Oghẹrẹ Vẹ Who Roro Nọ Jesu Ọ Rrọ?

Kọ o rẹ ziọ owhẹ iroro ẹsejọ inọ enẹna Jesu ọ wọhọ ọmọ unuevie, ohwo nọ o bi whu, manikọ Ovie nọ o bi su?

Ebaibol o dhesẹ nọ obọnana Jesu yọ Ovie nọ o bi su. Kọ erere vẹ onana u wo kẹ owhẹ?

Ahwo buobu a rọwo inọ Jesu o whu fiki rai. Kọ ẹvẹ uwhu nọ omọvo o whu enwenọ ikpe idu ivẹ (2,000) nọ i kpemu o sae rọ kẹ amọfa uzuazọ nẹnẹ?

Ma zizie owhẹ re whọ nyaze te gaviezọ kẹ iyo enọ nana nọ a te kẹ no Ebaibol ze na. A te kẹ iyo enọ nana nọ Isẹri Jihova a ti kokohọ re a ru Ekareghẹhọ uwhu Jesu. Evaọ ukpe nana, Ekareghẹhọ na o kie fihọ Edene-Oka, April 5, nọ ọre o te kiediwi no.

Iviena, nọ Isẹri Jihova nọ e rrọ okegbe ra re a vuẹ owhẹ uzedhe oke gbe oria nọ a ti jo ru ei.

Nọ a te ru Ekareghẹhọ uwhu Jesu na no, urere-oka nọ u lele i rie, Isẹri Jihova a te kẹ ovuẹ ogbotu obọdẹ jọ nọ a rehọ no Ebaibol ze, nọ uzoẹme riẹ o ta nọ “Kọ Urere Na U Lehie Vi Epanọ Who Rẹro Riẹ No?” A te jọ ovuẹ nana ta kpahe oma nọ Isẹri Jihova a be dawo evaọ akpọ na soso re a sae rọ Ẹme Ọghẹnẹ wuhrẹ ahwo kpobi nọ i you uzẹme je wo isiuru inọ a re wuhrẹ kpahe Jesu. Ma zizie owhẹ nọ nyaze te gaviezọ.