Enọ nọ Ebaibol Ọ Kẹ Iyo Rai
Kọ ma sae riẹ uzẹme na kpahe Ọghẹnẹ?
Fikieme Ọghẹnẹ ọ rọ gwọlọ nọ ahwo a riẹ uzẹme na? Se Jọn 17:3
Ọghẹnẹ o lele ahwo-akpọ ta ẹme evaọ oke nọ u kpemu. Ọ rehọ ẹzi ọfuafo riẹ fiobọhọ kẹ ahwo-akpọ kere Ẹme riẹ họ otọ, koyehọ Ebaibol na. (2 Pita 1:20, 21) Ma rẹ sae riẹ uzẹme na kpahe Ọghẹnẹ nọ ma te se Ebaibol na.—Se Jọn 17:17; 2 Timoti 3:16.
Ọghẹnẹ ọ jọ Ebaibol na dhesẹ oghẹrẹ ohwo nọ ọ rrọ vevẹ. Ọ vuẹ omai ẹjiroro nọ ọ rọ ma ahwo-akpọ, oware nọ o ti ru kẹ ahwo-akpọ, gbe oghẹrẹ nọ ọ gwọlọ nọ ma yeri uzuazọ. (Iruẹru Ikọ 17:24-27) Jihova ọ ginẹ gwọlọ nọ ma riẹ uzẹme na kpahe ọyomariẹ.—Se 1 Timoti 2:3, 4.
Fikieme Ọghẹnẹ ọ rẹ rọ jẹ ahwo nọ a you uzẹme rehọ?
Jihova họ Ọghẹnẹ uzẹme na, yọ o vi Ọmọ riẹ Jesu ze re o wuhrẹ omai uzẹme na. Fikiere ahwo nọ a you uzẹme na, a rẹ were Jesu. (Jọn 18:37) Oghẹrẹ ahwo otiọye na Ọghẹnẹ ọ gwọlọ nọ a rẹ gọe.—Se Jọn 4:23, 24.
Setan Ẹdhọ na o ru ahwo buobu kiuke ku Ọghẹnẹ no, ẹkwoma iwuhrẹ erue nọ ọ be vaha kpahe Ọghẹnẹ. (2 Ahwo Kọrint 4:3, 4) Ahwo nọ a you uzẹme na ha, ae iwuhrẹ erue nana e rẹ were. (Ahwo Rom 1:25) Ahwo buobu nọ a wo evezi a be riẹ uzẹme na kpahe Ọghẹnẹ ẹkwoma Ebaibol na nọ a bi wuhrẹ.—Se Iruẹru Ikọ 17:11.
Enana E Sae jẹ Were Owhẹ
USI UWHOWHO OBỌDẸ
Fikieme Who re ro Wuhrẹ Ebaibol Na?
Ima ahwo buobu a be jọ Ebaibol na ruẹ iyo enọ nọ i wuzou evaọ uzuazọ. Kọ who gbe ru epọvo na re?
EBAIBOL NA—OVUẸ VẸ O RIẸ EVA?
