Nọ Jesu ọ jọ otọakpọ, o you ahwo yọ o ru eware buobu ro fiobọhọ kẹ ae, maero kọ ahwo nọ a yogbe gbe enọ uye o jẹ bẹ. (Matiu 9:36) Ọ tubẹ rọ uzuazọ riẹ dheidhe kẹ ahwo-akpọ. (Matiu 20:28; Jọn 15:13) Kẹle na, Jesu nọ Ọghẹnẹ o ro mu Ovie Uvie riẹ na, ọ te wariẹ dhesẹ uyoyou kẹ ahwo-akpọ keme o ti si uvuhu no evaọ akpọ na soso.

 Ebaibol na ọ rehọ emamọ eme nana ro dhesẹ oware nọ Jesu o ti ru:

•   “Jọ ọ thothọ iruori nọ e rrọ udevie ahwo na, jọ o siwi emezae iyogbe na.”—Olezi 72:4.

 Ẹvẹ ma sai ro dhesẹ nọ eware nọ Jesu o ru kẹ omai no gbe enọ o ti ru kẹ omai evaọ obaro e da omai ẹro? Evaọ obe Luk 22:19, Jesu ọ ta kẹ ilele riẹ nọ a hae kareghẹhọ uwhu riẹ. Fikiere kukpe kukpe, Isẹri Jihova a re kokohọ evaọ ẹdẹ uwhu riẹ na. Ma zizie owhẹ re who kuomagbe omai ru Ekareghẹhọ uwhu Jesu evaọ Ẹdoka, Asa 24, 2024.

Jọ Etenẹ Gwọlọ Oria Jọ nọ A te Jọ Ru Ekareghẹhọ Na