Enọ nọ Ebaibol Ọ kẹ Iyo Rai
Ẹvẹ uzuazọ o te jọ kẹ ahwo-akpọ evaọ obaro?
Ẹvẹ uwhu Jesu u ti ro ru ei lọhọ re ahwo-akpọ a rria kugbe dhedhẹ avọ uyoyou?
Ahwo a bi gine wo ẹnyaharo gaga evaọ ofẹ eware ikuo kẹdẹ kẹdẹ. Kọ a te sai wo ẹnyaharo te epanọ ahwo kpobi a ti ro yerikugbe ohwohwo dhedhẹ avọ uyoyou? Ijo. Uvou-uthei gbe mẹ-ọvo-ọria e da oria kpobi fia nẹnẹ. Rekọ Ọghẹnẹ ọ ya eyaa oware jọ nọ o te wha ewoma se ahwo-akpọ kpobi.—Se 2 Pita 3:13.
Ebaibol na o dhesẹ oghẹrẹ nọ akpọ na soso ọ te jọ evaọ obaro nọ ahwo kpobi a ti ro you ohwohwo. Ahwo a ti wo omofọwẹ, yọ oware ovo u ti ru ozọ mu ahwo ho.—Se Maeka 4:3, 4.
Ẹvẹ a ti ro si uruemu mẹ-ọvo-ọria no ahwo oma?
No emuhọ ze, Ọghẹnẹ ọ ma ahwo-akpọ re a wo uruemu nana ha. Rekọ fiki aghẹmeeyo, Adamu o te ku ẹgbagba fiẹ. Ọye ma reuku uruemu mẹ-ọvo-ọria na mi. Rekọ Ọghẹnẹ ọ te rọ ẹkwoma Jesu ru omai fihọ gbagba.—Se Ahwo Rom 7:21, 24, 25.
Jesu ọ rọ uzuazọ riẹ dhe idhe nọ e rọwokugbe oreva Ọghẹnẹ, onọ u voro uzioraha ọzae ọsosuọ nọ ọ ghẹmeeyo na no otọ. (Ahwo Rom 5:19) Fikiere ẹkwoma Jesu, ahwo a gbe ti wo uruemu mẹ-ọvo-ọria ha evaọ obaro, onọ o be lẹliẹ ahwo ru emuemu.—Se Olezi 37:9-11.
Enana E Sae jẹ Were Owhẹ
UWOU-ERORO NA
Ọghẹnẹ O ti Si Uye-Oruẹ Kpobi No Otọ Kẹle
Ẹvẹ ma sae rọ riẹ nọ Ọghẹnẹ ọ te jowọ kẹle re o si uye-oruẹ gbe okienyẹ kpobi no otọ?
