọfa vẹ evaọ uzuazọ o rẹ sae jọ gwọlọ nọ who ru ọtamuo ra ga viere evaọ ẹdadamu kẹ odawọ ọfariẹ-ogbe? (Re u fi obọ họ kẹ owhẹ: Se re who je roro kpahe eme nọ e rrọ Job 31:1; Olezi 119:37; Ahwo Ẹfẹsọs 5:3, 4.)

․․․․․

4 ABỌ IKUIGBE NANA VẸ Ọ MAI DUOBỌTE OWHẸ UDU, KỌ FIKIEME?

․․․․․

Gbe wuhrẹ kpahe ebailbol na evaọ evie-evuẹ itanẹte mai, www.watchtower.org HAYO www.pr418.com