Eware nọ a be mae niyẹrẹ rai enẹna họ, ahwo nọ a be ta eme omukpahọ, ahwo nọ a bi ru eware iyoma, ahwo nọ a bi ru ozighi fikinọ a mukpahe ahwo uyẹ ọfa, gbe ẹmo.

•   “Fiki ẹmo nọ o du lahwe evaọ udevie ahwo Izrẹl gbe ahwo Gaza na, eme omukpahọ ọvo ahwo a be ta evaọ itanẹte.”—The New York Times, Akpegbọvo 15, 2023.

•   “No anwọ edẹ 7 Akpe ze, evaọ akpọ na soso eme omukpahọ ọvo ahwo a be ta, yọ a bi ru ozighi gaga.”—Dennis Francis, nọ ọ rrọ prẹsidẹnte United Nations General Assembly, Akpegbọvo 3, 2023.

 Nẹnẹ akpọ eme omukpahọ, ozighi, gbe ẹmo i muhọ họ. Ebaibol na o dhesẹ nọ ahwo jọ evaọ okenọ u kpemu, a rẹ “ma eme edada rai wọhọ ese,” yọ ozighi gbe ẹmo ọvo e rẹ were ae. (Olezi 64:3; 120:7; 140:1) Rekọ Ebaibol na o dhesẹ nọ oghẹrẹ omukpahọ nọ ma be ruẹ nẹnẹ na, u dikihẹ kẹ oware jọ.

 Ebaibol na ọ ta kpahe eware ivẹ jọ nọ e wha riẹ ze nọ omukpahọ o rọ da oria kpobi fia nẹnẹ.

1.  1. A jọ Ebaibol na ruẹaro kpahe etoke nọ “uyoyou ibuobu u ti kiekpo.” (Matiu 24:12) Ukpenọ ahwo a re you erivẹ rai, a ti dhesẹ uruemu nọ o rẹ wha omukpahọ ze.—2 Timoti 3:1-5.

2.  2. Omukpahọ o da oria kpobi fia keme Setan Ẹdhọ na họ ọnọ o bi su akpọ na, yọ ọ rrọ muomu gaga. Ebaibol na ọ ta nọ “akpọ na soso ọ rrọ otọ ogaga omuomu na.”—1 Jọn 5:19; Eviavia 12:9, 12.

 Ebaibol na o dhesẹ nọ kẹle na, Ọghẹnẹ o ti si eware kpobi nọ e be wha omukpahọ ze no. Ofariẹ, o ti si uye-oruẹ nọ omukpahọ o wha ze notọ no re. Ebaibol na ọ ta nọ:

•   Ọghẹnẹ “o ti ririe irui-oviẹ kpobi no aro rai, uwhu o gbẹ te jọ ofa ha, yọ uweri hayo oviẹ hayo edada e gbẹ te jọ ofa ha. Eware anwae na e vrẹ no.”—Eviavia 21:4.