Akpegbivẹ 23-29
OLEZI 119:121-176
Ole avọ 31 gbe Olẹ | Ẹme Emuhọ (Iminiti 1)
1. Whọ rọ Abọ Te Imu Te Oma Ha
(Iminiti 10)
Jọ ijaje Ọghẹnẹ e were owhẹ gaga (Ol 119:127; w18.06 17 ¶5-6)
Mukpahe oware uyoma (Ol 119:128; w93 4/15 17 ¶12)
Yoẹme kẹ Jihova, re whọ whaha oware nọ o rẹ via kẹ “ogbori” (Ol 119:130, 133; Itẹ 22:3)
NỌ OMARA NỌ, ‘Eware jọ vẹ dẹẹ me muẹrohọ nọ me re ru nọ u re dhesẹ nọ ijaje Ọghẹnẹ e were omẹ ziezi, me te je mukpahe oware uyoma?’
2. Eware Aghae nọ Whọ Kiẹ Via
(Iminiti 10)
-
Ol 119:160—Eme u fo nọ u re mu omai kpobi ẹro? (w23.01 2 ¶2)
-
Eware aghae vẹ whọ jọ isase Ebaibol oka nana wuhrẹ nọ whọ gwọlọ ta kpahe?
3. Isase Ebaibol
(Iminiti 4) Ol 119:121-152 (th uwuhrẹ 2)
4. Epanọ A re ro Mu Ẹme Họ
(Iminiti 3) NO UWOU RUỌ UWOU. (lmd uwuhrẹ 1 ugogo ẹme 5)
5. Ozihebro
(Iminiti 4) NO UWOU RUỌ UWOU. Dhesẹ kẹ ohwo na epanọ ọ sae rọ jọ jw.org ruẹ evuẹ nọ e were riẹ. (lmd uwuhrẹ 8 ugogo ẹme 3)
6. Fiobọhọ kẹ Ahwo Zihe Ruọ Ilele
(Iminiti 5) Lele ohwo nọ who bi wuhrẹ Ebaibol nọ ọ be ziọ ewuhrẹ kẹse kẹse he ta ẹme. (lmd uwuhrẹ 12 ugogo ẹme 4)
Ole avọ 121
7. Whọ Kuvẹ re Ugho U Si Uye Se Owhẹ Hẹ
(Iminiti 15) Ẹme nọ a rẹ kpahe fihọ.
Ahwo nọ a bi le ugho kiti kiti a rẹ rọ “eware edada buobu duwu omarai soso.” (1Ti 6:9, 10) Joma fodẹ eware jọ nọ e rẹ via kẹ ahwo nọ a you ugho jẹ rehọ iẹe karo evaọ uzuazọ.
-
A rẹ sai wo usu okpekpe kugbe Jihova ha.—Mt 6:24
-
Ugho nọ a wo o rẹ da ae ẹro ho.—Ọt 5:10
-
Ohwo nọ o you ugho o re duwu abọ họ eware iyoma efa wọhọ ọrue-ọta, uji-utho gbe iwhayo. (Itẹ 28:20) Ohwo o te ru eware itieye na, udu riẹ u re brukpei, ahwo a re gbe fievahọ iẹe he, usu riẹ avọ Ọghẹnẹ o vẹ jẹ raha no
Se Ahwo Hibru 13:5, kẹsena wha vẹ ta kpahe onọ nana:
-
Oghẹrẹ uruemu vẹ ma rẹ whaha re ugho u gbe si uye se omai hi, kọ fikieme ma rẹ rọ whaha uruemu yena?
Ma gbẹ be maki le ugho kiti kiti hi rekọ ma be rọ igho nọ ma wo dẹ ugbẹdẹ, u re si uye se omai.
Kporo ividio EWARE NỌ A DRỌ FIHỌ EBỌDO ỌFUAFO na Riẹ Oghẹrẹ nọ Whọ rẹ rọ Raha Ugho Ra. Kẹsena whọ vẹ nọ ogbotu na enọ nana:
-
Fikieme u ro fo re ma kere eware nọ ma te rọ ugho mai ru fihotọ, kọ ẹvẹ ma sai ro ru ei?
-
Fikieme u ro fo re ma hai fi ugho jọ họ akotọ nọ obọ u re te he?
-
Fikieme u ro woma re ma siọ esa ba ẹre?
8. Uwuhrẹ Ebaibol Ukoko
(Iminiti 30) bt uzou 20 ¶1-7, gbe eme emuhọ abọ 7
