Evaọ ekiakiẹ jọ nọ a ru kẹle na evaọ eria sa-sa akpọ na, a oware wọhọ omọvo evaọ usu imane a rrọ goli.

•   “Ahwo nọ o rẹ jọ bẹbẹ kẹ re a jọ kugbe amọfa a sae jọ ekpako hayo emaha, yọ onana o sae via kẹ ohwo kpobi makọ oria nọ o no ze kẹhẹ.”—Chido Mpemba, nọ ọ rrọ omọvo ohwo-agbara World Health Organization’s Commission on Social Connection.

 Ahwo jọ a re roro nọ ahwo nọ a kpako no gbe ahwo nọ ae ọvo a rrọ, ae oma o rẹ jọ goli. Rekọ ere o rrọ họ. Makọ ahwo nọ a gbẹ maha, te enọ oma rai o ga, enọ i fe, gbe ahwo nọ a rọo no dede a rẹ jọ goli re. Ahwo nọ o rrọ bẹbẹ kẹ re a jọ kugbe amọfa gbe ahwo nọ oma o rẹ jọ goli, a rẹ mọ yọ a re roro iroro.

•   Edọktọ jọ nọ o wuzou gaga evaọ U.S. nọ a re se Dr. Vivek Murthy ọ ta nọ, “Oma nọ o rẹ jọ ohwo goli u yoma vi ẹsenọ oma o rẹ riẹ ohwo ru hu.” Ọ ta re nọ: “Nọ oma o tẹ rrọ ohwo goli hayo nọ o tẹ rrọ bẹbẹ re ohwo ọ jọ kugbe amọfa, o rẹ wha uwhu se ohwo wọhọ epanọ o rẹ jọ kẹ ohwo nọ o bi vovo ibi isigareti ikpegbisoi evaọ okpẹdẹ.”

 Ọghẹnẹ nọ ọ ma omai na ọ gwọlọ nọ ma jọ goli hi. Ọghẹnẹ ọ ma omai re ma jọ goli hi. Ọ gwọlọ nọ ma jọ kugbe amọfa je ru eware kugbe re eva e were omai.

•   Ohrẹ Ebaibol: “Ọghẹnẹ ọ tẹ ta nọ: ‘U woma ha re ọzae na ọvo ọ gbẹ jọ.’”—Emuhọ 2:18.

 Ọghẹnẹ ọ gwọlọ nọ ma mu usu kugbei. Ọghẹnẹ ọ ta nọ o ti si kẹle omai nọ ma tẹ daoma si kẹle iẹe.—Jemis 4:8.

•   Ohrẹ Ebaibol: “Eva e were enọ e riẹ nọ u fo re a riẹ Ọghẹnẹ, keme Uvie odhiwu o rrọ kẹ ae.”—Matiu 5:3.

 Ọghẹnẹ ọ gwọlọ nọ ma kuomagbe amọfa gọe. Ma te ru ere, eva e rẹ were omai.

•   Ohrẹ Ebaibol: “Joma roro kpahe ohwohwo re ma sai ru ohwohwo dhesẹ uyoyou je ru iruo iwoma, ma re gbabọkẹ omakokohọ mai hi, . . . rekọ ma rẹ tuduhọ ohwohwo awọ.”—Ahwo Hibru 10:24, 25.

 Re whọ gbẹ riẹ eware efa kpahe oware nọ u ro wuzou re ma whaha eware nọ e rẹ lẹliẹ omai jọ goli, se uzoẹme na “Loneliness in a World of Mass Connection.”