Jesu ọ riẹ epanọ o rẹ da te nọ ohwo ọ tẹ be ruẹ uye fiki emuemu gbe okienyẹ. Nọ ọ jọ otọakpọ, ahwo a wọ eku fihọ iẹe uzou, a fa riẹe, a tu rie ẹdhọ, a bruoziẹ uwhu kpei yọ uwhremu na a te kpei. Dede nọ Jesu o ru oware ọvo thọ họ, ọ rọ unevaze “siobọno uzuazọ riẹ rọkẹ ẹtanigbo ahwo buobu.” (Matiu 20:28; Jọn 15:13) Jesu nọ Ọghẹnẹ o ro mu Ovie Uvie riẹ no na, o ti si okienyẹ gbe emuemu no akpọ na no kẹle na.—Aizaya 42:3.

 Ebaibol na ọ ta kpahe epanọ otọakpọ na ọ te jọ okenọ Jesu o te si eware nana kpobi no:

•   “Ahwo omuomu na a gbẹ te jọ họ; who ti rri oria nọ a jọ vẹre, a gbẹ te jọ etẹe he. Rekọ enọ e be romakpotọ na e te rọ otọakpọ na reuku, yọ eva e te were ae gaga fiki udhedhẹ nọ o dafia.”—Olezi 37:10, 11.

 Ẹvẹ ma sai ro dhesẹ nọ eware nọ Jesu o ru kẹ omai no gbe enọ o ti ru kẹ omai evaọ obaro e da omai ẹro? Evaọ obe Luk 22:19, Jesu ọ ta kẹ ilele riẹ nọ a hae kareghẹhọ uwhu riẹ. Fikiere kukpe kukpe, Isẹri Jihova a re kokohọ evaọ ẹdẹ uwhu riẹ na. Ma zizie owhẹ re who kuomagbe omai ru Ekareghẹhọ uwhu Jesu evaọ Ẹdoka, Asa 24, 2024.

Jọ Etenẹ Gwọlọ Oria Jọ nọ A te Jọ Kẹ Ovuẹ Obọdẹ Na