OLE AVỌ 26
Mẹ Wha Ru Rie Kẹ
-
1. Jesu Kristi o wo igodẹ efa jọ
Nọ i bi fiobọhọ kẹ inievo riẹ.
Ewoma nọ ma ru
kẹ inievo riẹ na,
Ọ reh’e riẹ nọ ọye ma ru rie kẹ.
(OZAA)
“Wha te fiobọhọ kae, mẹ wha fihọ kẹ.
Wha te ruewoma kae, wha ru rie k’omẹ.
Iruo nọ wha ru kae kpobi yọ emẹ.
Wha te ruọghọ kae, mẹ wha ru rie kẹ.
Wha te ruewoma kae, wha ru rie k’omẹ.”
-
2. “N’ohọo u je kp’omẹ, wha k’omẹ emu re.
N’uruame je kp’omẹ, wha kom’ame da.”
A tẹ nọe nọ ‘dẹvẹ ma
rueware nana?’
Ovie na ọ vẹ te za zihe kae nọ:
(OZAA)
“Wha te fiobọhọ kae, mẹ wha fihọ kẹ.
Wha te ruewoma kae, wha ru rie k’omẹ.
Iruo nọ wha ru kae kpobi yọ emẹ.
Wha te ruọghọ kae, mẹ wha ru rie kẹ.
Wha te ruewoma kae, wha ru rie k’omẹ.”
-
3. “Wha bi y’ẹme k’omẹ, be ta usioma na;
Wha bi fiobọhọ rọ kẹ inievo mẹ.”
Ọ te ta k’enọ i
ruiruo riẹ ziezi nọ:
“Wha r’akpọ na reuku, wha reakpọ kuoma.”
(OZAA)
“Wha te fiobọhọ kae, mẹ wha fihọ kẹ.
Wha te ruewoma kae, wha ru rie k’omẹ.
Iruo nọ wha ru kae kpobi yọ emẹ.
Wha te ruọghọ kae, mẹ wha ru rie kẹ.
Wha te ruewoma kae, wha ru rie k’omẹ.”
(Je rri Itẹ 19:17; Mat. 10:40-42; 2 Tim. 1:16, 17.)
