HAI ROU!
Eware Iyoma Buobu E Via Evaọ Ukpe 2022—Eme Ebaibol na Ọ Ta?
Evaọ ukpe 2022, eware nọ a jẹ mae niyẹrẹ kpahe ẹsikpobi họ ẹmo, ẹgaga, gbe eware okpẹtu. Ebaibol na ọ ta kpahe oware nọ o wha riẹ ze nọ eware nana e be rọ via.
Eme eware nọ e via evaọ 2022 na i dhesẹ?
Eware nọ e via evaọ ukpe nukpo na i dhesẹ vevẹ nọ ma be rria etoke nọ Ebaibol na o se “edẹ urere na.” (2 Timoti 3:1) Edẹ urere na i muhọ evaọ ukpe 1914. Eware nọ e be via nẹnẹ na yọ eware nọ Ebaibol na ọ ta nọ e te via evaọ oke mai na. Ejọ họ:
“Emo.”—Matiu 24:6.
“Ukpe 2022 Họ Ukpe nọ Ahwo Europe A rọ Wariẹ Mu Uye Họ Ẹruẹ Fiki Ẹmo.” a
Se uzoẹme na “Orẹwho Russia O Vẹruọ Orẹwho Ukraine.”
“Ohọo u ti mu.”—Matiu 24:7.
“Ukpe 2022 Yọ Ukpe nọ Ohọo Ọgaga U ro Mu.” b
Se uzoẹme na “Ẹmo Obọ Ukraine Ọ be Lẹliẹ Ohọo Ga Evaọ Akpọ-Soso.”
“Ikpeyao.”—Luk 21:11.
“Ẹyao polio ọ wariẹ zihe ze, ẹyao monkeypox ọ be lahiẹ ahwo, yọ ẹyao COVID-19 o gbe bi kpe ahwo. Onana u dhesẹ nọ eyao nọ i re vo e rrọ yoyoma gaga, yọ i bi vo ruọ ahwo oma lọlọhọ.” c
Se uzoẹme na “Ahwo nọ A Bu Te Ima Ezeza Ẹyao COVID-19 O Kpe No.”
“Eware idudu.”—Luk 21:11.
“Ẹrrorro ọgaga, erae-ẹwọ, etọ nọ e yafia, gbe iwhe nọ i bi ku. Oware nọ ahwo a te kareghẹhọ kpahe ezi uvo ukpe 2022 họ, eware okpẹtu nọ e raha eware. Eware okpẹtu nana i kpe idu ahwo buobu je ru nọ ima ahwo buobu a rọ kwa no iwou rai.” d
Se uzoẹme na “Akpọ na Ọ be Rrorro Vrẹta Evaọ Akpọ-Soso.”
“Ozighi [hayo, “ẹvohẹ,” ẹme-obotọ.].”—Luk 21:9.
“Fikinọ eware e rrọ gaga yọ eware e be ghare kẹdẹ kẹdẹ, eva e jẹ dha ahwo gaga, fikiere ahwo a luje wọso egọmeti evaọ ukpe 2022 vi epaọ anwẹdẹ.” e
Se uzoẹme na “Eware I bi Dhe Ẹghẹghare Evaọ Akpọ-Soso Nẹnẹ.”
Ẹvẹ eware e te jọ evaọ ukpe notha?
Ohwo ọvo ọ sae ta epanọ eware e te jọ evaọ ukpe 2023 hi. Rekọ ma riẹ nọ kẹle na, Uvie Ọghẹnẹ nọ o ro mu evaọ obọ odhiwu na ọ te raha egọmeti ahwo-akpọ no. (Daniẹl 2:44) Uvie Ọghẹnẹ u ti si eware kpobi nọ e be wha uye-oruẹ se ahwo-akpọ no, je ru nọ a ti ro ru oreva Ọghẹnẹ evaọ otọakpọ na.—Matiu 6:9, 10.
Ma tuduhọ owhẹ awọ re who lele ohrẹ nọ Jesu ọ kẹ inọ “ruabọhọ erou,” re whọ riẹ epanọ eware nọ e be via nẹnẹ i bi ro ru eruẹaruẹ Ebaibol gba. (Mak 13:37) Whọ tẹ gwọlọ gbẹ riẹ kpahe epanọ Ebaibol na ọ sai ro fiobọhọ kẹ owhẹ avọ ahwo uviuwou ra enẹna gbe evaọ obaro, ivie kere se omai.
a AP News, “2022 Was Year the Horror of War Returned to Europe,” by Jill Lawless, December 8, 2022.
b World Food Programme, “A Global Food Crises.”
c JAMA Health Forum, “Living in an Age of Pandemics—From COVID-19 to Monkeypox, Polio, and Disease X,” by Lawrence O. Gostin, JD, September 22, 2022.
d Earth.Org, “What’s Behind the Record-Breaking Extreme Weather Events of Summer 2022?” by Martina Igini, October 24, 2022.
e Carnegie Endowment for International Peace, “Economic Anger Dominated Global Protests in 2022,” by Thomas Carothers and Benjamin Feldman, December 8, 2022.
Enana E Sae jẹ Were Owhẹ
ENỌ NỌ EBAIBOL Ọ KẸ IYO RAI
Eme Họ Oka “Edẹ Urere na,” Hayo “Oke Urere” Na?
Ebaibol na ọ ta kpahe eware buobu nọ e te via evaọ oke ovona nọ a ti ro vuhu edẹ urere na.
UWOU-ERORO NA
Ọghẹnẹ O ti Si Uye-Oruẹ Kpobi No Otọ Kẹle
Ẹvẹ ma sae rọ riẹ nọ Ọghẹnẹ ọ te jowọ kẹle re o si uye-oruẹ gbe okienyẹ kpobi no otọ?
IWUHRẸ EBAIBOL NỌ I WUZOU
Eme Họ Uvie Ọghẹnẹ?
Okenọ Jesu ọ jọ otọakpọ jẹ ta usiuwoma, Uvie Ọghẹnẹ ọ mae ta kpahe vi oware ofa kpobi. Anwọ ikpe buobu ze na, Ileleikristi a be lẹ nọ Uvie na o ze.
IWUHRẸ EBAIBOL NỌ I WUZOU
Uvie Ọghẹnẹ U Muhọ Esu Evaọ 1914
Evaọ ikpe nọ e vrẹ 2,600 nọ i kpemu, Ọghẹnẹ o dhesẹ ewezẹ jọ nọ e rrọ eruẹaruẹ kẹ ovie ọgaga jọ nọ i bi rugba enẹna.
IZOẸME EFA
Ẹruore nọ Ma Wo Kpahe Obaro Na
Fikieme eyaa nọ Ọghẹnẹ ọ ya evaọ Ebaibol na i ro wo ohẹriẹ no eware nọ ahwo-akpọ gheghe a rẹ ta kpahe obaro?
KPAHE OMAI
Yare nọ Isẹri Jihova A Nyabru Owhẹ Ze
Wha te ta ẹme kpahe onọ Ebaibol na jọ, hayo whọ te riẹ ahwo nọ Isẹri Jihova a rrọ.
