“Sẹro Udu Ra”
“Sẹro Udu Ra”
Okokohọ Ubrotọ Ọrọ Isẹri Jihova
UZOẸME EDISOI-OKA
‘ỌNOWO na Ọ rẹ Ruẹ Obọ Eva’—1 SAMUẸLE 16:7.
UZOẸME ẸDẸ-ỌMAHA
“Eme Ibuobu nọ Erọ Eva na Unu A rẹ rọ Tae Via”—MATIU 12:34.
UZOẸME ẸDOKA
‘Rehọ Eva Ra Kpobi Gọ Jihova’—1 IRUẸRU-IVIE 28:9.
A jọ Ebaibol na fodẹ udu hayo eva bu te enwenọ isia odu ọvo. Evaọ ẹsibuobu, orọnikọ udu ohwo-akpọ gheghe Ebaibol ọ ta kpahe he, rekọ udu ẹwoho na. Kọ eme họ udu ẹwoho na? U dhesẹ oghẹrẹ ohwo nọ ma rrọ evaọ obeva, koyehọ oware nọ ma bi roro hayo oware nọ u bi si omai urru.
Fikieme u ro fo nọ ma sẹro udu mai? Ọghẹnẹ ọ kẹ Solomọn ovie na otoriẹ ro kere nọ: ‘Sẹro udu ra vi oware ofa kpobi, keme etẹe eyeri uzuazọ o bi no tha.’ (Itẹ 4:23) Oghẹrẹ nọ udu mai o rrọ, oye u re dhesẹ sọ ma bi yeri emamọ uzuazọ enẹna hayo sọ ma ti wo uzuazọ evaọ akpọ ọkpokpọ nọ ọ be tha na. Fikieme o rọ rrọ ere? Keme Ọghẹnẹ ọ be ruẹ udu mai lafi. (1 Samuẹle 16:7) Oghẹrẹ ohwo nọ ma rrọ evaọ obeva, koyehọ “ohwo odidi obọ eva” na, u re dhesẹ oghẹrẹ nọ ma rrọ evaọ aro Ọghẹnẹ.—1 Pita 3:4.
Kọ ẹvẹ ma sae rọ sẹro udu mai? A te kẹ uyo onọ nana vevẹ evaọ okokohọ ubrotọ nọ Isẹri Jihova a ti ru evaọ akpọ na soso, onọ u ti muhọ evaọ May 2012. Ma zizie owhẹ nọ daoma re whọ jariẹ evaọ edẹ-esa nọ a ti ro ru okokohọ na. * Eware nọ who ti wuhrẹ i ti fi obọ họ kẹ owhẹ yeri uzuazọ nọ o rẹ lẹliẹ eva were Jihova Ọghẹnẹ.—Itẹ 27:11.
[Oruvẹ-obotọ]
^ edhe-ẹme 11 Re whọ sae riẹ oria okokohọ mai nọ o kẹle owhẹ, iviena kpohọ evie-evuẹ Itanẹte mai na www.pr418.com. Whọ sae jẹ ta kẹ Isẹri Jihova nọ e rrọ okegbe nọ whọ be rria, hayo whọ sai kere se enọ i kere emagazini nana.
[Ọnọ o wo uwoho nọ o rrọ ẹwẹ-obe avọ 32]
Uwoho nọ o rrọ obọze na: Aus dem Fundus der MÜNCHNER OLYMPIAPARK GMBH, München
