OLE AVỌ 139
Ruẹ Omara Evaọ Akpọ Ọkpokpọ Na
-
1. Ruẹ omara, jẹ ruomẹ re;
Ru’omai kpobi ev’akpọ kpokpọ na.
Rri oghọghọ no ma ti wo
Ev’akpọ nọ ufuoma te jọ.
Ahwo yoma te jariẹ hẹ.
Esuo Ọghẹnẹ mai ti re he.
Akpọ na kpobi vẹ te jọ ọkpokpọ,
Ma vẹ te suile ujiro
n’udu mai ze:
(OZAA)
“Jihov’Ọghẹnẹ Ọsẹ who ru hrọ.
Esu’Ọmọ ra rueware woma no.
Ma be r’evawere rọ suole n’udu ze;
Ma r’ọghọ gb’orro gb’ajiri kpobi k’owhẹ.”
-
2. Ruẹ omara, jẹ ruomẹ re;
Ev’akpọ kpokpọ nọ r’obaro tha.
Ohwo kpobi ti w’ufuoma.
Ozọ gb’idudu gbẹ te jọ họ.
O rueyaa riẹ kpobi gba no.
Ọ rẹ te jọ kugbe ahwo riẹ.
Ọ rẹ te kpare iwhuowhu kpobi ze;
A ve lel’omai rọ uyere
k’Ọghẹnẹ:
(OZAA)
“Jihov’Ọghẹnẹ Ọsẹ who ru hrọ.
Esu’Ọmọ ra rueware woma no.
Ma be r’evawere rọ suole n’udu ze;
Ma r’ọghọ gb’orro gb’ajiri kpobi k’owhẹ.”
(Je rri Ol. 37:10, 11; Aiz. 65:17; Jọn 5:28; 2 Pita 3:13.)
