HAI ROU!
Otọ U Nuhu Raha Eware Gaga je Kpe Ahwo Evaọ Turkey gbe Syria—Eme Ebaibol na Ọ Ta?
Evaọ ẹdẹ avọ 6 Ava, 2023 nọ o jọ Ẹdọvo-Oka, otọ u nuhu raha eware gaga je kpe ahwo evaọ Turkey gbe Syria.
“Evaọ Ẹdọvo-Oka, otọ u nuhu gaga evaọ abọjọ Turkey gbe ofẹ obọze ukiediwo-ọre Syria, yọ u kpe ahwo nọ a bu vi idu esa gbe egba ihrẹ (3,700). Onana o via evaọ okenọ ekpahe e jọ gaga, onọ u ru rie mae bẹ kẹ idu ahwo nọ e nwoma hayo nọ iwou rai e raha. U te je ru ei bẹbẹ re a gwọlọ ahwo nọ a zọ.”—Reuters, Ava 6, 2023.
O rẹ da omai gaga nọ ma te yo ekpehre usi utiona. Evaọ oke utiona, ma sae rẹroso Jihova nọ ọ rrọ “Ọghẹnẹ omosasọ kpobi” na inọ o ti fiobọhọ kẹ omai. (2 Ahwo Kọrint 1:3) Ọ rẹ kẹ omai “omosasọ nọ u re no Ikereakere na ze [re ma ruẹsi] wo ẹruore.”—Ahwo Rom 15:4.
Ma sae jọ Ebaibol na wuhrẹ kpahe:
Oware nọ a ruẹaro riẹ kpahe etọ nọ i ti nuhu.
Epanọ ma sai ro wo omosasọ gbe ẹruore.
Epanọ Ọghẹnẹ o ti ro si uye-oruẹ kpobi no.
Re whọ sae riẹ oware nọ Ebaibol na ọ ta kpahe izoẹme yena, se izoẹme nana:
a Jihova họ odẹ Ọghẹnẹ.—Olezi 83:18.
Enana E Sae jẹ Were Owhẹ
ENỌ NỌ EBAIBOL Ọ KẸ IYO RAI
Kọ Mẹ Sae Ruẹ Eme nọ E rẹ Sasa Omẹ Oma Evaọ Ebaibol Na?
Ahwo buobu nọ a bi thihakọ ebẹbẹ gbe enọ e rrọ ọkora a bi wo omosasọ fiki eware nọ a bi se evaọ Ebaibol na.
IWUHRẸ EBAIBOL NỌ I WUZOU
Kọ Ọghẹnẹ Họ Ọnọ Ọ be Wha Okpẹtu nọ A rọ Obọ So Ho Ze?
Imava jọ nọ eware okpẹtu e via kẹ a ta kpahe oware nọ a wuhrẹ no Ebaibol na ze.
IZOẸME EFA
Ẹruore nọ Ma Wo Kpahe Obaro Na
Fikieme eyaa nọ Ọghẹnẹ ọ ya evaọ Ebaibol na i ro wo ohẹriẹ no eware nọ ahwo-akpọ gheghe a rẹ ta kpahe obaro?
IWUHRẸ EBAIBOL NỌ I WUZOU
Fikieme Ọghẹnẹ Ọ jẹ Kuvẹ kẹ Uye-Oruẹ?
Ebaibol na ọ ta emamọ eme nọ e rẹ sasa ohwo oma.
IWUHRẸ EBAIBOL
Rọwo nọ Ma Wuhrẹ Ebaibol na Kugbe Owhẹ
Ohwo jọ o ti wuhrẹ Ebaibol na kugbe owhẹ ọvọvẹ.
