OLE AVỌ 2
Jihova Họ Odẹ Ra
-
1. Ọghẹnẹ nọ mae rro—
Ọnọ m’eware kpobi,
Whọvo họ Erumeru—
Jihova h’odẹ ra.
Idibo ra kpobi
Ev’odhiwu gb’otakpọ
A bi jiri odẹ ra,
A bi whowho ’rro ra.
(OZAA)
Jihova, Jihova,
A rẹ ruobọ ra ha.
Ọfa rrọ họ ev’odhiwu,
Hayo otakpọ na.
Whẹ ọvo họ Erumeru.
J’ahwo riẹ onana.
Jihova, Jihova,
Whọvo h’Ọghẹnẹ nọ ma wo.
-
2. Who re ruomai fihọ
Oghẹrẹ no whọ gwọlọ,
Re ma ru oreva ra—
Jihova h’odẹ ra.
Ọghọ logbo ma wo
Ma be rọ ta kpah’owhẹ.
Ma kigwẹ bi yerowhẹ—
A r’odẹ ra s’omai.
(OZAA)
Jihova, Jihova,
A rẹ ruobọ ra ha.
Ọfa rrọ họ ev’odhiwu,
Hayo otakpọ na.
Whẹ ọvo họ Erumeru.
J’ahwo riẹ onana.
Jihova, Jihova,
Whọvo h’Ọghẹnẹ nọ ma wo.
(Je rri 2 Irv. 6:14; Ol. 72:19; Aiz. 42:8.)
