HAI ROU!
Emuemu O bi Vihọ Evaọ Akpọ na Soso—Eme Ebaibol na Ọ Ta?
Ahwo utu ugbarugba a bi ru ozighi jẹ raha eware evaọ Haiti. Ozighi ọ da oria kpobi fia evaọ South Africa avọ Mexico gbe erẹwho efa nọ e rrọ Latin America. Makọ evaọ eria nọ ozighi ọ jọ dina kpotọ, iyẹrẹ i dhesẹ nọ ahwo a rrọ awawa keme iji i bi tho eware ahwo, raha eware je tu erae họ iwou.
Eme Ebaibol na ọ ta kpahe emuemu nọ ọ da oria kpobi fia evaọ akpọ na?
Oware nọ Ebaibol na ọ ta kpahe emuemu nọ ọ rrọ akpọ na
Ebaibol na ọ ta nọ emuemu ọ te jọ usu oka nọ a ti ro vuhu “oke urere uyero-akpọ na.” (Matiu 24:3) Nọ Jesu o je dhesẹ eware nọ e te via nọ a ti ro vuhu oka na, ọ ta nọ:
“Fiki epanọ emuemu o ti vihọ, uyoyou ibuobu u ti kiekpo.”—Matiu 24:12.
Ebaibol na ọ tẹ jẹ ta nọ “evaọ edẹ urere na” ahwo “a ti wo oma-onyẹ hẹ, a ti mu ofu-ọkpoo, a ti you oware uwoma ha.” (2 Timoti 3:1-5) Eware nana e rrọ usu eware nọ e be lẹliẹ ahwo ru umuemu gaga nẹnẹ na.
Rekọ ma wo ẹruore. Ebaibol na ọ ta nọ kẹle na emuemu o ti kuhọ.
“Omoke kakao ọvo u kiọkọ, ahwo omuomu na a gbẹ te jọ họ; who ti rri oria nọ a jọ vẹre, a gbẹ te jọ etẹe he. Rekọ enọ e be romakpotọ na e te rọ otọakpọ na reuku, yọ eva e te were ae gaga fiki udhedhẹ nọ o dafia.”—Olezi 37:10, 11.
Wuhrẹ kpahe eware efa nọ Ebaibol na ọ ta nọ e kẹ omai ẹruore gbe oware nọ o sai ro mu owhẹ ẹro nọ eware nọ e be via nẹnẹ na i bi ru eruẹaruẹ Ebaibol gba. Se izoẹme nana.
“Ẹruore nọ Ma Wo Kpahe Obaro Na”
“Eme Họ Oka ‘Edẹ Urere na,’ Hayo ‘Oke Urere’ Na?”
“Kọ A Jọ Ebaibol Ruẹaro Kpahe Iruemu Iyoma nọ Ahwo A Wo Nẹnẹ Na?”