UZIZIE EKAREGHẸHỌ
Jesu O ti Ku Ẹmo Họ
Nọ Jesu ọ jọ akpọ na, o dhesẹ nọ o you ahwo gaga. O you ahwo te epanọ ọ rọ rehọ uzuazọ riẹ dheidhe kẹ ae. (Matiu 20:28; Jọn 15:13) Kẹle na, Jesu nọ Ọghẹnẹ o ro mu Ovie Uvie riẹ na, ọ te wariẹ dhesẹ uyoyou kẹ ahwo-akpọ keme o ti “ru emo serihọ evaọ otọakpọ na soso.”—Olezi 46:9.
Rri epanọ Ebaibol na o dhesẹ oware nọ Jesu o ti ru:
“O ti siwi oyogbe nọ o bi bo kẹ obufihọ na, te oruori na avọ ohwo kpobi nọ o wo ofiobọhọ họ. Ọ te re ohrọ oruori na gbe oyogbe na, yọ o ti siwi uzuazọ iyogbe na. O ti siwi ai no okienyẹ gbe ozighi.”—Olezi 72:12-14.
Ẹvẹ ma sai ro dhesẹ nọ eware nọ Jesu o ru kẹ omai no gbe enọ o ti ru kẹ omai evaọ obaro e da omai ẹro? Evaọ obe Luk 22:19, Jesu ọ ta kẹ ilele riẹ nọ a hae kareghẹhọ uwhu riẹ. Fikiere kukpe kukpe, Isẹri Jihova a re kokohọ evaọ ẹdẹ uwhu riẹ na. Ma zizie owhẹ re who kuomagbe omai ru Ekareghẹhọ uwhu Jesu evaọ Ẹdoka, Asa 24, 2024.
Enana E Sae jẹ Were Owhẹ
EKAREGHẸHỌ
Ru Ekareghẹhọ Uwhu Jesu
Ma zizie owhẹ nọ who kuomagbe omai ru ekareghẹhọ uwhu Jesu evaọ oghẹrẹ nọ ọ ta nọ ma ru ei. Riẹ epanọ uzuazọ gbe uwhu Jesu o sae rọ kẹ owhẹ erere.
IWUHRẸ EBAIBOL NỌ I WUZOU
Eme Họ Uvie Ọghẹnẹ?
Okenọ Jesu ọ jọ otọakpọ jẹ ta usiuwoma, Uvie Ọghẹnẹ ọ mae ta kpahe vi oware ofa kpobi. Anwọ ikpe buobu ze na, Ileleikristi a be lẹ nọ Uvie na o ze.
UWOU-ERORO NA
Uzẹme na Kpahe Uvie Ọghẹnẹ
Ikereakere na i dhesẹ Ovie Uvie Ọghẹnẹ gbe oria nọ Uvie na u ti su no ze, ẹjiroro riẹ, enọ i ti lele ovie na su, gbe enọ e te jọ otọ Uvie na.
KPAHE OMAI
Yare nọ Isẹri Jihova A Nyabru Owhẹ Ze
Wha te ta ẹme kpahe onọ Ebaibol na jọ, hayo whọ te riẹ ahwo nọ Isẹri Jihova a rrọ.
